Devis et marché pour la réfection des orgues de l'église Saint-Jean-en-Grève, par Mathieu Langhedul.
http://data.archives-nationales.culture.gouv.fr/recordResource/041152-c1p6shb2cwr7-1shvixgiqt3c7 an entity of type: RecordResource
Devis et marché pour la réfection des orgues de l'église Saint-Jean-en-Grève, par Mathieu Langhedul.
xsd:date
1603-12-21
21 décembre 1603
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Memoire de la refection qu'il convient faire aux orgues de Monseigneur Sainct-Jehan-en-Greve.
Premierement, il fault faire une soufflerye neufve, où il y aura cinq souffletz chacun de cinq piedz de long et trois piedz de large dont les plis seront de bois enfermez à l'entour comme une boitte à fleaux.
Item, il sera necessaire de recoller et refaire les porte-ventz depuis les souffletz jusques aux orgues.
Item, il convient faire un nouveau sonnier aux pedalles à cause qu'il y a une infinité de porte-vens pour faire sonner lesdictes pedalles qui causent une grande alteration de vent ausdictes orgues, lesquelz fault oster et faire en sorte qu'ilz prendront leur vent de fort près.
Item, touchant la fourniture, elle est trop sourde et peu vive, donc l'on changera celle qui y est en autres accordz et l'on la fournira de six thuiaulx sur marche, dont l'on fera servir les meilleurs thuiaulx et ceulx qui sont de nulle valeur, on en fera d'autres.
Item, touchant la cimballe, l'on la fera à trois thuiaulx sur marche.
Item, touchant une flute à fuzée qui y est, l'on fera une trompette de quatre piedz.
Après, il est nécessaire ralongir le clavier par enbas assavoir de trois marches assavoir de C, fa, ut, D, sol, ré et E, la, my dont ceste alonge servira ou sera faicte à trois jeux, assavoir à l'octave de quatre piedz et aux deux d'anches.
Promect mettre la pedalle qui est embas en hault avec les autres et la refondre s'il y eschet.
Voicy ce que l'entrepreneur promect faire de nouveau ausdictes orgues.
S'ensuict :
Item, et fault demonter toute l'orgue et le nettoyer.
Item, remettre le petit nazart où il soulloit estre le temps passé à cause qu'il est trop estouffé où il est.
Item, s'il y a de meschans thuiaulx dans ladicte orgue, qu'ilz ne prononcent poinct, il promect en faire d'autres.
Item, recherchera le sonnier qui porte tous les thuiaulx à ce qu'il n'y aict poinct d'emprunct.
Item, mettra d'autres ressortz, tant au clavier que des pedalles, où il y aura besoing.
Item, racordera tous les jeux l'un après l'autre et les rendra bien et deuement d'accord qui est le moyen de la rendre en sa perfection.
Item, pour ce faire se servira du bois des souffletz dessus et dessoubz, mesmes on luy baillera les deux vieilz souffletz, qui sont sur la chambre du porte-Dieu, et fournira ledict entrepreneur de toutes choses à ce nécessaires, hors la ferraille, maconnerie et charpenterie, s'il en fault ; pour le regard du porte-vent, se mectra en lieu convenable ainsy qu'il sera advisé entre lesdictz sieurs marguilliers et ledict entrepreneur.
Et le contenu de ce memoire se fera moyennant le pris et somme de (en blanc).
'Par devant les notaires du roy nostre sire en son Chastelet de Paris soubzsignez, fut present Mathieu Languedeuil, faiseur d'orgues, demeurant à Paris, rue du Bourg-l'Abbé, parroisse Sainct-Leu-Sainct-Gilles, lequel a recongneu et confessé et par ces presentes confesse avoir promis et promect à Maistre Jherosme Seguier, chevalier, conseiller en son conseil d'estat et presidant en son grand conseil, noble homme Maistre Nicolas Quetin, conseiller du roy en son Chastelet de Paris. Maistre Nicolas Lamacque, controleur des boittes et monnoyes de France, et Maistre Pierre d'Escorchevel, secretaire de la royne duchesse de Vallois, ou nom et comme marguilliers de l'oeuvre et fabricque de l'eglise Monseigneur Sainct-Jehan-en-Greve, à ce presens et acceptans oudict nom, de faire et parfaire bien et deuement, tous et chacuns les ouvrages et choses cy-dessus mentionnées qui sont necessaires à faire aux orgues de ladicte eglise Sainct-Jehan.
Se servira ledict entrepreneur du bois des souffletz desdictz orgues dessus et dessoubz, mesmes de deux vieilz souffletz qui luy seront baillez par lesdictz sieurs marguilliers oudict nom, ou l'un d'eux, qui sont sur la chambre du porte-Dieu de ladicte eglise.
Et oultre fournira icelluy Languedeuil de toutes choses à ce necessaires hors mis la ferraille, charpenterye et maconnerie.
A commencer à travailler ausdictz ouvrages dans le lendemin de Quasimodo prochain et y besongner sans discontinuer, et le tout rendre faict dedans six mois prochainement venans.
Ce marché faict moyennant la somme de neuf cens livres tournoiz sur laquelle somme ledict Languedeuil confesse avoir eu et receu desdictz sieurs marguilliers par les mains dudict sieur d'Escorchevel, à present tenant le compte de ladicte oeuvre, la somme de cent cinquante livres tournoiz, dont etc, quictant etc, et le surplus lesdictz sieurs marguilliers oudict nom le promectent bailler et payer audict Languedeuil, scavoir trois cens livres tournoiz au jour Sainct-Jehan-Baptiste prochain et les quatre cens cinquante livres tournois restans lorsque ledict Languedeuil aura faict et parfaict lesditz ouvraiges et choses cy-dessus. Promectant etc, obligeant chacun en droict soy lesdictz marguilliers oudict nom, ledict Languedeuil corps et biens, renonceant etc.
Faict et passé en la chambre du tresor de ladicte eglise, l'an mil six cens troys, le dimanche vingt-uniesme jour de decembre après midy.
SEGUIER LAMACQUE Matieu LANGHEDUL MOTELET (notaire) QUETIN D'ESCORCHEVEL FOURNYER (notaire)
Informations concernant le classement et la cotation du document :
La cote donnée par l'instrument de recherche imprimé (MC/ET/III/472/ter) a été actualisée ; la cote est MC/ET/III/472/C.
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 793, notice n° III (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Devis et marché pour la réfection des orgues de l'église Saint-Jean-en-Grève, par Mathieu Langhedul.