Association de quatre joueurs d'instruments pour deux années.
http://data.archives-nationales.culture.gouv.fr/recordResource/041327-c1p6tzv7juyb--b4w6wgvg24eh an entity of type: RecordResource
Association de quatre joueurs d'instruments pour deux années.
xsd:date
1625-05-27
27 mai 1625
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent presens Jean Amand, François Rozier, Pierre Houteville et Esmé Amand, tous maistres joueurs d'instrumens à Paris, y demeurans, scavoir ledict Amand pere rue des Vertuz, parroisse Sainct-Nicolas-des-Champs, ledict Amand filz rue du Bourg-l'Abbé, susdicte parroisse, ledict Rozier rue Sainct-Denis, parroisse Sainct-Saulveur, et ledict Houteville rue des Lavandieres, parroisse Sainct-Germain-de-l'Auxerrois, lesquelz de leurs bons grez se sont mis et associez ensemblement du jour d'huy jusques à deux ans prochains après ensuivans finiz et accompliz pour jouer des instrumens ès lieux et compagnies où ilz seront appellez et tiendront pour leur jeu, scavoir ledict Amand l'aisné les basses jusques à ce que il soit venu quelqu'un en leur compagnie de leur vouloir et consentement de tous pour jouer desdictes basses, et alors ledict Amand pere prendra pour son jeu au lieu desdictes basses les tailles de cornet et viollon; ledict Rozier prendra pour son jeu les haultz-contes de cornet et de viollon; ledict Houteville le dessus de haultbois et dessus de violon, et ledict Amand filz le dessus de violon et dessus de cornet; sans que l'un ny l'aultre des partyes pui(sse) entreprendre sur le jeu l'un de l'aultre, sy ce n'est du reciproque consentement d'eux tous.
Et pour le regard du gain qui proviendra de leurdicte societé, se partira esgallement lorsqu'ilz jouront trois ou plus et lorsqu'ilz jouront l'un ou deulx seullement le gaing ou dict cas ne se rapportera poinct en ladicte societé soit en cestedicte ville, faulxbourgx ou ailleurs.
Aussy ne pourront aucun d'eulx prendre qui ce soit pour jouer avec eulx par preferance à ceulx de leurdicte societé lorsque l'on appellera d'eulx seullement pour jouer sy ce n'estoit en cas de necessité qu'ilz feussent empeschez à jouer ou par malladie, à peine de vingt livres tournoiz d'amande que le contrevenant sera tenu payer à ses compagnons incontinant et sans delay, à quoy il sera contrainct par emprisonnement de sa personne, sans qu'il puisse alleguer aucunes raisons ny deffences.
Seront lesdictes partyes tenues de se trouver ensemblement tous les vendredys de l'année par chacune sepmaine, tour à tour en la maison de chacun d'eux à trois heures precisament pour conserter leurs jeux et traicter des affaires de leurdicte societé, à peine de huict solz tournois que le contrevenant sera aussy tenu payer à sesdictz compagnons, à chacune fois qu'il aura manqué.
Et pourront aussy lesdictes partyes prendre, mectre et associer avec eulx telles personnes et jusques à tel nombre qu'il plaira à eulx tous pour avec eulx jouer desdictz instrumens, à la charge que ceulx qui viendront et se asso(c)iront, seront tenuz de s'obliger aux conditions et charges cy-dessus declarées.
Et ne pourront lesdictes parties comparantes se desister et deppartir de la presente societé sy ce n'est du mutuel consentement des ungs des aultres.
Car ainsy etc, pour l'exécution des présentes, circonstances et deppendances, lesdictes parties ont respectivement esleu et eslizent leurs domicilles perpetuelz et irrevocables en ceste ville de Paris ès maisons où ilz sont demeurans devant declarées, pour y faire tous exploictz et autre acte de justice requis et qu'ilz consentent valloir comme sy faictz à leurs propres personnes nonobstant etc. Promectant etc, obligeant chacun en droict soy, renoncant etc.
Faict et passé à Paris ès estudes, l'an mil six cens vingt-cinq le vingt-septiesme jour de may après midy et lesdictz Rozier et Amand filz ont declaré ne scavoir escripre ne signer et les autres ont signé :
AMAND HOUTEVILLE LEROUX (notaire) HUART (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 390XXXVI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de quatre joueurs d'instruments pour deux années.