Association de quatre joueurs d'instruments pour neuf mois et remaniement portant le nombre de joueurs à cinq.
http://data.archives-nationales.culture.gouv.fr/recordResource/041327-c1p6tzun56nf-8b3atspvpi3l an entity of type: RecordResource
Association de quatre joueurs d'instruments pour neuf mois et remaniement portant le nombre de joueurs à cinq.
xsd:date
1609-06-23
23 juin 1609
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
' Furent presens et comparurent personnellement Baptiste Jollicoeur, Innocent Ploquin, Jean Aubert, et François Rozier, tous maistres joueurs d'instrumens à Paris, y demeurans, scavoir ledict Jollicoeur rue Trassenonain, ledict Ploquin, rue du Vertbois et ledict Aubert rue des Gravilliers parroisse Sainct-Nicolas, et ledict Rozier, rue Sainct-Jacques, parroisse Sainct-Benoist, lesquelz se sont voluntairement associez et associent ensemblement du jourd'huy jusques au jour de Caresme prenant de l'année mil six cent dix pour jouer des instrumens, scavoir ledict Jollicoeur des basses de violons, ledict Ploquin des dessus, ledict Aubert des tailles et ledict Rozier de la haulte-conte partout où ilz seront mandez soit en ceste ville ou ailleurs sans que l'un d'eulx puisse jouer ou se mettre en autre compagnie et prendre quelque autre personne pour jouer avec eulx, si ce n'est du vouloir et consentement de tous ensemble à peine de trois livres d'amende que le contrevenant paiera aux acquiesceans. Et ne seront tenuz lesdictz associez rapporter aucune chose à la communaulté d'entre eulx s'ilz ne jouent tous ensemble ou trois ensemble et non autrement et le gain se partira esgallement entre les parties et s'il convient ausdictz associez faire quelques haulbades, ilz seront tenuz eulx y trouver à l'heure dicte à peine de trente solz tournoiz, paiable comme dessus. Et pour le regard des conserts se trouveront icelles parties le vendredy de chacune sepmaine au logis l'un de l'autre consecutifvement aussy à peine de paier trente solz d'amende paiable aussy comme dessus. Et sy aucun d'eulx veult jouer avec quelque autre ne le pourra faire sans le consentement de l'un d'eulx. Ne pourront au surplus lesdictes parties se desister et departir de la presente association à peine de dix huict livres tournoiz qu'il paiera comme dict est. Car ainsy, etc., promectant, etc., obligeant chacun en droict soy corps et biens, renonceant, etc.
Faict et passé à Paris ès estudes des notaires soubzsignez l'an mil six cent neuf, le mardy vingt-troisiesme jour de juin avant midy; lesdictz Rozier et Aubert ont declaré ne scavoir escrire ne signer. Et en ce faisant demeurent toutes associations et compromis qu'ilz ont et peuvent avoir faictz ensemble nulz moiennant ces presentes.
B. JOLLYCOEUR CHARLET (notaire) P. PELOQUIN HUART (notaire).
' Lesdictz Jollycoeur, Aubert et Rozier desnommez au contract cy-en-droict escript, confessent avoir voluntairement associé et associent avec eulx au marché cy-endroict Jean Amant et Gilles Coutelet, aussy maistres joueurs d'instrumens à Paris y demeurans, scavoir ledict Amant rue des Gravilliers, parroisse Sainct-Nicolas, et ledict Coustelet rue Sainct-Jacques, parroisse Sainct-Benoist, à ce present et acceptant pour jouer avec eulx scavoir ledict Amant avec ledict Rozier du dessus et ledict Coustelet de la haulte-conte à la charge qu'iceulx Amant et Coustelet promettent satisfaire de leur part audict marché duquel leur a esté presentement faict lecture par l'un des notaires soubzsignez l'autre present qu'ilz ont dict bien entendre et ensemble avoir eu communicquation et accordé la quictance que ledict Plocquin a faicte comme il se desiste et depart de ladicte association qui commence entre les partyes du jour d'huy jusques au jour de caresme prenant de l'année mil six cens unze. Et ne pourra ledict Coustelet partir avec les susdictz associez qu'il ne sache deux balets, quatre courantes, trois voltes et deux gaillardes avec la suite, les bransles et gavotte. Car ainsy, etc., promettant etc., obligeant chacun en droict soy corps et biens, renonceant. etc.
Faict et passé à Paris ès estudes des notaires soubzsignez, le dix-septiesme jour de novembre avant midy; lesdictz Amant et Jollicoeur ont signé et les autres ont declaré ne scavoir escripre ne signer :
B. JOLLYCOEUR AMAND HUART.
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 358, notice n° XI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de quatre joueurs d'instruments pour neuf mois et remaniement portant le nombre de joueurs à cinq.