Association de huit joueurs d'instruments pour quatre années.
http://data.archives-nationales.culture.gouv.fr/recordResource/041327-c1p6tzv3xmoj--oanxydrrg311 an entity of type: RecordResource
Association de huit joueurs d'instruments pour quatre années.
xsd:date
1622-03-10
10 mars 1622
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent presens en leurs personnes Jacques de Boully, Morice de Mante, Baptiste Jolicoeur, Vincent Verdier, Guillaume Duneau, Guillaume Le Sac, Nicolas Bigot et Moyse Dupain, tous maistres joueurs d'instrumens à Paris, y demeurant. Lesquelz se sont volontairement associez et associent ensemblement du jour d'huy jusques à quatre ans prochains après ensuivans pour jouer des instrumens ès banquetz et assemblez où ilz seront appellez.
Et pour leur jeu tiendront pour partye scavoir ledict de Boully des tailles de viollon et de cornet; ledict de Mante de basse de viollon et basse de hault-bois; ledit Jolicoeur la mesme partye de basse de viollon et basse de hault-bois; ledict Verdier le dessus de viollon et dessus de cornet; ledict Duneau de taille de violon et taille de cornet; ledict Sac de dessus de viollon et de dessus de cornet, ledict Bigot [de] hau-de-conte de violon et de cornet et ledict Dupain la mesme partye de hau-de-conte de violon et de cornet, sans que lesdictz associez puissent prendre avecq eux pour jouer des instrumens aultres que ses compaignons à peine de six livres tournoiz pour chacune foix, et quand trois de la compaignie soneront ensemblement se portera le guain fidellement à la communauté sur ladicte peine de six livres, et pour le regard de ceulx d'entre eulx qui seront appellez pour jouer aux champs ne seront tenuz raporter aulcune chose de leur guain aux autres compaignons de leurdicte societté.
Ne pouront aussy iceulx associez entreprendre sur les partyes les unes des autres sur la peine de six livres, et prendront ceulx qui jouront aux fiancailles et landemain pour chacune courvée vingt-cinq solz. Si aucun desdictz associez manquent à se trouver aux aubades qui se font entre eulx et esquelles ils seront mandez la premier aubade faicte paiera en contravention vingt solz et partagera au reste. Se trouveront aussy lesdictz associez à l'assiette de table et menage sur peine de vingt solz pour chacune fois.
Et, advenant que l'un desdictz associez vint à tomber malade, ne laissera de participer au gain de ses autres compaignons.
Ne pourront aussy lesdictz associez prendre et admettre avecq eulx autres compaignons en ladicte societé si ce n'est du consentement de toute ladicte compagnie. Pareillement ne pourront se desister et quitter ladicte compagnie sinon en paiant par celluy ou ceulx qui voudront se retirer aux autres compaignons d'icelle societté la somme de trente livres tournoiz et sera tenu ledict Dupin entre [huy] et la Sainct-Jean-Baptiste prochain venant mettre ung homme en sa place pour les haubades de cornet.
Et seront tenuz lesdictz associez se trouver le vendredi de chacune sepmaine au logis de l'un d'eulx chacun à son tour sur les trois ou quatre heures depuis Pasques jusques à la Sainct-Remy et depuis ladicte Sainct-Remy jusques à Pasques entre deux et trois heures à peine de seize solz que paiera chacun desdictz contrevenans pour chacune fois qu'il manquera.
Car ainsy a esté accordé entre lesdictes partyes en faisant et passant ces presentes qui autrement n'eussent esté faictes et passées. A ce faire estoit present Pierre Dupin, aussy maistre joueur d'instrumens à Paris, demeurant rue de Merderet, parroisse Sainct-Eustache, lequel s'est volontairement obligé avec ledict Moyse Dupin, son filz, ensemblement et solidairement aux clauses et conditions susdictes, et que sondict filz n'y contreviendra en aucune sorte et maniere que ce soit. Promettant etc obligeant chacun en droict soy corps et biens; renonceant etc.
Faict et passé à Paris, ès estudes de Huart l'un des notaires soubzsignez, l'an mil six cent vingt-deux, le dixiesme jour de mars après midi lesdictz Moyse Dupin et Le Sac ont declaré ne scavoir escripre ne signer et les autres ont signé :
Jacques de BOILLY Maurice de MANTE B. JOLLYCOEUR Vincent VERDIER Pierre DUPAIN BIGOT DUNEAU CHARLET (notaire) HUART (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 382XXIX (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de huit joueurs d'instruments pour quatre années.