. . . "\n \n \n Extrait du contenu :\n \n 'Aujourd'huy, datte des presentes Louis Bourdin, organiste, demeurant à Paris, rue des Francs-Bourgeois, parroisse Sainct-Paul, s'est en la presence des notaires garde-notes du roy, nostre sire, en son Chastelet de Paris, soubzsignez, adressé à noble homme Maistre Hilaire Marcès, conseiller du roy au siege presidial dudict Chastelet de Paris, honnorables hommes Jehan Pijart, Louis de Compans et Louis Dubois, marchans et bourgeois de cestedicte ville, au nom et comme à present marguilliers de l'oeuvre et fabrique Sainct-Jacques-de-la-Boucherie, à Paris, ausquelz il a dicte et remonstré que depuis ung mois en ça, il seroict arrivé le deceds de Claude Bourgeois, naguerres organiste de ladicte eglise au moien de quoy il estoit necessaire ausdictz sieurs marguilliers de se pourveoir d'un organiste pour le service divin d'icelle, ce qui auroict meu ledict Bourdin de se presenter ausdictz sieurs marguilliers et iceulx supliez et requis de la voulloir admettre et retenir en ladicte charge, offrant de l'exercer en personne avecq aultant d'assiduité qu'il luy sera possible au contentement desdictz sieurs et leurs successeurs; et oultre s'obliger d'entretenir et accorder les orgues de ladicte eglise, tous les jeux d'icelles bien et deuement sonnans et accordans, à ses fraiz et despens pendant le temps qu'ilz luy vouldront prescripre, moyennant que le bon plaisir desdictz sieurs marguilliers fut de luy donner et accorder annuellement la somme de quatre cens livres tournois, tant pour ses gaiges ordinaires qu'entretenement des jeux desdictes orgues, paiables chacun an aux quatre quartiers, et de le loger ès lieulx que occupoit le deffunct Bourgeois, lesquelles offres et propositions aiant esté considerées par lesdictz sieurs marguilliers et communicquées à aulcuns des antiens marguilliers et parroissiens de ladicte eglise, ont resolu de les accepter, et, suivant ce, lesdictes parties èsdicts noms, recogneurent et confesserent avoir faict, passé, convenu et accordé ensemblement ce qui ensuict.\n C'est assavoir que lesdictz sieurs marguilliers ont retenu et retiennent par ces presentes ledict Bourdin en ladicte charge d'organiste ordinaire de ladicte eglise pour l'exercer et sonner de l'orgue aux jours et festes accoustumées et en autres jours quant bon semblera en tant et sy longuement qu'il plaira ausdictz sieurs marguilliers et leurs successeurs, ce que ledict Bourdin a promis, s'est obligé et promect faire et se rendre assidu en personne et sonner de l'orgue pendant ledict temps aux jours cy-après declarez, à commencer au premier janvier prochain.\n Scavoir est, le jour de la Circoncision, premier jour de l'an, à la vigille, à vespres, la premiere, troisiesme et cinquiesme antienne, le respond, le Magnifficat et aux complies, l'himne et le Nunc dimittis; et après lesdictes complies, l'antienne de la Vierge; et ledict jour aux matines sonner de l'orgue à l'invitatoire, l'himne suivante, le troisiesme, sixiesme et neufiesme respond, le The Deum, l'himne des Laudes et Benedictus, la grande messe, les vespres et complies dudict jour. Plus, pour la feste de l'Epiphanie, le jour de la translation de Monsieur Sainct-Jacques, le jour de la Purification de la Vierge, le jour et feste de l'Annonciation en mars, observer la veille et le jour desdictes festes à sonner de l'orgue comme il est dessus declaré pour la feste de la Circoncision. Plus le jour de Pasques aux premieres vespres, matines, à la grande messe parroissialle et aux secondes vespres du jour, la premiere et seconde feste de Pasques, le dimanche de Quasimodo, le jour de Messieurs Sainct-Jacques et Sainct-Philippes et le jour de l'Assention aux premieres vespres, matines, grandes messes et secondes vespres des susdictz jour et festes. Plus la vigille de la Pantecoste aux premieres vespres et le landemein, jour de la feste, aux matines, grande messe parroissialle et secondes vespres comme à la feste de Pasques, la seconde et troisieme ferie d'icelle feste de la Pentecoste aux matines, grande messe et vespres, le jour de la Saincte Trinité aux premieres vespres, matines, grande messe et secondes vespres dudit jour. Plus le jour de la Feste-Dieu, la vigille et vespres à matines, premiere et seconde grande messe et secondes vespres dudict jour; plus à la grande messe de chacun jour de l'octave. Plus le jour (le jour) et feste Sainct-Pierre Sainct-Paul, aux premieres vespres, grandes messes et secondes vespres; le jour Sainct-Jacques, Sainct-Christofle, patrons de ladicte eglise, aux premieres vespres, matines et seconde et grande messe et à vespres du jour. Plus les jours Sainct-Clerc Saincte-Anne comme aux festes d'apostres. Plus le jour de l'Assomption Nostre-Dame aux premieres vespres, matines, grande messe et à vespres dudict jour. Plus le jour de Sainct-Louis à la grande messe et à vespres. Plus le jour de la Nativité Nostre-Dame, premier dimanche d'octobre, jour de la dedicace de l'eglise, le jour et feste de la Toussainctz, de la Conception Nostre-Dame, aux premieres vespres de tous lesdictz jours et festes. Plus le jour de Noel aux premieres vespres, la vigille, matines, messe de minuict, la grande messe et secondes vespres. Plus le jour Sainct-Estienne, Sainct-Jean l'Evangeliste au dernier respond des matines, le Te Deum, l'himne de Laude et à la grande messe et vespres desdictz jours. Plus sonner de l'orgue aux grandes messes et vespres tant de la veille que des jours et festes d'apostres et evangelistes et pareillement des jours et festes Sainct-Jean-Baptiste, Sainct-Michel, Sainct-Denis, Sainct-Marcel, Sainct-Martin, Saincte-Catherine, ensemble aux grands respons, Te Deum de matines, l'himne de Laude et Benedictus desdictz jours et festes. Plus, sonner de l'orgue tant aux messes de fondations faictes en ladicte eglise par feu le sieur Boulnois que en toutes les prieres extraordinaires et processions qui se feront en icelle, et generallement à tous tels jours, occasions et quand bon semblera ausdictz sieurs marguilliers et leurs successeurs de luy commander.\n Et encores ledict Bourdin a promis et promect de entretenir à ses despens tous les jeux desdictz orgues, les nettoyer et accorder bien et deuement comme il appartient, les maintenir et conserver en bon estat et pour ce faire fournir de tout ce qu'il conviendera (...)\n \n Informations concernant le classement et la cotation du document :\n \n Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 673X (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . . "Engagement de Louis Bourdin à Saint-Jacques-de-la-Boucherie."@fr . "Engagement de Louis Bourdin à Saint-Jacques-de-la-Boucherie."@fr . . . "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.\n \n \n "^^ . "1630-12-19"^^ . . . . "19 décembre 1630"@fr .