Devis et marchés de réparations à effectuer aux orgues de la chapelle de l'hôpital du Saint-Esprit-en-Grève par Mathieu Langhedul.
http://data.archives-nationales.culture.gouv.fr/recordResource/041152-c1p6shamphkr-15zr9kea9z2ye an entity of type: RecordResource
Devis et marchés de réparations à effectuer aux orgues de la chapelle de l'hôpital du Saint-Esprit-en-Grève par Mathieu Langhedul.
xsd:date
1602-03-29
29 mars 1602 - 1602
xsd:date
1602-12-31
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Memoire de ce qui est necessaire pour remonter et remectre en bon estat les orgues de la chapelle de l'hospital du Saint-Esprit.
Et premierement,.
Il fault faire une soufflerye neufve garnie de deux bons souffletz qui soient plus long et plus larges que les vieilz affin de rendre plus de vent que lesdictz vieilz.
Item, fault faire ung autre porte-vent sortant desdictz soufletz et entrant dans lesdictes orgues.
Item, fault oster tous les thuiaulx de dessus le sommier pour les nettoyer et acommoder proprement.
Item, fault nettoyer le dedans du corps desdictes orgues, veoir et visiter le sommier qui porte tous les thuiaulx s'il y a du vent qui se perde et y remedier bien et deuement et le racoustrer comme il apartient.
Item, fault remetre tous les jeux de thuiaux l'ung après l'autre et, au lieu de ceulx qui ne seront pas bons, en metre de neufz en leur place et les faire prononcer bien et deuement.
Item, fault faire ung jeu de regalle, autrement dict cohorne en tenue, en six piedz le tout neuf, garny de son thuiau de fer blanc, pour aplicquer au lieu du huictiesme jeu qui est au derriere dudict corps d'orgues, au lieu de celuy duquel l'on ne s'ayde point, d'aultant qu'il est comme de nulle valleur.
Item, l'ouvrié fera une alonge au clavier par bas de trois marches qui sont E, la, mi, D la sol ré, C sol fa ut, auquel il y a trois thuiaulx de regalle, lesquelles serviront de pedalles pour servir à tous les jeux; ensemble fera trois thuiaulx sur lesdictes trois marches qui seront bouchez, entonnez au ton de huict piedz.
Item, racoustura le clavier des orgues et le clavier des pedalles, les regarnira de fil de latton, où il en est de besoing, et mesme les touches du clavier et autres choses qui y sont necessaires, et generallement racordera et racommodera lesdictes orgues entierement pour les livrer à en jouer à la feste de Penthecoste prochain, et, pour ce faire, fournir de bois, cuir, colle et autres choses necessaires exepté la ferure.
Mathieu Languedul, faiseur d'orgues, demeurant à Paris, rue du Bourg-l'Abé, paroisse Saint-Leu-Saint-Gilles, confesse avoir promis et promect à Messieurs les maistres et gouverneurs de la chapelle et hospital du Saint-Esprit-en-Greve, à Paris, noble homme Maistre Pierre Poncher, conseiller, notaire et secretaire du roy, et honnorable homme Nicolas de Creil, marchand bourgeois de Paris, deux d'iceulx à ce presens, de faire et parfaire bien et deuement au dire d'ouvriers et gens à ce congnoissans tous et chacuns les ouvraiges et choses mentionnées et speciffiées au memoire dessus escript, qu'il convient faire aux orgues dudict hospital, à commencer à y travailler au premier jour ouvrable d'après Pasques prochain, et le tout rendre faict et parfaict bien et deuement dans le jour de Penthecoste prochain si faire se peult et pour ce faire fournira ledict Languedul de toutes choses à ce necessaires.
Ce marché faict moiennant la somme de cent escuz soleil, sur lesquelz ledict Languedul a confessé avoir eu et receu desdictz sieurs maistres et gouverneurs, par les mains de venerable et discrette personne Maistre Mathurin Menard, prebtre, maistre dudict hospital, à ce present, la somme de vingt-cinq escuz soleil dont etc, quictant etc, et le surplus prometent lesdictz sieurs Poncher et de Creil, oudict nom, bailler et paier audict Languedul ou au porteur etc, si tost et incontinant qu'il aura faict bien et deuement lesdictz ouvraiges. Promectant etc, obligeant chacun en droict soy lesdictz sieurs Poncher et de Creil oudict nom, ledict Languedul corps et biens, etc, renonceant etc.
Faict et passé au bureau dudict hospital, l'an mil six cens deux, le vendredy vingt-neufviesme jour de mars après midi et ont lesdictz sieurs gouverneurs, Menard et Languedul signé la minutte des presentes.
'Depuis lequel marché cy-dessus, de l'advis de Maistre Jehan Semelle, prebtre, à present organiste dudict hospital, et de Maistre Jehan Heart, organiste de l'eglise Saint-Jehan, a esté trouvé necessaire que pour remetre lesdictes orgues en ton de chapelle et affin que le jeu d'anches faict de neuf suivant ledict marché ne fust gasté en le retaillant et couppant pour l'acorder avec les vieilz jeux qui estoient plus hault d'ung ton que de chapelle de faire les ouvraiges cy-après assavoir ung sommier neuf de la grandeur qu'il se pourra estendre dedans le fust qui aura quarent-une marche commenceant en C sol fa ut racourcy jusques en A la mi ré en hault, sue lequel sommier seront mis et posez par ordre les jeux cy-après :
Premierement, la monstre desdictz orgues demeurera en son estat et neantmoings, s'il y a des thuiaulx qui se trouvent deffectueux, seront refaictz de neuf.
Item, sera faict ung jeu de flutes bouché de quatre piedz de long sonnante huict piedz.
Item, une octave de quatre piedz de long sonnant quatre piedz ouverte.
Item, ung jeu de nazart (...) paier audict Langhedul (...) etc, sytost qu'il aura faict bien et deuement lesdictz ouvrages. Promectant etc obligeant chacun en droict soy lesdictz Poncher et de Creil audict nom, ledict Langhedul corps et biens, renonceant etc.
Faict et passé assavoyr par ledict Langhedul ès estudes des notaires, le vingt-huictiesme jour de decembre mil six cens deux après midy et par lesdictz sieurs Poncher et de Creil le mardy trente-ungiesme et dernier jour dudict moys de decembre audict an mil six cens deux aussy après midy.
P. PONCHER Matieu LANGHEDUL N. de CREIL CONTESSE (notaire) FOURNYER (notaire).
(...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 787I (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Devis et marchés de réparations à effectuer aux orgues de la chapelle de l'hôpital du Saint-Esprit-en-Grève par Mathieu Langhedul.