"\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.\n \n \n "^^ . . . . . "1610-04-22"^^ . . . "\n \n \n Extrait du contenu :\n \n 'Furent presens en leurs personnes Michel Jacquinot, maistre tambour à Paris, et Gilles Luce, maistre tambour et fifre de guerre, demeurant scavoir ledict Jacquinot rue d'Escosse, et ledict Luce rue de Scavoye, parroisse Sainct-Hilaire, et Jehan Bechelin, pareillement maistre tambour à Paris, demeurant rue Sainct-Denis, parroisse Sainct-Nicolas-des-Champs, à l'enseigne de la Nonnain qui ferre l'oye, lesquelz ont recongneu et confessé avoir promis et promectent l'un pour l'aultre et chacun d'eulx seul et pour le tout, sans division ne discussion, renonceant au benefice de division, discussion et fidejussion, à Martin Anceaulme, maistre chapellier à Paris, Claude Oudin, maistre rotisseur à Paris, et Anthoine Sauvaige, maistre gantier à Paris, à ce presens et acceptans, de les servir bien et deuement comme il appartient, toutesfois et quantes qu'ilz en eront requis et à toutes heures qui leur sera commandé par lesdictz Anceaulme, Oudin et Sauvaige, tant à la monstre que entrée de la royne et autres jeux deppendans de ladicte entrée selon qu'il sera ordonné par Messieurs de la ville de Paris, et, à ceste fin, se tenir prest par lesdictz Jacquinot, Luce et Bachelin pour rendre ledict service et sonner par iceulx Jacquinot et Bachelin desdictz tambours et ledict Luce de son fifre, bien et deuement en sorte que lesdictz Anceaulme et consors n'en recoipvent aucune plainte. Et oultre promectent lesdictz Jacquinot, Luce et Bachelin de eux habiller et equipper à leur frais et despens, scavoir de pourpoint de thoille blanche garny d'un passement bleu, de hault de chausse d'escarlatte rouge accommodé de passement bleu, ung bas d'estame bleu et une paire de soulliers de vache retournez avec des noeufs et jartieres incarnadin, ung chapeau aus bords d'incarnadin avec ung pannache blanc et bleu, le tout pour assister à l'entrée de la dame royne suivant et au desir de l'ordonnance desdictz sieurs prevost des marchans et eschevins de ladicte ville.\n Ce marché et promesse faictz moyennant la somme de cent huict livres tournoiz sur quoy lesdictz Jacquinot, Luce et Bachelin confessent avoir receu desdictz Anceaulme, Oudin et Sauvaige la somme de soixante-douze livres tournoiz, dont quittance, scavoir dudict Anceaulme trente-six livres et desdictz Oudin et Sauvaige pareille somme de trente-six livres, faisant lesdictes soixante-douze livres, et que le surplus, lesdictz Anceaulme et consors promectent le bailler et payer ausdictz Jacquinot et consors, scavoir icelluy Anceaulme moictié dudict surplus montant quarante-trois livres et les autres dix-huict livres par lesdictz Oudin et Sauvaige et sytost et incontinant que ladicte entrée sera faicte, ainsy que dessus est dict. Promectant etc, obligeant chacun en droict soy lesdictz Jacquinot et consors solidairement comme dict est, corps et biens, renonceant comme dessus.\n Faict et passé ès estudes desdictz notaires l'an mil six cens dix le vingt-deuxiesme jour d'apvril aprez midy, et ont signé, excepté lesdictz Luce et Jacquinot qui ont declaré ne scavoir signer, seullement ledict Luce a fait sa marque :\n Martin ANCEAUME Jehan BECHELIN Claude OUDIN SAUVAIGE marque dudict Luce MOUFLE (notaire) GERBAULT (notaire)\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 423VI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "Engagement de deux tambours et d'un fifre de guerre pour l'entrée de la reine à Paris."@fr . . . . "22 avril 1610"@fr . "Engagement de deux tambours et d'un fifre de guerre pour l'entrée de la reine à Paris."@fr .