Vente de la seigneurie d'Oudon par Joachim Du Bellay, tuteur de son neveu Claude Du Bellay à Anne de Montmorency.
http://data.archives-nationales.culture.gouv.fr/recordResource/041278-c1p6tihthn6r--1lraykw97w5ad an entity of type: RecordResource
Vente de la seigneurie d'Oudon par Joachim Du Bellay, tuteur de son neveu Claude Du Bellay à Anne de Montmorency.
xsd:date
1559-08-09
9 août 1559
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Tres hault et puissant seigneur Monseigneur Anne, duc de Montmorency, pair et connestable de France, pour luy en son nom, d'une part, et noble et discrecte personne Messire Joachin du Bellay, seigneur de la Piere, archidiacre et chanoyne de l'eglise du Mans, tant en son nom que comme curateur de Claude du Bellay, filz myneur d'ans et heritier unicque de deffunctz René du Bellay, en son vivant seigneur de Lyré et d'Oudon, et de dame Magdelaine de Malestroict, et encores comme soy faisant et portant fort de noble homme Messire Christoffe du Breil, chevallier, seigneur de la Mannesmiere, mary de dame Catherine du Bellay, tante paternelle dudict myneur, par lequel seigneur de la Mannesmiere, led. Messire Joachin du Bellay a promis sera tenu et promect faire ratiffier et agreer tout le contenu en ces presentes et à tout led. contenu faire obliger avec luy èsd. noms et en chascun d'iceulx seul et pour le tout sans division ne discution dedans ung moys prochainement venant et speciallement à faire ratiffier et avoir agreable tout le contenu au present contract par led. Claude du Bellay myneur, vallablement et par effect incontinant luy venu en aage de majorité, pour luy èsd. noms, d'aultre part.
Disans lesdictes parties èsd. noms que, pour raison de lad. terre et seigneurie d'Oudon, long temps a que procès se seroit meu entre feu Raoul du Juch, seigneur de Molac, ayant le droict ceddé du feu roy François, que Dieu absolve, auquel ladicte terre d'Oudon avoit esté adjugée par confiscation à l'encontre de Jehan et Julian de Malestroict, lequel droict dud. seigneur de Molac, auroit depuis esté acquis de ses heritiers et auroit longuement continué la poursuite dud. procès à l'encontre dud. Julian de Malestroit, après le decez duquel Magdelon de La Roche, seigneur du Ponceau, son neveu maternel, se seroit porté heritier dud. Julian par benefice d'inventaire, comme il dict, et auroit tendu à reprandre led. procès contre led. du Bellay. Et après plusieurs poursuictes auroit led. de La Roche ceddé et transporté le droict par luy pretendu en lad. terre et seigneurie d'Oudon à cause de l'heredité et succession pretendue dud. feu Julian, son oncle, aud. seigneur connestable, ainsi qu'il disoit, lequel voulloit et entendoit se faire subroger oud. procès au lieu dudict Magdelon de La Roche.
Sur quoy estoient icelles parties èsd. noms en voye d'entrer en plus grande involution de procès, fraiz et mises, pour à quoy obvier et nourrir paix et amytié entre eulx, ont icelles parties èsd. noms, par l'advis et deliberation de leurs amys et conseil, ainsi qu'ilz disoient, traicté et transigé, paciffié, accordé et appoincté ensemble de et sur led. procès et deppendances d'icelluy en la forme et maniere qui s'ensuict.
C'est assavoir led. Messire Joachim du Bellay èsd. noms avoir ceddé, quicté, transporté et delaissé du tout dès maintenant à toujours et promect èsd. noms et en chascun d'iceulx seul et pour le tout, sans division ne discution, renonçant au benefice de division et ordre de discution, garentir de tous troubles et empeschemens quelzconques proceddans des faictz, promesses et obligations seullement desd. feu René du Bellay et damoiselle Magdelaine de Malestroict, sa femme, et dudict Claude du Bellay, leur filz et heritier unicque, et oultre jusques à la concurrance du pris cy après declaré, à mondict seigneur le connestable, à ce présent et acceptant pour luy, ses hoirs et ayans cause ou temps advenir, tous et chascuns les droictz de proprieté, noms, raisons et actions qui audict Claude du Bellay compectent et appartiennent et luy peuvent compecter et appartenir, tant à cause de l'heredité et succession de sesdictz pere et mere que aultrement, à quelque tiltre et moyen que ce soit, en et sur ladicte terre et seigneurie d'Oudon, ses appartenances et deppendances quelzconques, scituée et assise en la conté de Nantes en Bretagne qui se extend ès paroisses d'Oudon, Couffé et Le Sellier et aultres lieux et tout ainsi que en joissoit led. René du Bellay lors de son decez, tant au moyen de l'acquest que en avoit faict led. deffunct du Bellay des heritiers dud. feu Raoul du Juch, seigneur de Mollac, auquel lad. terre d'Oudon avoit esté vendue et allienée, comme dict est, par le feu roy Françoys, que Dieu absolve, que aussi au moyen de l'augmentation du partaige baillé à lad. Magdelaine de Malestroict par feu Jehan de Malestroict, frere aisné dud. Julian et de lad. damoiselle, de la somme de cent cinquante livres de rente, comme appert par contract du vingt-neufiesme juillet mil Vc vingt-cinq que aultrement, en quelque sorte et maniere que ce soit; lad. terre et seigneurie d'Oudon tenue et mouvant du roy à cause de son conté de Nantes et chargée envers luy des droictz seigneuriaulx et feodaux quant le cas y eschet.
Et, oultre, a ledict Messire Joachin du Bellay, èsd. noms, ceddé et transporté aud. seigneur connestable, ce acceptant comme dessus, toutes et chascunes les sommes de deniers qui ont esté adjugées par condampnation à l'encontre dud. Julian de Malestroict tant aud. Raoul du Juch ou ses heritiers que aud. deffunct René du Bellay, auquel lesd. heritiers ont ceddé lesd. sommes de deniers adjugées aud. du Juch, et ce tant en principal que despens, dommaiges et interestz, et mesmes la somme de vingt mil livres tournoiz adjugez audict de Molac par deffunct Messire Guillaume Lhuillier et aultres juges deleguez par led. feu roy Françoys, commissaires en ceste partie en souveraineté et dernier ressort : c'est assavoir dix mil livres pour la restitution des fruictz de lad. seigneurie d'Oudon spoliez par ledict Julian sur led. du Juch et dix mil livres pour reparation des voyes de faict commises par led. Julian contre led. du Juch, et pareillement la somme de quatre mil livres parisis, en laquelle led. feu Julian de Malestroict fut condampné (...).
Cestz cession et transport faictz moyennant et parmy le pris et somme de vingt-cinq mil livres (...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 342, notice n° 200 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de création de la notice : 2009
Vente de la seigneurie d'Oudon par Joachim Du Bellay, tuteur de son neveu Claude Du Bellay à Anne de Montmorency.