Promesse par Adrien de Hansart de remplacer Étienne Le Liepvre à l'orgue de Saint-Pierre-des-Arcis
http://data.archives-nationales.culture.gouv.fr/recordResource/041102-c1p6rfm8px83--cy8ishrryc3z an entity of type: RecordResource
Promesse par Adrien de Hansart de remplacer Étienne Le Liepvre à l'orgue de Saint-Pierre-des-Arcis
xsd:date
1610-12-21
21 décembre 1610
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
Par devant les notaires et garde-nottes du roy au Chastelet de Paris, fut present en sa personne Adrien de Hansart, organiste, demourant à Paris, rue Daulphine, parroisse Sainct-André des Arcs, lequel voluntairement a recongneu et confessé avoir promis et promect par ces presentes à honnorable homme Estienne Le Liepvre, maistre organiste à Paris, y demourant rue Sainct-Jacques, parroisse Sainct-Benoist, à ce present et acceptant, de sonner et faire jouer, en son acquict et descharge, bien et deuement, comme il apartient, les orgues de l'eglise parroichialle Monsieur Sainct-Pierre-des-Assis en la Cité, tous les jours de dimanches, festes et veilles d'icelles, selon et ainsy qu'il est dit et porté par le menu au memoire et estat qui en a esté faict et baillé par ledict Le Liepvre audict de Hansart, en fin duquel est la promesse et marché de ce par ledict Le Liepvre faict avec les marguilliers de l'oeuvre et fabricque de ladicte eglise Sainct-Pierre-des-Assiz, passé par devant Chauvyn et Nutrat, notaires audict Chastelet, le vingt sixiesme jour de may dernier, duquel lecture a esté presentement faicte par l'ung des notaires soubzsignez l'aultre present audict de Hansart, de sonner et faire jouer lesdicts orgues du premier jour de l'an prochain jusques au vingt-sixiesme jour du moys de may que l'on comptera mil six cent treize, sans aulcune discontinuation à peine de tous despens, dommaiges et interestz et de ce en acquicter, garentir, descharger, desdommaiger, rendre indemne pendant ledict temps ledict Le Liepvre envers lesdicts marguilliers presens et advenir de ladicte eglise Sainct-Pierre, ensemble de toutes pertes, despens, dommaiges et interestz, en quoy il pourroit estre tenu succomber et encourir à cause et pour raison de ce, et neaul-moins luy rendre et payer ou au porteur etc, tout ce que payé et frayé en aura ou ce que contrainct en seroit payer incontinant le cas advenu et à volunté. Ceste promesse faicte à la charge que ledict de Hansart prendera et recepvera au lieu et place dudict Le Liepvre - comme icelluy Le Liepvre consent et accorde par ces presentes - par chacun an durant ledict temps les soixante livres que lesdicts marguilliers de ladicte eglise seront tenuz et obligez luy bailler et payer par chacun an durant les trois années portées par ledict marché dessus dacté et mentionné aux quatre termes de l'an à Paris accoustumez, à commancer lesdicts gaiges à avoir cours et recepvoir par ledict de Hansart dudict premier jour de l'an prochain, premier terme et jour de payement escheant au jour et feste de Pasques après ensuivant, aussy prochain venant, et ainsy continuer ledict temps restant. Car ainsy etc, promectant etc, obligeant chacun en droict soy, renonceant etc.
Faict et passé à Paris ès estudes des notaires soubzsignez, l'an mil six cent dix, le vingt-ungniesme jour de decembre après midy et ont signé :
De HANSART DESMARQUETS (notaire) LE LIEPVRE TRONSON (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 659IV (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Promesse par Adrien de Hansart de remplacer Étienne Le Liepvre à l'orgue de Saint-Pierre-des-Arcis