Association de trois joueurs d'instruments pour quatre années.
http://data.archives-nationales.culture.gouv.fr/recordResource/041327-c1p6tzuz70pf--1seang0oksg3i an entity of type: RecordResource
Association de trois joueurs d'instruments pour quatre années.
xsd:date
1618-09-07
7 septembre 1618
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent presens en leurs personnes Jean Amand, Claude Chaumont et Pierre de Label, tous maistres joueurs d'instrumens à Paris, demeurant scavoir ledict Amand rue des Vertuz, parroisse Sainct-Nicolas-des-Champs, ledict Chaumont rue Sainct-Victor, parroisse Sainct-Estienne-du-Mont, et ledict de Label rue Sainct-Julien des Menestriers, parroisse Sainct-Nicolas-des-Champs, lesquelz se sont ce jourd'huy volontairement associé et associent ensemblement par ces presentes pour et pendant le temps et espace de quatre ans entiers, finiz, accompliz connenceans cedict jour dacte de presentes, en tout le gain, proffict et perte qu'ilz feront et pourront faire pendant ledict temps de quatre ans au faict et sort de leurdict exercice, tant en ceste dicte ville de Paris que ès faulxbourgs d'icelle, sans qu'ilz en puissent prendre ou appeller aulcuns autres avecq eulx, sy ce n'est que l'on veuille avoir plus de trois joueurs d'instrumens.
Et où il n'y auroyt qu'un ou deux d'entre eulx employer, celuy ou les deux qui seront employez ne seront tenuz faire aulcun rapport ne part aux aultres qui n'auront esté employez.
Et que iceulx trois associez n'ayent poinct joué ne sonné ensemble ledict jour par quelque temps que c'ayt esté mais sy en quelque ocasion que ce soit ilz ont ensemblement sonné en un jour par quelque temps que c'ayt esté le gain qui pourra estre faict ledict jour par l'un d'eux en particulier ou deux ensemble sera rapporté au proffict de tous les trois esgallement.
Et seront tenuz et promectent lesdictz associez se faire et rendre bon et fidel compte les ungs aux autres de tout leurdict gain et proffict pour estre party et divisé entre eulx par esgalle portion au fur et à mesure qu'ilz toucheront et recevront les deniers.
Et, où cas qu'un d'entre eulx eut faict marché de quelque ocasion que ce soit tant en ceste ville que faulxbourgs dont on ne peust tirer payement, iceulx associez souffriront ladicte perte sans aulcun recouvrement l'un sur l'autre et sans que lesdictz associez puissent se desister ne departir de la presente association sans le mutuel consentement les ungs des autres, accedant que l'un d'eulx puisse empescher le tout ; le tout à peyne de trente livres tournoiz et de tous despens dommages et intherestz contre chacun des contrevenans à cesdictes presentes payable tous incontinant et à la volonté et premiere requeste de l'haderant ou adherans à cesdictes presentes.
Et outre ont accordé entre eulx que jouant ensemblement ledict Amand sera tenu jouer de la taille de violon et taille de cornet, ledict Chaumont de la basse de violon et basse de violon et basse de haultbois et ledict de Label du dessus de violon et haulte conte de cornet sans que chacun d'eulx puisse aulcunement entreprendre sur les partyes l'un de l'autre sur les peynes que dessus.
Et pour le regard des aubades de cornet sy l'un ou l'autre des dictz associez ne peult sonner sa partye, il sera tenu d'en mettre un autre à sa place à ses despens.
Et outre seront tenuz lesdictz associez s'assembler ensemblement tous les vendredys ou cas que soyt jour ouvrable sinon le lendemain heure trois à quatre heures après midy precises en la maison d'un d'entre eulx tour à tour pour concerter ensemble sur le faict de leur dict art et exercice sur peyne de huict solz tournoiz contre celuy qui deffauldra sy ce n'est par excuse legitime à se trouver à ladicte assemblée par chacune fois payable et applicquable au proffict de ses compagnons qui y auroient assisté.
Car ainsy le tout a esté expressement nomé et accordé entre lesdictes partyes en faisant et passant ces presentes qui autrement n'eussent esté faictes ne passées, promectans outre lesdictes partyes s'assossier s'ilz trouvent à propos avecq autres joueurs d'instrumens sans que le nombre desdictz associez de leur contract puisse estre plus grand que de huict. Promectant etc, obligeant chacun en droict soy, renonceant etc.
Faict et passé ès estudes des notaires soubzsignez l'an mil six cens dixhuict le septiesme jour de septembre avant midy et ont tous signé la presente minutte fors ledict Chaumont qui a declaré ne scavoir escripre ne signer.
DELABEL DEMAS (notaire) AMAND HUART (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 373XXI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de trois joueurs d'instruments pour quatre années.