Engagement pour un an de quatre frères joueurs d'instruments avec un occuliste afin de jouer sur les théâtres où celui-ci opérera.
http://data.archives-nationales.culture.gouv.fr/recordResource/041212-c1p6szw31s0j-1g1qcjkwcpx7g an entity of type: RecordResource
Engagement pour un an de quatre frères joueurs d'instruments avec un occuliste afin de jouer sur les théâtres où celui-ci opérera.
xsd:date
1626-05-20
20 mai 1626
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent presens en leurs personnes Nicolas Gondrecourt, Jehan et Hubert Gondrecourt, freres, joueurs d'instrumens, demourans à Sainct-Germain-des-Prez, rue du Four, parroisse Sainct-Sulpice, tant en leurs noms que comme eulx faisans et portans fort de Claude Gondrecourt, leur frere, par lequel ilz ont promis de faire ratiffier et avoir pour agreable ces presentes et en fournir acte de ratiffication au sieur Bourget, cy-après nommé, toutes fois et quantes qu'ilz en seront requis, d'une part, et Jehan Bourget, oculiste, demourant à la ville de Laval, pays de Mayne, estant de present en ceste ville de Paris, logé en l'isle du Palais, d'autre part.
Lesquelles partyes èsdictz noms ont faict et accordé entre elles ce qui ensuict : c'est assavoir que lesdictz Nicolas, Jehan et Hubert Gondrecourt, freres, èsdictz noms, ont promis et promectent l'un pour l'autre chacun d'eulx seul et pour le tout, sans division ne discussion, renonceans aux benefices et exceptions d'iceulx, audict Bourget de jouer des instruments sur les teastres qui seront par luy dressez en toutes les villes, lieulx et endroictz où ledict Bourget yra pour faire l'exercice de sa charge d'operateur, et ce pendant ung an entier qui commencera lundy prochain vingt-cinquiesme du present mois.
Et, à cest effect, seront tenus de suivre ledict Bourget et se rendre assiduz auprès de luy, lequel Bourget promet de leur fournir et livrer leurs vivres et allimans qui leur seront necessaires.
Ceste promesse faicte moyennant et à raison de trente livres tournois par chacun mois sur quoy lesdictz Nicolas, Jehan et Hubert de Gondrecourt èsdictz noms confessent avoir receu dudict Bourget par advance presentement en la presence des notaires soubzsignez en pistolles d'Espagne, le tout bon, la somme de trente livres tournoiz pour le premier mois, dont quictance etc; et pour le surplus ledict Bourget l'a promis payer ausdictz de Gondrecourt freres, ou au porteur, de mois en mois. Et oultre ledict Bourget consent et accorde que lesdictz Gondrecourt puissent faire des muscadins, poudres à eternuer et changer l'eaue en coulleur de vin, et iceulx vendre et debiter sur ses teastres ce qu'ilz prennent, le proffict et esmolumant qui proviendra desdictz muscadins et poudres seullement, sans qu'ilz puissent vendre n'y faire aultres choses. Car ainsy etc, promectant etc, obligeant chacun en droict soy et lesdictz Nicolas, Jehan et Hubert Gondrecourt freres, èsdictz noms, l'un pour l'aultre chacun d'eulx seul et pour le tout, sans division ne discussioin, corps et biens, comme dessus.
Faict et passé ès estudes des notaires soubzsignez, l'an mil six cens vingt-six, le vingtiesme jour de may après midy, et a ledict Hubert Gondrecourt declaré ne scavoir escripre ne signer et les autres ont signé :
BOURGET Nicolas GONDRECOURT Jean GONDRECOURT PERLIN (notaire) LEROY (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 430XII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Engagement pour un an de quatre frères joueurs d'instruments avec un occuliste afin de jouer sur les théâtres où celui-ci opérera.