Association de quatre joueurs d'instruments pour six années.
http://data.archives-nationales.culture.gouv.fr/recordResource/041327-c1p6tzuwlmtn--117u5uri8a78p an entity of type: RecordResource
Association de quatre joueurs d'instruments pour six années.
xsd:date
1618-05-11
11 mai 1618
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent presens en leurs personnes honnorables hommes Baptiste Jollycoeur, Vincent Verdier, Jacques Gaigneron et Guillaume Duneau, tous maistres joueurs d'instrumens, demeurans à Paris, scavoir ledict Jollycoeur rue Guerin Boisseau, parroisse Sainct-Laurens, ledict Vertgay (sic) rue Darnetal, ledict Gaigneron susdicte parroisse et ledict Duneau rue de la Mortellerie, parroisse Sainct-Gervais, lesquelz ont vollontairement recongnu et confessé eulx estre associé et associent de ce jourd'huy pour six ans prochains ensuyvans et accomplis, pour jouer des instrumens la part où ilz seront mandez, scavoir ledict Jollycoeur des basses de viollon et de haultbois, ledict Vertdier de dessus de viollon et de cornet, ledict Gaigneron de haulte-conte et ledict Duneau de taille aussy de viollon et cornet, à la charge que le gain que lesdictz associez feront lorsqu'ilz joueront trois ensemble se partageront entierement entre eulx associez sans aulcune fraulde entre lesdictz associez. Sera tenu celluy qui frauldera son compagnon de payer aux autres ensemblement la somme de six livres tournois pour chacune foys qu'il comectra ladicte fraulde.
Seront tenuz lesdicts associez se trouver ensemblement au logis des ungs des autres par chacun vendredy de chacune sepmaine entre les trois ou quatre heures du soir pour concerter sur peyne de seize solz tournoiz payables par le deffaillant au proffict des autres assemblez.
Nul desdictz associez ne pourra aussy prendre avecq luy aulcun autre pour jouer sans le consentement de ses autres compagnons associez.
Ne pourront pareillement entreprendre les ungs sur les autres pour leur partye sur peyne de soixante solz tournoiz.
Laquelle presente association ne se pourra rompre et adnuller sans le consentement de tous lesdictz associez et de chacun d'eulx aussy à peyne de trente livres tournoiz que chacun de ceulx qui se vouldront deppartir d'icelledicte association seront tenuz payer à ceulx qui la vouldront entretenir, comme aussy quand il sera de besoing de bailler et donner les aubades iceulx associez et chacun d'eulx seront tenuz et promectent eulx trouver à icelles aux heures qui leur seront dictes et données par celluy qui en aura la charge pareillement sur peyne de trente-deux solz tournoiz aussy payables par le deffaillant.
Advenant aussy que aulcuns desdictz associez allassent jouer aux champs pendant lesusdict temps, ilz ne seront tenuz rapporter en commung le gain qu'ilz y pourront faire, à la charge qu'ilz ne participperont pareillement au gain que ceulx demeurez à la ville pourront avoir faict pendant leur absence.
Et sy aulcun d'iceulx associez tomboit par accident que Dieu ne veuille, en malladie, il ne laissera d'estre particippant au gain que feront sesdictz autres compagnons pourveu que ce ne soit malladie venerienne.
Et, où aulcuns d'iceulx associez ne se trouveront pour jouer scavoir au disner, à l'assette de table et pour le soupper sur les deux heures precize, le deffaillant payera pour chacune foys seize solz tournoiz. Prendra celluy des associez qui aura entrepris le marché de nopces où il sera besoing de jouer aux fiancailles trente solz tournoiz sur le pris dudict marché pour chacune corvée, et le reste entrera en ladicte communaulté en laquelle lesdictz associez pourront d'un consentement respectif faire entre avecq eulx encores deux personnes pour jouer avecq eulx pendant ledict temps aux mesmes charges que dessus. Car ainsy a esté accordé entre lesdictes partyes; promectans etc, obligeans chacun en droict soy corps et biens, renonceant etc.
Faict et passé à Paris, ès estudes des notaires soubzsignez, le vendredy après midy unziesme jour de may mil six cens dix-huict et ont signé :
Jacques GAIGNERON DUNEAU De SAINCT-FUSSIEN (notaire) B. JOLLYCOEUR Vincent VERDIER HUART (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 371, notice n° XX (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de quatre joueurs d'instruments pour six années.