Association de neuf joueurs d'instruments pendant une année.
http://data.archives-nationales.culture.gouv.fr/recordResource/041326-c1p6tzmjgk9v-ab2khuym5djt an entity of type: RecordResource
Association de neuf joueurs d'instruments pendant une année.
xsd:date
1606-05-02
2 mai 1606
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Morice de Mante, Jacques de Bouilly, Loys Lefebvre, Jacques Buffeteau, Nicolas Rousseau, Denys Dangereux, Gregoire Le Vacher, Françoys Gaulderon et Gilles Hebert, tous maistres joueurs d'instrumens à Paris, confessent de leurs bons grez et volontez s'estre associez ensemblement au gaing qui proviendra de leur exercice d'huy en ung an finy pour ensemblement faire l'exercice de leur charge et vaccation toutes et quantes foys qu'ilz seront appellez par chacun d'eulx et par celluy qui aura marchandé à faire nopces et festin et d'aller jouer de leurs instrumens ès lieulx qu'ilz seront appellez, quant besoing sera.
Ceste association faicte à la charge qu'iceluy d'entre eulx qui aura marchandé nopces, festins, mascarade, ballets appellera avec luy ceulx lesquelz il luy plaira ausquelz il sera fidellement [tenu] faire part à ses compagnons qui joueront avec luy de ce qu'il aura marchandé esgallement et sans que l'un d'eulx puisse (faire) aulcune fraulde l'un à l'aultre et qu'ilz puissent servir autre compagnie durant ledict temps à peyne de dix-huict livres de peyne commise que le contrevenant sera tenu paier à la partie interessée.
Et outre seront tenuz de faire ton ensemble; deux fois par chacune sepmaine scavoir est le mardy et le vendredy conserteront de leurs instrumentz - à deux heures attendant trois après midy - s'il y a empeschement legitime qu'il s'excuse au prealable à deux de ses compagnons.
Et seront outre tenuz chacun d'aller auxdictes aubades lorsqu'ilz seront mandez à peyne, l'un desdictz cas advenu, de trente solz de peyne que le contrevenant sera tenu de paier à ladicte partie interessée.
Lesquelz aubades de cornet ilz joueront ensemblement dont ilz rapporteront fidellement ce qui sera donné pour lesdictes aubades.
Et au cas qu'il y eust quelqu'un d'entre eulx [qui] ne fut employé, en ce cas il pourra aller jouer ailleurs en demandant conseil à ung ou deux de ses compagnons par aulcun de ses compagnons.
Car ainsy etc., promectant etc., obligeant chacun en droict soy, renonceant etc.
Faict et passé l'an mil six le deuxiesme jour de may avant midy ès estudes des notaires soubzsignez, lesdictz Lefebvre et Rousseau ont declaré ne scavoir escripre ne signer et les autres ont signé :
LE VACHER Maurice de MANTE Francoys GAUDROUIN BUFFETEAU Jacques de BOUILLY DANGEREUX FILESAC (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 351, notice n° V (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de neuf joueurs d'instruments pendant une année.