Bail par Jean Dorat à Jean Moreau d'une partie de la maison du Chef Saint-Jean.
http://data.archives-nationales.culture.gouv.fr/recordResource/041138-c1p6sbgold7v-15cewxovk1g87 an entity of type: RecordResource
Bail par Jean Dorat à Jean Moreau d'une partie de la maison du Chef Saint-Jean.
xsd:date
1552-01-16
16 janvier 1552 - 18 mars 1552
xsd:date
1552-03-18
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Informations complémentaires :
Dans la marge :
1552 (n. st.), 18 mars. Renonciation à ce bail par Jean Moreau.
Extrait du contenu :
Noble homme Maistre Jehan Daurat, lecteur ordinaire de la grand escuyrie du roy, demourant à Paris, rue des Blancs-Manteaulx, confesse avoir baillé à loyer d'argent par an du jour de Pasques prochain jusques à deux ans et neuf moys et promect garentir etc, à Jehan Moreau, marchant, demourant à Paris, à ce present preneur led. temps durant, troys salles entretenans et joignans l'une l'autre troys chambres au premier estage assises sur lesd. salles, les estuddes estans en icelles, avec ung caveau voulté estant soubz la premiere salle du costé de la rue, le tout estant des appartenances d'un corps d'hostel faisant partie d'une grande maison assise rue Grande-Bretonnerye en laquelle pend pour enseigne le Chef Sainct-Jehan, ensemble aisance des privez et petite court, pour en joyr etc.
C'estz bail et prinse faictz à la charge que led. preneur pourra se aller esbatre et ses escolliers en la grand court de lad. maison aux jours et heures que les escolliers dud. bailleur se y esbateront, pourveu que led. bailleur la voulloyt louer à sultruy, en ce cas, led. Moreau ne ses escolliers n'y pourront aller sans le gré, voulloyr et consentement dud. bailleur et de celluy qui l'aura louée, et l'allée du costé de la maison Maistre Simon Larcher, dedans laquelle petite allée led. preneur pourra, sy bon luy semble, mectre du boys sans empescher le passage en icelle allée, et moyennant le pris et somme de soixante et douze livres tournoiz que de loyer par chacune année led. preneur en sera tenu, promect et gaige bailler et payer aud. bailleur ou au porteur aux quatre termes à Paris acoustumez par esgalle portion, premier terme de payement escheant au jour Sainct-Jehan Baptiste prochainement venant et continuer etc, lesquelz lieux baillez led. preneur sera tenu et promect garnir de biens meubles exploitables pour la seurete du loyer d'iceulx sortissans la nature d'icelluy et de l'entretenir de menues reparations et à la fin dud. temps le tout rendre en bon estat des menues reparations; led. bailleur le tiendra cloz et couvert aux us et coustumes le Paris; ne pourra led. preneur bailler ne transporter ce present bail, partie ne portion d'icelluy ne y mectre locatifs mariez, sans le voulloyr et consentement exprès dud. bailleur; et ainsy a esté accordé entre lesd. bailleur et preneur que sy, pendant led. temps led. bailleur auroyt affaire pour son aysance de la salle du meilleu, en ce cas led. preneur sera tenu et promect luy rendre et remectre en ses mains en luy desduisant et rabatant pour icelle douze livres tournoiz par an; ne pourra aussy led. preneur vendre ou faire vendre vin èsd. lieux baillez pendant les troys moys que led. Larcher peult vendre vin en lad. maison et le reste de lad. année lesd. bailleur et preneur venderont chacun par moictié, toutesfoys quant l'un vendera vin, l'autre ne pourra vendre ne faire vendre. Car ainsy etc, promectant etc, obligeant chacun en droict soy etc, renonçant etc.
Faict et passé double l'an mil cinq cens cinquante-ung, le samedi seiziesme jour de janvier.
[Paraphes des notaires Brulé et Fournier].
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 249, notice n° 129 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de création de la notice : 2009
Date de révision : 2020 (Marie-Françoise Limon-Bonnet)
Bail par Jean Dorat à Jean Moreau d'une partie de la maison du Chef Saint-Jean.