Association de six joueurs d'instruments pour dix années.
http://data.archives-nationales.culture.gouv.fr/recordResource/041235-c1p6t5asc4a3--y4lr8a1hmbq8 an entity of type: RecordResource
Association de six joueurs d'instruments pour dix années.
xsd:date
1634-12-20
20 décembre 1634
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Furent presens en leurs personnes Guillaume Pellecerf, François Branchu, Jean Duchesne, Jacques Chicanneau, Jacques Bruslart et Louis Lasnier, tous maistres joueurs d'instrumens à Paris, y demeurans lesquelz ont volontairement recogneu et confessé, recognoissent et confessent eulx estre associez et associent ensemblement au faict de leur art, pour le temps et pendant dix années commenceantes ce jourd'huy vingtiesme decembre et qui finiront au jour des Cendres que l'on comptera mil six cens quarente-cinq, ausquelles dix années sont comprises trois années et six sepmaines qui restent à expirer de la societté cy-devant contractée entre partie des comparans et autres y nommez par contract passé par devant Pierre Guillart et Absalon Garnon, notaires au Chastelet de Paris le septiesme juing mil six cens sept, aux charges, clauses et conditions qui ensuivent.
Scavoir que nul des dessusdictz ne pourra s'associer avec autres maistres joueurs d'instrumens, sans l'exprès consentement desdictz dessus nommez à peine de payer aux non deffaillans ensemblement la somme de cent cinquante livres et sy aulcun se presente pour accommoder ladicte compagnie, il sera receu à la pluralité des voix jusques au nombre de quatorze acomplis, après lequel nombre de quatorze ne pourront entrer en ladicte societé aulcuns sans le gré et consentement de tous à peine de soixante livres tournoiz.
Et ont accordé entr'eux sy aulcun va de vie à trespas dedans ledict temps de dix ans il sera prins d'autres compagnons en leur place à la pluralité des voix affin d'entretenir la compagnie complette de touttes parties.
Et se sont promis et promectent l'ung à l'autre de ne jouer ny sonner de ce qui despend de leur art avec autres maistres ou non maistres joueurs d'instrumens sans le gré et consentement de tous à peine de soixante livres tournoiz qui tournera au proffit des non deffaillans, le faisant signiffier seullement par un sergent sans autre forme de procès ny pretendre aulcuns despens, dommages et interestz.
Plus, que s'ilz sonnent à festins, nopces, mascarades ou autres occasions où ilz pourront estre mandez par un d'entre'eulx, ne se pourra faire aulcuns despens aux despens de la compagnie à peine de six livres payables par les contrevenans aux non contrevenans sans autre forme.
Aussy celuy ou ceulx qui auront noces ou autres occasions et qu'il aura retenu de ses compagnons et ne se trouveront à l'heure qui sera dicte pour sonner ou du moings durant que le premier bransle ou autre dance soict finie le contrevenant payera pour chaque fois de manque trente solz et quant l'on donnera de l'argent pour desjeuner provenant des aubades de nopces ou autres occasions, sera party à ceulx qui auront assisté ausdictes aubades et pour entretenir paix et union entre lesdictz susnommez en leur-dicte société se sont promis et promectent respectivement les ungs aux autres de se rapporter bien et fidelement l'ung à l'autre scavoir nopces, mascarades et autres occasions où ilz pourront estre appelez pour le faict de leur art : scavoir s'ilz sont trois ou quatre ou plusieurs qui sonneront ensemble ou qu'il y ayt aubades ou assiette de table et quant il n'y aura que deux ou ung, ou plusieurs empeschez deux à deux ou ung, ung ne sera poinct subjet à aulcun rapport et quant il y en aura ung ou deux qui sonneront et qu'il faille qu'ilz soient payez sur la compagnie, ilz prendront pour chacun homme s'il y a escu pour homme les courvés seront payées à ung escu pour homme et où il y auroict moings sera pris quarente solz pour chacune courvée tant en esté qu'en hiver.
Est accordé entr'eulx que les comptes se feront par chacune sepmaine durant ledict temps tous les vendredis de relevée au lieu le plus expedient et commode qu'il sera advisé entr'eulx et celuy qui maniera, à l'heure de trois heures attendant quatre en hiver et en esté de quatre à cinq heures. Payera le deffaillant à ses compagnons non deffaillans quinze solz pour chacune fois.
Celluy ou ceulx qui auront l'argent qui aura esté gaigné en chacune sepmaine et qui ne se trouveront ausdicts comptes aux heures susdictes payera à ses compagnons soixante solz seullement.
Plus, est accordé entre lesdictes parties que celuy qui aura nopces, festins ou occasions ne pourra les marchander seul sy ce n'est chose qui vienne à l'improviste; il ne pourra recepvoir l'argent qu'au cas pareil il ne mene avec luy ung ou deulx de sesdictz compagnons.
Aussy, s'il s'en trouve aulcun ou plusieurs frauldans leurs compagnons et ne rapportera fidellement lesdictz deniers qu'il aura receuz, seront tenus bailler et payer à leusdictz compagnons la somme de cent cinquante livres pour une fois et permis outre ausdictz non deffaillans de le mettre hors de la presente association sy bon leur semble, en leur faisant signiffier seullement par un sergent sans autre forme de procès ny pretendre aulcuns despens, dommages et interestz et sy quelqu'un desdictz dessus nommez a quelque chose que ladicte compagnie ne s'en puisse servir il ne le pourra bailler à d'autre sans l'exprès consentement de ladicte compagnie, d'aultant que s'il y a des deniers revenans bons seront en commung appartenant à ladicte compagnie.
Et comme il se marchandera quelque occasion et qu'il sera donné quelque éhose pour le vin ce qui sera donné sera distribué à ceulx qui sonneront audict festin à peine de soixante solz tournoiz.
A esté aussy accordé par exprès que l'ung ny l'autre desdictz associez ne pourra changer sa partie sans le consentement de tous les autres ses compagnons et affin que personne n'ignore sa partye, lesquelles ilz prendront peine de bien sonner, jouera ledict Pellecerf basse de violon, Branchu taille de violon, Duchesne cinquiesme de violon, Lasnier dessus de violon, Bruslart haute-contre de violon.
A esté accordé que sy l'ung d'eux vient à estre malade (...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 403XLVIII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de six joueurs d'instruments pour dix années.