Association de huit joueurs d'instruments pour cinq années.
http://data.archives-nationales.culture.gouv.fr/recordResource/041101-c1p6rdlwnnhf-8g28i7i9b3vf an entity of type: RecordResource
Association de huit joueurs d'instruments pour cinq années.
xsd:date
1602-07-17
17 juillet 1602
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent pr[esens] en leurs personnes [Guillaume] Daumont, l'aisné, [Guillaume Daumont, le jeune], haultbois du roy, François Branchu, Guillaume Broart, Martin Regnault, Nicolas Fieffé, François Aulmont et Vincent Verdier, tous maistres joueurs d'instrumens à Paris, lesquelz volontairement recongnurent et confesserent et par ces presentes confessent avoyr faict, feisrent et font entre eulx et de bonne foy, les associations, promesses, conventions et accordz qui ensuivent, et ce du jour d'huy jusques au jour de Caresme prenant prochain venant et dudict jour jusques à troys ans prochains après ensuivans, finiz et accompliz que l'on comptera mil six cens six, c'est assavoyr qu'ilz se sont associez et associent ensemblement en l'exercice et art de joueurs d'instrumens aux nopces, bancquestz, festins, fiansailles, mascarades, compagnies et assemblées où ilz seront appellez pendant ledict temps pour l'exercice de leurdicte vaccation et, pour ce faire, ledict Guillaume Daumont l'aisné sonnera du dessus de cornet et des bas-contre de vi(o)llon, ledict Daumont, le jeune, et Jehan Balu de touttes basses-contre, ledict Vincent Verdier sonnera de touttes haultes-contres de viollon et cornet, ledict Regnault sonnera de dessus de viollon et haulte-contre de cornet, ledict Aulmont sonnera le dessus [de... ledict Branchu] sonnera le dessus de [viollon et] haulte contre de cornet, ledict Broart [sonnera] de touttes tailles et ledict Fieffé aussi sonnera de touttes tailles, le tout aux conditions et charges selon et ainsy qu'il s'ensuict.
Scavoyr est que pour marchander et pour faire le pris avecq ceulx qui les employeront, seront deux d'entre eulx appellez; l'esmolument et proffict qui proviendra desquelz marchez sera party et divisé esgallement entre tous les dessusdictz, dont ilz promestent respectivement en tenir bon, fidele et loyal compte les ungs aux autres et en compter par chacune sepmaine le jour de vendredy precisement et au lieu et ainsy qu'ilz adviseront - à une heure attendant deux heures de rellevée -, sans y faillir, en peyne de demy escu d'amende par chacun des defaillans à se trouver applicquable au profict d'iceulx qui se y trouveront.
Item, que ceulx qui fauldront à assister aux aubades à l'heure dicte payeront à ceulx qui se y trouveront pour sonner pareil demy escu d'amande par chacun deffaillant et à chacune foys qu'ilz defailleront.
Item, que les proffictz se rapporteront en ladicte communaulté, comme dict est, n'estoict qu'ilz ne fussent que ung ou deux d'entre eulx appellez pour sonner, ouquel cas qu'il n'y ayt que ung ou deux d'entre eulx qui soient [appellez pour sonner], le proffict demeurera - ausdictz ung ou deux - sans qu'il entre en ladicte communaulté, sy ce n'est qu'il n'y ayt aubadde, assiette de tables, de trois ou quatre d'entre eulx ou bien fiançailles à deux, en ce dict cas tout ledict proffict entrera en ladicte communaulté.
Item, que lesdictes parties ne pourront aller ayder à sonner à autres compagnies, sy ce n'est du consentement de deulx desdictz associez.
Item, que chacun desdictz associez qui yront sonner aux - champs distant d'une lieue de Paris au moings aux - nopces et banquetz selon comme dict est auront et leur apartiendra dix solz tournoiz chacun davantage que ceulx qui n'y seront mandez sur le pris qui en proviendra.
Item, que lesdictz associez seront respectivement responsables les ungs envers les autres du pris et conventions qu'ilz feront avecq ceulx qui marchanderont et les appelleront aux nopces et vaccations susdictes, toutesfoys en demeureront deschargez en monstrant l'adjournement et poursuitte à leurs associez.
Item, que où lesdictz associez ou aulcuns d'eulx feissent tort et [dommaige en n']ayant rapporté fidellement [l']argent desdictz marchez en ladicte communaulté, en ce cas seront tenuz les deffaillans et contrevenans à ce que dessus payer en pure perte aux non contrevenans la somme de deux escus soleil et ce incontinant le cas advenu.
Item, sy aulcun desdictz associez jurent et blasphement le nom de Dieu par colere (...) , assavoyr ledict Branchu d'apprendre la haulte-contre de cornet dans ledict jour de Caresme prenant prochain; item, d'apprendre par ledict Verdier la haulte-contre de cornet dans ung moys prochain; ledict Fieffé de ladicte taille de cornet dans troys moys aussy prochains et ledict Aulmont dudict dessus de cornet dedans ung moys d'huy prochain, et où lesdessusdictz n'apprenoient leursdictes parties dans ledict temps en (ce) cas sera loisible autres leurs coassociez de les desmectre sy bon leur semble de ladicte presente association sans pour ce pretendre et demander par eulx contre leursdictz autres coassociez aulcuns despens, dommages et interestz.
Car ainsy etc; promettant etc, obligeant chacun en droict soy et l'un envers l'autre corps et biens, ]renonceant etc.
Faict (...) l'an mil six cent deux, le mercredy dix-septiesme jour de juillet après midy et ont signé, excepté lesdictz Daumont l'aisné et le jeune qui ont faict leurs marques par leurs seings ordinaires et accoustumez :
Marque de Daumont l'aisné Marque de Daumont le jeune.
BRANCHU BROUARD Jehan BALLU François AULMONT FIEFFÉ Martin REGNAULT Vincent VERDIER LECONTE (notaire) CHAZERETZ (notaire).
'Aujourd'huy en la presence des notaires au Chastelet de Paris soubzsignez sont comparuz lesdictz Guillaume Daumont l'aisné, Guillaume Daumont le jeune, Jehan Balu, François Branchu, Guillaume Broart, Martin Regnault, Nicolas Fieffé et François Aulmont, tous maistres joueurs d'instrumens devant nommez, tant pour eulx et en leurs noms que au moyen de la renonciation qui a esté faicte à l'association cy-devant escripte par Vincent Verdier y desnommé, lesquelz confessent avoyr [associé et associent à l'] entremise et nego[tiation de la]dicte association [les personnes] de Guillaume Hemon, Gabriel Servien et Anthoine Picot, aussy maistres joueurs d'instrumens et ce du jour d'huy jusques au jour de Caresme prenant prochain venant et non après, pendant lequel temps lesdictz comparans seront et demeureront associez (..)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 344II (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de huit joueurs d'instruments pour cinq années.