Engagement de six danseurs de moresques par les maîtres de la Confrérie de la Passion.
http://data.archives-nationales.culture.gouv.fr/recordResource/041101-c1p6rdgwjsi3--1bbar6pzgt3r5 an entity of type: RecordResource
Engagement de six danseurs de moresques par les maîtres de la Confrérie de la Passion.
xsd:date
1578-09-19
19 septembre 1578
rdf:XMLLiteral
Extrait du contenu :
' Furent presens en leurs personnes Jehan Bauldry, Pierre Brémant, Gilles Engran, Baptiste Carte, Germain Feron et Jean Hervé, tous danseurs de moresques, demourant à Paris, confessent avoir promis et promectent chacun d'eulx seul et pour le tout sans division aux doyen et maistre de la Confrairie de la Passion, fondée en ceste ville de Paris en l'église et ospital de la Trinité en la rue Saint-Denis, honnorables hommes Charles Poudrac, Jehan de Presles, à présent deux desdictz maistres, à ce presents, stippulans et ce acceptans tant pour eulx que pour leurs autres maistres de ladicte confrayrie, de sonner et danser par ledict Bauldry et autres dessus nommez de moresque par chacun jour que l'on joura à l'hostel de Bourgogne et toutes les foys qu'ilz en seront requis, du jour que l'on commencera à y jouer en la présente année jusques et compris le jour de Caresme prenant prochain, selon et suivant le subject qui leur en sera à ceste fin baillé par le poste desdictz jeulx, sans y faire aulcune faulte. Et ce moyennant et à raison d'ung escu d'or soleil pour tout le sallaire des dessusdictz par chacun jour qu'ilz sonneront et danceront des dictes moresques, que lesdictz maistres et gouverneurs ont dict et en seront tenuz payer aux dessusdictz au feur et ainsy qu'ilz le gaigneront, fors et excepté ledict jour de Caresme prenant, dont ilz n'auront aulcune chose ne sallaire pour ledict jour. Promectant etc. obligeant lesdictz Bauldry et autres dessus nommez chascun pour le tout dans division ne discution corps et biens, renonceant encore iceux Bauldry et consors aux benefices de ladicte division et ordre de droict et de discution.
Fait et passé double l'an mil cinq cent soixante et dix-huit, le vendredy dix-neufième jour de septembre.
Rossignol (notaire) - Chazeretz (notaire)
Origine de l'information :
La musique au XVIe siècle, 131 actes concernant les musiciens dans les minutes du notaire Jean Chazerets de 1577 à 1599, par Madeleine Jurgens, 1975 (dactylogramme entièrement dématérialisé ; voir contexte dans le Plan d’orientation général - Notaires de Paris, guides thématiques du Minutier).
Date de création de la notice : 2011
Engagement de six danseurs de moresques par les maîtres de la Confrérie de la Passion.