Quittance par Nicolas Pescheur d'une somme à lui due pour réparations à l'orgue de Saint-Germain-le-Vieil et promesse d'entretien de cet orgue.
http://data.archives-nationales.culture.gouv.fr/recordResource/041210-c1p6sxz5o0vf--9vcd0wlbnzbg an entity of type: RecordResource
Quittance par Nicolas Pescheur d'une somme à lui due pour réparations à l'orgue de Saint-Germain-le-Vieil et promesse d'entretien de cet orgue.
xsd:date
1605-11-21
21 novembre 1605
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Nicolas Pescheur, compositeur d'orgues, demeurant ès faulxbourgs Sainct-Germain-des-Prez lez Paris, près l'eglise Sainct-Suplice, confesse avoir eu et receu des marguilliers de l'oeuvre et fabricque Sainct-Germain-le Viel, par les mains de honnorable homme Charles Auger et de Maistre Guillaume Janot, deux desdictz marguilliers, huict cens cinquante-six livres tournoiz, scavoir dudict Auger six cens quinze livres et dudict Janot deux cens quarente-une livres tournoiz, lesdictes deux sommes revenans à ladicte somme de huict cens cinquante-six livres, pour avoir par ledict Pescheur faict et composé de neuf les tuiaulx d'orgues qu'il estoit tenu et avoit promis de faire pour ladicte eglise, avec les clavier, sommiers, souffletz et autres chose(s) qu'il avoit promis, suivant le marché faict avec luy pour raison de ce, le vingt-huictiesme jour de juillet mil six cens quatre, par devant Janot et Cothereau, notaires, et autres promesses faicte(s) soubz les seings desdictz Pescheur et marguilliers le vingt-ungniesme decembre ensuivant, de laquelle somme de huict cens cinquante-six livres tournoiz ledict Pescheur s'est tenu et tient pour contant et en a quicté et quicté lesdictz marguilliers et tous autres ensembles de toutes choses générallement quelzconques et a consenty que sur la minutte dudict marché soict mention dudict payement, à la charge que ladicte mention et toutes quictances qu'il peult avoir faict, mesmes celle portée par ledict marché, et autres particulliers ne serviront que d'un seul et mesme acquict pour ladicte somme de huict cens cinquante-six livres, en laquelle est compris six livres tournoiz que lesdictz marguilliers ont payez aux deux filz dudict Nicolas Pescheur qui l'ont assisté à ladicte composition.
Davantage ledict Pescheur a promis et promect ausdictz marguilliers et leurs successeurs que pendant le temps et espace de deux ans consecutifz, à compter du jour de Noel prochain, il entretiendra et raccommodera bien et deuement lesdictes orgues et ce qui a par luy esté faict et, en fin desdictes deux années, les rendra en bon estat et bien sonnantes comme il est requis; en faveur de quoy, luy a esté accordé par lesdictz marguilliers la somme de douze livres tournoiz par chacune desdictes deux années, ce qui a esté stipullé et accepté par lesdictz Auger et Janot et Jehan Enguerrand à present marguilliers de ladicte eglise; promectant etc, obligeant etc, renonceant etc.
Faict et passé ès estudes des notaires soubzsignez, avant midy, le vingt-ungniesme jour de novembre mil six cens cinq et ont signé :
PESCHEUR J. ENGUERRANT COTHEREAU (notaire) Charles AUGER JANOT PARQUE (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 797V (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Quittance par Nicolas Pescheur d'une somme à lui due pour réparations à l'orgue de Saint-Germain-le-Vieil et promesse d'entretien de cet orgue.