Devis et marché des réparations à effectuer aux orgues de l'église Saint-Jacques-de-la-Boucherie par Thomas Carlier, facteur d'orgues.
http://data.archives-nationales.culture.gouv.fr/recordResource/041122-c1p6s3h4mzqb--177r7ii1bjgnr an entity of type: RecordResource
Devis et marché des réparations à effectuer aux orgues de l'église Saint-Jacques-de-la-Boucherie par Thomas Carlier, facteur d'orgues.
xsd:date
1631-05-18
18 mai 1631
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Estat des reparations, restablissement et augmentation qu'il convient faire ès orgues de l'eglise Sainct-Jacques de la Boucherie.
Premierement, il convient faire un sommier neuf, bon et suffizant, sans emprunt, pour poser tous les jeux qui sont en ladicte orgue et iceulx faire jouer comme aussy ceulx qui pourront servir estant de present en icelle.
La monstre servira, mais sera faict un bourdon sonnant de huict piedz de plus grosse taille que celuy qui est, dont la premiere octave sera de bois et le surplus dudict bourdon sera d'estoffe.
Les quatre piedz serviront.
La flutte de deux piedz bouché servira.
Il convient faire un nazard afusse en la place de celuy que est.
Il convient faire une flutte de deux piedz ouvertz de grosse taille en la place de celle qui est.
Le flajolet servira.
La petite tierce faicte de neuf.
La fourniture qui n'est qu'à quatre tuiaulx il la convient rendre à six tuiaulx sur chacune marche.
La cimballe qui n'est qu'à trois tuiaulx, il la convient rendre à quatre pour fortiffyer le plain jeu.
Le bourdon de seize piedz servira.
Il convient augmenter un jeu de tierce de grosse taille.
Le cornet servira.
La trompette et le clairon serviront.
Il convient faire une voix humaine en la place de celle qui est.
Il convient faire deux claviers en la place de deux qui sont et un d'augmentation pour le cornet, qui sont trois claviers.
Il convient faire deux jeux de pedalle, l'un de flutte dont ceulx qui sont serviront pour la premiere octave du bas, et faire le surplus d'estoffe et faire ceulx d'anche en sacqueboute apellez trompettes, le corps d'estain et les piedz d'estoffe.
Il convient faire deux sommiers pour lesdictz pedalle, abregé et clavier.
Pour le positif, il le convient mectre en estat.
Plus, il fault augmenter l'orgue, scavoir :
Une octave de flutte de quatre piedz ouvertz pour - pedalle afin de - corespondre avec celle de huict piedz, laquelle sera faicte de grosse taille d'estoffe.
Plus un jeu de pedalle en voix humaine, le corps d'estain et les piedz d'estoffe.
Ung de huict piedz ouvert d'estoffe de surplus et augmentation.
Lesdictes pedalles auront vingt-neuf marches descendues.
Le grand clavier et celuy du cornet auront deux marches oultre l'ordinaire en hault.
Le chromohorne qui est dans le positif, il le convient remectre en hault comme devant et remectre en bas dans le positif une regale sonnante de - huict - piedz d'estain.
'Crespin Carlier, facteur d'orgues, demeurant à Rouen, rue de l'Aumosne, parroisse Sainct-Amand, estant de present à Paris, logé rue de la Cossonnerye en la maison où pend pour enseigne l'Image Sainct-Georges, confesse avoir faict marché, promis et promect à noble homme Maistre Hillaire Marcès, conseiller du roy en son Chastellet de Paris, honnorable homme Maistre Louis Dubois, marchand bourgeois de Paris, noble homme Jean Truchet, conseiller et l'un des eschevins de ceste ville de Paris, et honnorable homme Guillaume Baillon, marchand bourgeois de Paris, au nom et comme à present marguilliers de l'oeuvre et fabricque de ladicte eglise Sainct-Jacques de la Boucherie, à ce presens et acceptans de faire et parfaire bien et deuement comme il appartient au dire d'ouvriers et gens à ce cognoissans, tous et chacuns les ouvraiges, reparations, restablissemens et augmentations qu'il convient faire en l'orgue et positif d'icelle de ladicte eglise Sainct-Jacques, le tout suivant et conformement en l'estat desdictz ouvraiges cy-devant escript.
Et, pour ce faire, fournir par ledict Carlier à ses despens de touttes estoffes; materiaulx et autres choses necessaires consernans son estat, à commencer à travailler ausdictz ouvraiges dedans le premier jour de juing prochain et continuer avec nombre d'ouvriers suffizans - sans discontinuer prochain et continuer avec nombre d'ouvriers suffizans - sans discontinuer - et le tout rendre faict et parfaict et lesdictz jeux posez bien sonnans et accordans dedans le mois de janvier de l'année prochaine mil six cens trente-deux, tous lesquelz ouvraiges et jeux de ladicte orgues (sic) et positif ledict Carlier promect garentir bons et vallables, mesmes qu'il n'y conviendra faire aulcune chose pendant deux années après la pose d'iceulx, et où il se trouveroit de contraire, il sera tenu à ses despens de restablir le deffault incontinent le cas advenu à la volonté desdicte sieurs marguilliers.
Ce marché ainsy faict moyennant la somme de dix-huict cens livres tournoiz que lesdictz sieurs marguilliers seront tenuz et promectent oudict nom bailler et payer audict Carlier ou au porteur etc, en ceste ville de Paris, assavoir trois cens livres par advance dans le jour Sainct-Jean-Baptiste prochain et le surplus au fur et à mesure qu'il travaillera ausdictz ouvraiges, et le parfaict payement après qu'ilz seront entierement parfaictz.
Et a esté le present marché faict suivant l'advis et resolution de Messieurs les anciens marguilliers porté par l'acte qui en a esté passé ce jourd'huy par devant les notaires soubzsignez. Promectant etc, obligeant chacun en droict soy, lesdictz marguilliers oudict nom et ledict Carlier son corps, renonceant etc.
Faict et passé à Paris, en l'estude de Gerbault, l'un des notaires soubzsignez l'an mil six cens trente-ung le dix-huictiesme jour de may et ont signé :
MARCES Lois DUBOYS J. TRUCHET G. BAILLON CARLIER LESTORÉ (notaire) GERBAULT (notaire).
'Ledict Crespin Carlier, cy-dessus nommé, confesse avoir receu dudict sieur Duboys, marguillier de ladicte fabrique tenant le compte d'icelle pendant les années mil six cens trente et trente-ung en la presence et du consentement desdictz sieurs Marcès, Baillon et Hanart, aussy marguilliers de ladicte fabrique, à ce presens, la somme de dix-huict cens vingt-quatre livres tournoiz, assavoir dix-huict cens livres tournoiz pour tous les ouvrages et reparations que ledict Carlier a faictz en l'orgue et positif d'icelle de ladicte eglise (...) Faict et passé en l'estude dudict Gerbault, notaire, l'an mil six cens trente-deux, le vingt-quatriesme jour de mars avant midy et ont signé :
MARCES Lois DUBOYS ROUSSEL (notaire) G. BAILLON C. CARLIER C. HANARD GERBAULT
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 811XVI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Devis et marché des réparations à effectuer aux orgues de l'église Saint-Jacques-de-la-Boucherie par Thomas Carlier, facteur d'orgues.
blank nodes
Carlier, Thomas