Vente d'une maison en la Grande-Rue de Fontainebleau par Rémy Belleau agissant au nom du marquis d'Elbeuf.
http://data.archives-nationales.culture.gouv.fr/recordResource/041279-c1p6tikvdqxv-150a8dcgcot6m an entity of type: RecordResource
Vente d'une maison en la Grande-Rue de Fontainebleau par Rémy Belleau agissant au nom du marquis d'Elbeuf.
xsd:date
1573-09-08
8 septembre 1573
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Fut present en sa personne Françoys Moreau, clerc de Monsieur Breton, secretaire de Monseigneur illustrissime et reverandissime cardinal de Loraine, lequel de son bon gré et volonté, sans aulcune contraincte, recongneut et confessa et par ces presentes confesse avoir vendu, ceddé, quicté, transporté et dellaissé, vend, cedde, quicté, transporte et dellaisse du tout dès maintenant à tousjours, à très hault et très puissant prince Monseigneur Charles de Lorraine, marquis d'Elbeuf, conte de Harcourt, nobles hommes Remy Belleau, maistre d'hostel et superintendant des affaires de mondict seigneur, et Robert Duboys, controlleur et argentier de mond. seigneur, ayant charge et commandement exprès, comme ilz ont dict, de Monseigneur illustrissime cardinal de Lorraine, oncle, tuteur et ayant la garde noble de mond. seigneur le marquis d'Elbeuf, par lequel ilz ont promict faire ratiffier et avoir pour agreable le contenu en ces presentes quant requis en seront, à ce presens stipullans et acceptans, achepteurs et acquesteurs, pour mond. seigneur le marquis, ses hoyrs et ayans cause ou temps advenir, une maison et apartenances d'icelle, assise à Fontainebleau, en la Grand-rue dud. lieu, à laquelle pend pour enseigne le Cigne, consistant en ung grand corps d'hostel, contenant plusieurs chambres, court, cave, estables, esances et apartenances, les lieux ainsi qu'ilz se poursuivent et comportent, tenant d'une part à Madame la duchesse de Savoye, d'autre part à Nicollas Brouillé, d'un bout à mad. dame duchesse et aud. Brouillé, et d'autre bout, par devant, à la Grand-rue dud. lieu de Fontainebleau, aud. vendeur apartenant au moyen du don qui luy en a esté faict par led. seigneur Breton, son maistre, dès le vendredy XXXIe et dernier jour d'aoust l'an mil cinq cens soixante-unze par devant Phelippes Cothereau et Raoul Bontemps, notaires ou Chastellet de Paris, estant en la censive des ministres et couvent des Mathurins, fondez aud. lieu de Fontainebleau et chargez envers eulx de deux deniers de cens paiables par chacun an le jour Sainct-Remy, pourtoutes et sans autres charges quelzconques, franche et quicte jusques à huy, pour en joyr etc.
Cestz vente, cession et transport faictz moiennant le pris et somme de deux mil livres tournoiz, sur laquelle led. vendeur a confessé avoir eu et receu dud. seigneur marquis par les mains dud. Duboys la somme de mil livres tournoiz, dont etc, quictant etc, le reste montant pareille somme de mil livres tournoiz lesd. Belleau et Duboys le promectent et gaigent bailler et payer aud. Moreau vendeur ou au porteur de ces presentes lectres pour luy, du jourd'huy en deux ans prochainement venant, transportant etc, dessaissisans etc, voullant etc, procureur le porteur, donnant pouvoir etc.
Et pour plus grande seureté de garentye a led. Moreau bailler et delivré aud. Duboys oud. nom led. don et transport à luy faict par led. Breton d'icelle maison et appartenance cy-dessus dactée, ensemble le contract de vendition faicte aud. Breton d'icelle maison pour Joseph Brune, marchant demourant aud. lieu de Fontainebleau, procureur de feu Mathurin Moreau, pere dud. vendeur, en dacte du lundy XXVIe jour de febvrier mil cinq cens cinquante quatre, avec toutes et chacunes les autres pieces servant de tiltres et faisans mention d'icelle maison, lesquelles pieces led. Belleau et Duboys sernt tenuz ayder led. vendeur au cas que dans une garentye il le vouldroient poursuir - promectant etc, obligeant èsd. noms d'une part et d'autre, renonceant etc.
Faict et passé l'an mil cinq cens soixante-treize le mardy huictiesme jour de septembre, double.
P. CAYARD [notaire] BOREAU [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 204, notice n° 87 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Vente d'une maison en la Grande-Rue de Fontainebleau par Rémy Belleau agissant au nom du marquis d'Elbeuf.
blank nodes
Belleau, Rémy