Association de trois joueurs de tambour et fifre.
http://data.archives-nationales.culture.gouv.fr/recordResource/041101-c1p6rdiusqxv--1bzx3peum5i1w an entity of type: RecordResource
Association de trois joueurs de tambour et fifre.
xsd:date
1588-05-10
10 mai 1588
rdf:XMLLiteral
Extrait du contenu :
' Jacques de La Noe, demeurant rue des Gravilliers a Paris, paroisse Sainct-Nicolas, Balthazard Poteau, demeurant rue au Maire, en ladicte paroisse, et Guillaume Boulade, demeurant rue du Verdboys, en ladicte paroisse, tous maistres joueurs de tambour en cette ville, confessent eulx estre associéz et associent du jour d'huy jusques a quatre ans prochains, a sonner ensemblement des tambours et fifres, tant en cette ville de Paris que aultres lieux ou a tous et telz marchéz qu'ils feront et partir entre eulx chacun par un tiers et esgalle portion les deniers, proffictz et esmolumens qui leur adviendront pour sonner et jouer desdictz tambours et fifres, desquelz ilz, ne aulcuns d'eulx, ne pourra jouer et sonner sans appeler l'ung l'autre par celluy qui aura faict marché de jouer et sonner desdictz tambours pour jouer et sonner d'iceulx et du fifre eulx trois ensemblement pourveu que les personnes qui les employeront a jouer desdictz tambours veullent avoir jusques au nombre de trois tambours, et ou on ne vouldra ledict nombre, celluy d'eulx qui ne jouera poinct aura autant et pareille part du gaing qui proviendra de la sonnerye desdictz tambours, ung de ceulx qui en joueront et ne se pourront desister de la presente association pendant ledict temps, sans le consentement l'ung de l'aultre. Car ainsy, promectant etc, obligeant chacun en droict soy, renonceant, etc.
Faict et passé a Paris, es estudes, l'an V c IIII xx huict, le mardy dixiesme jour de may apres midy et ont tous dict ne scavoir escripre ne signer et faict chacun une marque qu'ilz ont dict estre leur signature ordinaire [ces marques sont informes]. '.
Rossignol (notaire) - Chazeretz (notaire).
Origine de l'information :
La musique au XVIe siècle, 131 actes concernant les musiciens dans les minutes du notaire Jean Chazerets de 1577 à 1599, par Madeleine Jurgens, 1975 (dactylogramme entièrement dématérialisé ; voir contexte dans le Plan d’orientation général - Notaires de Paris, guides thématiques du Minutier).
Date de création de la notice : 2011
Association de trois joueurs de tambour et fifre.