Procuration par Joachim du Bellay, pour vendre la seigneurie de la Poiveriere et la métairie de la Rouere appartenant à son neveu.
http://data.archives-nationales.culture.gouv.fr/recordResource/041273-c1p6tf81eviz-1l2ln6utzc6vu an entity of type: RecordResource
Procuration par Joachim du Bellay, pour vendre la seigneurie de la Poiveriere et la métairie de la Rouere appartenant à son neveu.
xsd:date
1553-04-17
17 avril 1553
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Fut present en sa personne Joachin du Bellay, escuyer, tant en son nom privé que comme tuteur et curateur et soy faisant et portant fort en ceste partie de Claude du Bellay, son nepveu, filz myneur d'ans et heritier unicque du deffunct René du Bellay, en son vivant escuyer, seigneur de Gonnort et d'Oudon, promectant luy faire ratiffier et avoir agreable, luy venu en son aige, ce qui sera faict en vertu de ces presentes en ce qui concernera son faict, toutesfois et quantes que mestier et requis en sera; lequel Joachim du Bellay, en chascun desd. noms, feist, nomma, constitua, ordonna et establyt son procureur Maistre Claude de Bizé, demourant avec led. constituant, auquel icelluy seigneur constituant, èsd. noms, a donné povoir et puissance de vendre, cedder et transporter du tout à tousjours et promect garantir de tous troubles et empeschemens quelzconques, èsd. noms et chascun d'iceulx noms seul et pour le tout, sans division ne discution à telle personne ou personnes et pour tel pris et somme de deniers que bon semblera à sond. procureur, la terre et seigneurie de la Poylevriere, parroisse de Chalonne en Anjou, la mestayrie de la Rouere, parroisse de Neufvy oud. pays d'Anjou, leurs appartenances et deppendences et affermer en l'ame dud. seigneur constituant èsd. noms lesd. terres de la Poylevriere et mestayrie de Rouere appartenir aud. myneur de son propre et à luy advenues et escheues par le trespas dud. deffunct René du Bellay, son pere, et n'estre chargées, obligées ny ypothecquées que de droictz et debvoirs seigneuriaulx, lesd. choses tenues assavoir led. lieu de la Poilevriere tenue du seigneur du Lude et lad. mestayrie de la Rouere du seigneur de la Nouere, recepvoir les deniers qui viendront desd. venditions, du receu se tenir pour contant et de tout faire et passer lectres de venditions, quictances et autres instrumens à ce necessaires et telles que au cas appartiendra et à tout ce que dict est, obliger icelluy constituant èsd. noms et ses biens, tant et si avant qui plaira à sond. procureur. Et les deniers provenans desd. venditions estre convertiz et employez en l'acquit des debtes dud. myneur.
Oultre a led. constituant, en chascun desd. noms et quallitez, donné plain pouvoir, auctorité et mandement aud. de Bizé, sond. procureur, de recevoir tous les deniers qui sont et seront deuz aud. seigneur constituant pour raison des fermes par luy baillées à Jehan Le Roy, marchant demourant au villaige de Drain oud. pays d'Anjou, et pareillement à Françoys Cesbron, demourant au villaige de Lyré, oud. pays et autres personnes et de la réception d'iceulx deniers bailler quictance ou quictances ou nom dud. constituant telles que au cas apartiendra, faire baulx à ferme tant des terres appartenans oud. myneur que celles dud. constituant à telles personnes et pour tel pris qui plaira aud. procureur, en recevoir les deniers et bailler quictances, faire vente de boys et autres meubles et fruictz apartenans tant aud. myneur de son chef que aud. seigneur constituant et generallement faire pour led. constituant en chascun desd. noms et qualitez en ses procès, negoces et affaires, encores qu'elles ne sont declairées en ces presentes, tout ce que led. constituant feroit ou faire pouroit si present en sa personne y estoit, promectant etc, obligeant èsd. noms etc.
Faict et passé l'an mil Vc cinquante-troys le lundi XVIIe jour d'avril après Quasimodo.
ANGIRART [notaire] V. MAUPEOU [notaire].
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 323, notice n° 184 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Procuration par Joachim du Bellay, pour vendre la seigneurie de la Poiveriere et la métairie de la Rouere appartenant à son neveu.