Marché pour la confection d'un jeu d'orgues pour l'église Saint-Jean-en-Grève par Valeran de Héman, facteur d'orgues.
http://data.archives-nationales.culture.gouv.fr/recordResource/041152-c1p6shd6pwhn--19yzwc717m0pi an entity of type: RecordResource
Marché pour la confection d'un jeu d'orgues pour l'église Saint-Jean-en-Grève par Valeran de Héman, facteur d'orgues.
xsd:date
1625-03-09
9 mars 1625
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Informations complémentaires :
[Valleran Deheman [de Héman], facteur d'orgues, rue de la Grande Truanderie, paroisse Saint-Eustache, promet aux marguilliers de Saint-Jean-en-Grève, de faire tous les travaux nécessaires aux orgues de l'église Saint-Jean-en-Grève, conformément au devis , moyennant 4000 livres tournois.
En date du 16 mars marché de menuiserie par Pierre Delespine pour les orgues].
Extrait du contenu :
'Par devant les notaires garde-notes du roy nostre sire en son Chastellet de Paris soubzsignez, fut present Valleran de Heman, facteur d'orgues, demeurant en ceste ville de Paris, rue de la Grande Truanderie, parroisse Sainct-Eustache, lequel a recongneu et confessé avoir promis et promect à Maistre Olivier Fayet, conseiller du roy en ses conseilz d'estat et privé et president des enquestes de sa court de parlement, noble homme Arnoul de Nouveau, conseiller du roy en son conseil d'estat, maistre de sa chambre aux deniers, honnorable homme Pierre Marsoc, marchant bourgeois de Paris, et Maistre Pierre de Caulx, procureur en l'eslection de Paris, ou nom et comme marguilliers de l'euvre et fabrique de l'eglise Monseigneur Sainct-Jean-en-Greve, à ce presens et acceptans pour ladicte euvre et fabrique de faire et parfaire bien et deuement un jeu d'orgues en la forme et maniere qui ensuict :
Premierement, une monstre de seize piedz, d'estain fin polly et bruny;.
Item, un jeu de huict piedz, à l'octave de la monstre, d'estain fin;.
Item, un bourdon de huict piedz sonnant seize, les deux octaves d'embas de boys et le reste de plomb;.
Item, un bourdon de quatre piedz sonnant huict, la premiere octave d'embas de boys et le reste de plomb;.
Item, un jeu de quatre piedz, nommé prestan, à l'octave de huict piedz, d'estain fin;.
Item, un jeu doublet et l'octave de quatre piedz, d'estain fin;.
Item, une fourniture de cinq thuyaux sur chacune marche, d'estain fin;.
Item, une cimballe de quatre thuyaulx sue chacune marche, aussy d'estain fin;.
Lesquelz jeux cy-dessus seront pour servir au plain jeu.
Item, une fluste de quatre piedz de grosse taille de plomb;.
Item, un jeu de nazard à la quinte de la fluste de plomb;.
Item, un jeu de flageolet d'estain fin;.
Item, un jeu de cornet à bouquin de cinq thuyaux sur chacune marche, commençant en C sol fa ut, milieu du clavier, et finissant à la derniere marche du clavier qui font en tout vingt-cinq marches, lequel sera de plomb; Item, un jeu de tierce d'estain fin;.
Item, un jeu de trompette de huict piedz, d'estain fin;.
Item, un jeu de clairon de quatre piedz, à l'octave de la trompette, d'estain fin;.
Item, un jeu de voix humaine, de huict piedz, d'estain fin;.
Item, un sommier de neuf piedz de long et de trois piedz et demy de large, bon et suffisant pour porter et faire parler les thuyaux cy-dessus mentionnez.
Pour faire le positif;.
Premierement, une monstre de quatre piedz d'estain fin, polly et bruny;.
Item, un jeu de quatre piedz sonnant huict, la premiere octave d'embas de boys et le reste de plomb;.
Item, un jeu doublet d'estain fin;.
Item, une fourniture de trois thuyaux sur chacune marche, d'estain fin;.
Item, une cimballe de deux thuyaux sur chacune marche, d'estain fin;.
Lesquelz jeux cy-dessus pour le plain jeu dudict positif.
Item, un jeu de fluste de deux piedz sonnant quatre, de plomb;.
Item, un jeu de larigot à la quinte, d'estain fin;.
Item, un jeu de cromhorne sonnant huict piedz d'estain fin;.
Item, un jeu de nazard, de plomb;.
Item, un sommier de cinq piedz de long et deux piedz et demy de large, bon et sufisant pour poser et faire parler les thuaux cy-dessus;.
Item, deux claviers de chacun quarante-huict marches, ayant les touches d'ivoire et les feintes d'ebeyne, commenceant en C sol fa ut, au dessoubz de ladicte game, continuant en C sol fa ut, au dessus de ladicte game, lesquelz claviers se tireront pour jouer ensemble et separement, quant l'on vouldra.
Item, un tremblant pour servir aux mutations des jeux tant au grand orgue que au positif;.
Item, un abregé porte-ventz et manivelles qui convient à la facture de l'orgue;.
Item, cinq soufletz de chacun cinq piedz et demy de long et de trois piedz de large, les feuilletz de bois garnys de cuir dedans et dehors;.
Item, vingt-quatre pedalles, garnyes de chacune un ansche d'estain et chacune un thuyau de grosse taille dont la première octave d'embas de bois et le reste de plomb.
Toutes lesquelles choses cy-dessus ledict de Heman sera tenu rendre bien et deuement comme dessus et au dire de gens à ce congnoissans telz que lesdictz sieurs marguilliers vouldront nommer et appeller, faictes et parfaictes et posées dans le fustz de menuiserie qui en sera pour de faict selon le desseing dudict fustz paraphé par lesdictes parties ne varietur, et confor[me]ment à iceluy desseing et les - delivrer et faire - recevoir dedans le jour Sainct-Remy mil six cens vingt-six, à peyne de tous despens, dommaiges et interestz, ausquelz ouvraiges ledict de Hemen a dict avoir commencé à travailler et promect y travailler sans discontinuer jusques à l'entiere perfection d'iceulx ouvraiges.
Et ce moyennant la somme de quatre mil livres tournois, en ce compris les cinq soufletz qui servent à present aux orgues de ladicte eglise, que lesdictes parties ont dict avoir estimez à la somme de trois cens livres tournois, laquelle somme de quatre mil livres tournois lesdictz sieurs marguilliers oudict nom ont promis et promettent bailler et payer audict de Heman ou au porteur en trois payemens, scavoir au jour Sainct-Jean-Baptiste prochainement venant six cens livres tournois, au jour de Noel ensuivant mil livres tournois, sur quoy sera desduict audict de Hemen l'estain et plomb des vieulx orgues à raison de cinquante cinq livres le cent d'estain et pareille somme pour millier de plomb, sy tant est que lesdictz sieurs marguilliers luy veullent bailler pour ledict pris et qu'ilz n'en puissent trouver daventage d'autres personnes que dudict de Hemen, ce qui demeure au choix desdictz sieurs marguilliers; et le surplus montant deux mil quatre cens livres tournois lorsque ledict de Hemen aura faict la livraison desdictes orgues et reception d'iceulx au temps cy-dessus declaré.
Et sera ledict de Hemen tenu fournir un petit orgue pour servir en ladicte eglise jusques à ce que celles qu'il a entreprises de faire par le present marché soient en estat de servir. Promettant etc, obligeant chacun en droict soy lesdictz sieurs marguilliers oudict nom, renonceant etc.
Faict et passé à la chambre du tresor de ladicte eglise, l'an mil six cent vingt-cinq, le dimanche neufiesme jour de mars après midy :
DE HEMAN FAYET DE NOUVEAU P. MARSOC DE CAULX CHARLET (notaire) FOURNYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 807XIII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la confection d'un jeu d'orgues pour l'église Saint-Jean-en-Grève par Valeran de Héman, facteur d'orgues.
blank nodes
Heman, Valeran de