Engagement de Charles Richard à Saint-Jacques-de-la-Boucherie.
http://data.archives-nationales.culture.gouv.fr/recordResource/041102-c1p6rfongtlv--1luo0wrmx1oys an entity of type: RecordResource
Engagement de Charles Richard à Saint-Jacques-de-la-Boucherie.
xsd:date
1643-01-13
13 janvier 1643
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Aujourd'huy, dacte des presentes, Charles Richard, organiste, demeurant à Paris, rue de Grenelle, parroisse Sainct-Eustache, s'est adressé à Monsieur Maistre Jean de Gaumont, seigneur de Saussay, conseiller du roy en sa court de Parlement et commissaire ès requestes du Pallais à Paris, Maistre Estienne Gerbault, notaire et garde-nottes de Sa Majesté en son Chastellet de Paris, et aus sieurs Richard Poignant et Jacques Barbier, marchandz, bourgeois de Paris, au nom et comme à present marguilliers de l'oeuvre et fabrique de l'eglise Sainct-Jacques de la Boucherie, trouvez au bureau d'icelle fabrique, lieu ordinaire pour traicter des affaires de ladicte eglise, ausquelz il a dict et remonstré que depuis ung mois en çà il seroit arrivé le decedz de Louis Bourdin, nagueres organiste de ladicte eglise, au moyen de quoy il estoit necessaire ausdictz sieurs marguilliers de s'en pourveoir d'ung pour le service divin d'icelle, ce qui auroit meu ledict Richard de se presenter ausdictz sieurs marguilliers et iceulx requis et suppliez de le voulloir admectre et retenir en ladicte charge, offrant de l'exercer en personne avec toute l'assiduité qu'il luy sera pos[s]ible au contentement desdictz sieurs et leurs successeurs, et oultre s'obliger d'entretenir les orgues de ladicte eglise et tous les jeux d'icelles bien et deuement sonnans et accordans à ses fraiz et despens pendant le temps qu'il demeurera en icelle charge, à l'exeption toutesfois du buffect du relevement general des jeux desdictes orgues quand il y conviendra travailler, moyennant que le plaisir desdictz sieurs marguilliers soit de luy donner et accorder annuellement la somme de quatre cens livres tournoiz tant pour ses gaiges ordinaires qu'entretenement des jeux desdictes orgues, payable chacun an aux quatre quartiers et de le loger ès lieux que occuppoit ledict deffunct Bourdin, lesquelles offres et propositions ayant esté considerées et communicquées à aulcuns antiens marguilliers et paroissiens de la dicte esglise ont resolu de les accepter; et, suivant ce, les parties èsdictz noms recognurent et confesserent avoir faict, convenu et accordé ensemble ce qui ensuict.
C'est assavoir que lesdictz sieurs marguilliers ont retenu et retiennent par ces presentes ledict Richard en ladicte charge d'organiste ordinaire de ladicte eglise pour l'exercer et sonner de l'orgue aux jours et festes accoustumées et en aultres jours quand bon semblera et tant et sy longuement qu'il plaira ausdictz sieurs marguilliers et leurs successeurs, ce que ledict Richard a promis, s'est obligé et promect faire faire et s'en rendre assidu en personne et sonner de l'orgue pendant ledit temps aux jours cy-après declarez.
Scavoir est le jour de la Circonscision premier jour de l'an à la vigille, à vespres, la premiere, troisiesme et cinquiesme antienne le respond, le Magnifficat et aux complies l'himne et le Nung dimitis et après lesdictes complies l'antienne de la Vierge; et ledict jour aux matines sonner de l'orgue à l'invitatoire l'himne suivante le trois six et neufiesme respond Te Deum, l'himne des Laudes et Benedictus, la grande messe, les vespres et complies dudict jour.
Plus, pour la feste de l'Épiphanie, le jour de la Translation Sainct-Jacques, les jours de la Purification et Anonciation de la Vierge observer la veille et le jour desdictes festes à sonner de l'orgue comme il est cy-dessus declaré pour la feste de la Circoncision; mesme sonner de l'orgue à la premiere messe dudict jour de la Translation Sainct-Jacques.
Plus, le jour de Pasques aux premieres vespres, matines, à la grande messe paroissialle et aux secondes vespres et salut au soir, les jours de la premiere et seconde ferye de Pasques, le dimanche de Quasimodo, le jour de Messieurs Sainct-Jacques-Sainct-Philippes et le jour de l'Assention, aux premieres vespres, matines, grandes messes et secondes vespres des susdictz jours et festes.
Plus, la vigille de la Pentecoste, aux premieres vespres et le landemain, jour de la feste, aux matines, grandes messes paroissialles et secondes vespres et salut du soir comme à la feste de Pasques, la premiere et seconde ferye d'icelle feste de la Pentecoste, aux matines, grandes messes et vespres, le jour de la très Saincte-Trinité aux premieres vespres, matines, grande messe et secondes vespres dudict jour.
Plus, le jour de la Feste-Dieu, la vigille à vespres, à matines, premieres et secondes grandes messes et secondes vespres dudict jour. Plus, à la grande messe de chacun jour de l'octave.
Plus, le jour de la feste Sainct-Pierre-Sainct-Paul, aux premieres vespres, grande messe et secondes vespres; plus, jour jour Sainct-Jacques-Sainct-Christophe, patrons de ladicte eglise, aux premieres vespres, matines, secondes et grande messes et vespres du jour. Plus, les jours Sainct-Clerc, Saincte-Anne, comme aux festes d'apostre.
Plus, le jour de l'Assomption Nostre-Dame, aux premieres vespres, matines, grande messe et aux secondes vespres dudict jour.
Plus, le jour de Sainct-Louis, à la grande messe et à vespre.
Plus, le jour de la Nativité de Nostre-Dame, premier dimanche d'octobre, jour de la dedicace de l'eglise, le jour de la feste de la Toussainctz et de la Conception Nostre-Dame, aux premieres vespres, matines, grande messe et secondes vespres desdictz jours et festes.
Plus, la veille de Noël,(...).
Plus, le jour Sainct-Estienne, Sainct-Jean-l'Évangeliste, (...).
Plus sonner de l'orgue aux grandes messes (...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 676XI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Engagement de Charles Richard à Saint-Jacques-de-la-Boucherie.