Engagement de Pierre Richard à Saint-Jean-en-Grève.
http://data.archives-nationales.culture.gouv.fr/recordResource/041152-c1p6shd8v4kz--s5y0mmju3943 an entity of type: RecordResource
Engagement de Pierre Richard à Saint-Jean-en-Grève.
xsd:date
1628-01-30
30 janvier 1628
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Ensuivent les jours et festes ausquelz Pierre Richard, à present organiste en l'eglise Monsieur Sainct-Jean-en-Greve doibt assister pout toucher les orgues de ladicte eglise.
Premierement JANVIER.
La vigille de la Circoncision à vespres, le jour, messes et vespres.
La vigille des Roys, vespres; le jour, messe et vespres.
Le jour Sainct-Policarpe, messe et vespres.
FEBVRIER.
La vigille de la Purification, vespres; le jour, messe et vespres.
MARS.
La vigille de l'Annonciation, vespres; le jour, messe et vespres.
AVRIL.
La vigille de Pasques, vespres; le jour, matines, les deux grandes messes et vespres.
Le landemain, messe et vespres.
La vigille de l'octave, vespres; le landemain, messe et vespres.
MAY.
La vigille Sainct-Jean porte latine; vespres; le jour, messes et vespres.
La vigille de l'Ascention, vespres; le jour à matines, Te Deum, messe et vespres.
La vigille de Penthecoste, vespres; le jour à matines, les deux grandes messes et vespres.
JUING.
La vigille de la Trinité, vespres; le jour, messe et vespres.
La vigille du Sainct-Sacrement, vespres; le jour matines, messe et vespres.
La vigille de l'octave du Sainct-Sacrement, vespres; le jour messe et vespres.
La vigille Sainct-Jean-Baptiste, vespres; et matines le landemain, les deux grandes messes et vespres.
La vigille Sainct-Pierre, vespres; le jour, messe et vespres.
JUILLET.
Le jour de la Visitation Nostre-Dame, messe et vespres.
AOUST.
La vigille de l'Assomption Nostre-Dame, vespres; le jour, matines, les deux messes et vespres.
La vigille de la Decolation Sainct-Jean, vespres; le landemain, messe et vespres.
SEPTEMBRE.
La vigille de la Nativité Nostre-Dame, vespres; le jour, messe et vespres.
OCTOBRE.
La vigille Sainct-Denis, vespres; le landemain messe et vespres.
NOVEMBRE.
La vigille de la feste de Toussainctz, vespres; le jour, matines, les deux messes et vespres.
DECEMBRE.
La vigille de la Conception Nostre-Dame, vespres; le landemain, messe et vespres.
La vigille de Noêl, vespres, matines, messe ed minuict, grande messe et vespres.
Le jour Sainct-Estienne, messe et vespres.
Le jour Sainct-Jean, matines, les deux messes et vespres.
Les douze festes d'apostres, messe et vespres.
Tous les premiers dimanches des mois, la grande messe.
La vigille de la Dedicace de l'eglise, vespres; le jour, matines, deux grandes messes et vespres.
Furent presens Monsieur Maistre Blaise Meliand, seigneur d'Esgligny et de La Borde, conseiller du roy et president des enquestes de sa cour de parlement, noble homme Maistre Guillaume Clement, greffier de l'hostel de ceste ville de Paris, et honnorable homme Pierre Janson, juré vendeur et controlleur de vins, bourgeois de Paris, ou nom et comme marguilliers de l'euvre et fabrique de ladicte eglise Sainct-Jean-en-Greve, d'une part, et lecict Pierre Richard, cy-devant nommé, à present organiste en icelle eglise, demeurant rue Darnetal, et parroisse Sainct-Laurent, d'autre part. Lesquelles parties ont recongneu et confessé et par ces presentes confessent avoir faict et accordé entre elles ce qui ensuict : c'est assavoir que ledict Richard a promis, s'est obligé et oblige d'assister en ladicte eglise Sainct-Jean aux jours et vigilles des festes cy-devant designées pour toucher les orgues de ladicte église et en jouer bien et deuement au service divin qui sera celebré lesdictes festes et vigilles d'icelles cy-devant declarées, sans y manquer sinon en cas de maladie, auquel cas il sera tenu y mettre un organiste à ses despens, et ce tant et sy longuement qu'il plaira ausqictz sieurs marguilliers et à leurs successeurs.
Et outre sera tenu d'entretenir, d'accord, la trompette, les pedalles de trompette, le cleron, la voix humaine et le chromeorme, lesquelz sont subjectz à discorder, fournir un homme pour les soufletz et generallement tout ce qu'il conviendra et sera necessaire pour jouer desdictes orgues, moyennant laquelle promesse et obligation lesdictz sieurs marguilliers oudict nom tant pour eulx que pour leursdictz successeurs ont promis et promectent oudict nom bailler et payer par chacun an aux quatre termes à Paris accoustumez audict Richard, ce acceptant, ou au porteur la somme de trois cens livres tournoiz, lequel payement commencera à avoir cours du jour Sainct-Jean-Baptiste dernier passé, attendu que ledict Richard a esté dès lors receu organiste de ladicte eglise et faict l'exercice de jouer desdictes orgues de sorte que le premier et second termes de payement sont jà escheuz dès le jour de Noël dernier passé, le troisiesme escherra au jour de Pasques prochain venant et continuer de là en avant par chacun an ausdictz quatre termes tant et sy longuement que ledict Richard sera organiste d'icelle eglise. Car ainsy a esté accordé entre lesdictes parties, promectant etc, obligeant chacun en droict soy et lesdictz sieurs marguilliers oudict nom, renonceant etc.
Faict et passé à ladicte euvre l'an mil six cens vingt-huict le dimanche trenteiesme jour de janvier avant midy.
MORIAND CLEMENT BEZANCON P. RICHARD CHARLET (notaire) FOURNYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 670IX (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Engagement de Pierre Richard à Saint-Jean-en-Grève.