Marché pour la confection par Florent Hocque d'un positif portatif destiné à Florent Bienvenu.
http://data.archives-nationales.culture.gouv.fr/recordResource/041102-c1p6rfluym7f--ewtloctd5mx3 an entity of type: RecordResource
Marché pour la confection par Florent Hocque d'un positif portatif destiné à Florent Bienvenu.
xsd:date
1605-01-06
6 janvier 1605
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
Par devant les notaires du roy nostre Sire au Chastellet de Paris soubzsignez fut present en sa personne Florand Hocque, maistre faiseur d'orgues, demeurant à Paris, rue Sainct-Martin, parroisse Sainct-Nicollas des Champs, lequel a promis à Maistre Fleurand Bienvenu, prebtre, chappellain ordinaire et organiste de la Sainte-Chappelle de ceste ville de Paris, demeurant en l'enclos du pallais royal de ceste dicte ville, à ce present et acceptant et qui a faict marché avec ledict Hocque, de faire et parfaire bien et deuement au dire d'ouvriers et gens ad ce congnoissans ung positif portatif garny de sept jeulx, scavoir une flutte de deux piedz sonnant quatre, ung autre de deux piedz ouvert, une doublette, une cimballe de trois thuiaulx sur marche, ung nazart, ung cronhorne sonnant huict piedz une regalle sonnant huict piedz, au grand clavier racourcy et la flutte de quatre piedz, laquelle cronhorne et ladicte regalle se partiront par le millieu et neuf pedalles sonnant huict piedz, lequel positif et choses susdictes ledict Hocque sera tenu, a promis, promect et gaige rendre faict et parfaict fermant à clef ainsy qu'il est requis, bailler, fournir et livrer audict Bienvenu ou au porteur, dans le jour et feste de Pantecoste prochain venant pour tout delay, à peine de tous despens, dommaiges et interestz.
Ceste promesse et marché faict moyennant la somme de - huict vingtz livres tournoiz sur laquelle somme ledict Hocque a confessé et confesse avoir eu et receu par cy-devant dudict Bienvenu la somme de quarente livres tournoiz dont etc, quictant etc, et oultre ce - ledict Hocque a confessé et confesse avoir eu et receu dudict Bienvenu la somme de trente livres tournoiz qui luy a icelledicte somme de trente livres baillée, payée, comptée et delivrée manuellement comptant et presens les dictz notaires en pieces de seize solz et monnoye de douzains le tout bon ayant à present cours suivant ledict et declaration du roy, icelluy - Hocque - s'en est tenu et tient pour bien comptant et en a quicté et quicte ledict Bienvenu et tous autres. Et le reste et surplus ledict Bienvenu sera tenu, a promis, promect et gaige bailler et payer audict Hocque ou au porteur etc, au fur et à mesure qu'il travaillera audict positif et le parfaict payement sytost et incontinant qu'il aura fourny et livré icelluy positif faict et parfaict bien et deuement comme dict est audict Bienvenu. Et pour l'exécution des presentes ledict Hocques a esleu et eslict domicille irrevocable et perpetuel en la maison où il est demeurant devant designée, en laquelle maison il veult, consent et accorde que tous actes de justice qui y pourront estre faictz à l'effect que dessus sortent et vaillent leur plain et entier effect, force et vertu, comme sy faictz estoient parlant à sa propre personne et sondict domicille. Car ainsy etc; promectant etc, obligeant chacun en droict soy ledict Hocque corps et biens, renonceant etc.
Faict et passé ès estudes desdictz notaires soubzsignez l'an mil six cens et cinq le sixiesme jour de janvier après midy et ont signé :
F. BIENVENU DESMARQUETZ (notaire) Florent HOCQUE TRONSON (notaire).
'Ledict Florent Hocque cy-devant nommé confesse avoir eu et receu dudict Fleurand Bienvenu la somme de quarante-cinq livres tournoiz sur estant moings des quatre-vingtz dix livres tournoiz restant à payer des huict-vingtz livres mentionnez au marché cy-devant escript, dont etc, quictant etc, promectant etc, obligeant etc, renonceant etc.
Faict et passé ès estudes des notaires soubzsignez l'an mil six cent et cinq le vingt-huictiesme jour de janvier avant midy et ont signé :
Florent HOCQUE De TROYES (notaire) TRONSON.
'Ledict Florand Hocque, cy-devant nommé, confesse avoir eu et receu dudict Maistre Fleurand Bienvenu, aussy cy-devant nommé, les quarente-cinq livres tournoiz que ledict Bienvenu luy debvoit de reste et parfaict payement des huict-vingtz livres tournoiz contenuz et portez au marché faict et passé entre eulx, dont minutte est cy-devant escripte pour les causes y contenues, dont etc, quictant etc, et de toutes choses quelzconques jusques à huy, sans prejudice toutesfois audict Bienvenu dudict positif que ledict Hocque est tenu luy faire, fournir et livrer par ledict marché. Promectant etc, obligeant etc, renonceant etc.
Faict et passé és estudes des notaires soubzsignez l'an mil six cens cinq le vingt-troisiesme jour de may et ont signé :
Florent HOCQUE DESMARQUETZ F. BIENVENU TRONSON
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 795IV (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la confection par Florent Hocque d'un positif portatif destiné à Florent Bienvenu.