Association de deux joueurs d'instruments pour trois années suivie d'un désistement sept mois plus tard.
http://data.archives-nationales.culture.gouv.fr/recordResource/041215-c1p6t0zm2bmz-weku2f7e3hhz an entity of type: RecordResource
Association de deux joueurs d'instruments pour trois années suivie d'un désistement sept mois plus tard.
xsd:date
1628-08-30
30 août 1628
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Furent presens en leurs personnes Jehan Duval, maistre joueur d'instrumens de musique à Paris, y demeurant rue du Petit Pont, parroisse Sainct-Severin, d'une part, et Sebastien Bertrand, aussy maistre joueur d'instrumens de musique à Paris, demeurant rue Sainct-Jacques, dicte parroisse Sainct-Severin, d'autre part. Lesquelles partyes de leurs bons grez se sont associez et associent ensemblement à tout le gain qu'ilz feront en l'exercice dudict art de joueur d'instrumens de musique à Paris; à quoy ils employeront tout le soing et travail qu'ilz pourront tant en la ville de Paris, faulxbourg que en voiage et suittes qu'ilz pourront faire à la charge de fournir moictié par moictié à tous les fraiz generallement quelz conques qu'il conviendra en faisant ledict exercice seullement et non aultrement. Et, ce pendant trois ans prochains à commancer sitost et incontinant que ledict Duval sera de retour de son voiage où il espere s'acheminer en bref et non plus tost. En consideration de quoy ledict Duval laisse audict Bertrand tous ses escolliers et congnoissances pour leur monstrer en sadicte absence et pendant sondict voiage sans que ledict Duval puisse en pretendre aulcun proffict ny part pendant ledict voiage. Et aussy ne payera ledict Duval, durant ledict voiage aulcun fraiz ny loyers de la salle que ledict Bertrand pourra prendre pour monstrer et enseigner ausdictz escolliers. Et, lorsque ledict Duval sera de retour de sondict voiage, aura la presente societté cours et la salle sera par eulx payée moictié par moictié et les autres fraiz comme dessus est dict. Quoy faisant, partiront ensemblement esgallement moictyé par moictyé tout le guain, proffictz et donnations qui proviendront de tout leur travail, sans aulcune chose en excepter.
Et, tout ce que dessus promettent les partyes respectivement l'entretenir de poinct en poinct selon sa forme et teneur, en peyne de trois cens livres tournoiz que le contrevenant à ce que dessus sera tenu payer à celluy qui y vouldra satisfaire sans aultre solempnité de justice garder, et auparavant que pouvoir rien dire ne proposer contre ses (sic) presentes, laquelle payée sera et demeurera à celluy y satisfera ou vouldra satisfaire pour tous despens, dommages et interestz. Car ainsy a esté le tout ainsy dict et les partyes ont faict et passé ces presentes qui aultrement n'eussent esté faictes. Promectant etc, obligeant chacun en droict soy, renonceant etc.
Faict et passé à Paris en l'hostel de Boucot, l'un des notaires soubzsignez, l'an mil six cent vingt-huict, le trenteiesme jour d'aoust après midy et ont signé :
Jehan DUVAL BERTRAND BOUCOT (notaire).
'Lesdictz Jacques Duval et Sebastien Bertrand desnommez cy-dessus, lesquelz consentent et accordent que le contenu au contract de societté cy-dessus, demeure nul sans aulcuns fraiz, despens, dommages et interestz contraindre par l'une des partyes allencontre de l'aultre. Et leur demeurera à chacun ce qu'ilz ont gaigné ensemblement ou separement sans reservation l'un allencontre de l'aultre, demeurant audict Bertrand du jour de Pasques prochain venant en avant la salle que les partyes avoient prise et louée ensemblement en payant par ledict Bertrand les loyers de ladicte salle dudict jour de Pasques prochain venant en avant, le loyer de laquelle salle ilz ont dict avoir payé jusques audict jour de Pasques prochain que ledict Duval jouira concuramment avec ledict Bertrand d'icelle salle jusques audict jour de Pasques et non plus avant; quant à la chambre qui avoit esté louée par lesdictes partyes, estant des appartenances de la maison où est ladicte salle, icelle chambre demeurera audict Duval du jour de Pasques prochain en avant en payant par luy les loyers d'icelle. Se quictant oultre lesdictes partyes respectivement de toutes choses generallement quelzconques du passé jusques à ce jour. Promectant etc, obligeant chacun en droict soy, renonceant etc.
Faict et passé ès estudes, l'an mil six cent vingt-neuf le dix-septiesme mars avant midy et ont signé :
BERTRAND Jehan DUVAL GARNON (notaire) BOUCOT (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 395XL (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de deux joueurs d'instruments pour trois années suivie d'un désistement sept mois plus tard.