_:Be706f200f5b497bf290bf2fcdea6b955 "Le Vasseur, Jean"@fr . _:Be706f200f5b497bf290bf2fcdea6b955 "Le Vasseur, Jean"@fr . _:Be706f200f5b497bf290bf2fcdea6b955 . "\n \n \n Extrait du contenu :\n \n 'Furent presens Denis Dangereux, demeurant à Paris, rue des Vieilles Etuves, parroisse Sainct-Eustache, Edmé Aman, demeurant rue et parroisse Sainct-Sauveur, Jehan Verdier, demeurant rue Montorgueil, parroisse dudict Sainct-Eustache, Jehan Roussel, demeurant au coing de la rue Chapon, parroisse Sainct-Nicolas-des-Champs, François Jobert, demeurant rue au Maire, Estienne Picart - demeurant à la Ville-l'Évesque, parroisse de la Magdelaine - et Anthoine de Bary, demeurant rue Sainct-Denis, tant pour eulx que faisans fort de Jacques Aubert, dict La Chappelle demeurant [rue] de la Savonnerye, parroisse Sainct-Jacques-de-la-Boucherye, tous maistres joueurs d'instrumentz de musique à Paris, de compagnie, d'une part, et Jehan Le Vasseur, aussy joueur d'instrumentz, demeurant à Paris, rue Tracenonin, parroisse Sainct-Nicolas-des-Champs, d'autre part.\n Lesquelles partyes ont recongnu avoir faict et convenu ce qui ensuit. C'est assavoir que lesdictz Dangereulx et consors ont accordé et receu en leur compagnie ledict Le Vasseur pour et pendant un an seullement à compter du jour d'huy, pour jouer sa partye basse de viollon et gros hault-boys, bons et musiquaux, sans deffaultz en tous les consertz de ladicte compagnie, au lieu designé, où il sera tenu de se trouver tous les vendredis de la sepmaine sans y manquer comme aussy à tous banquetz, festains et nopces où il sera mandé et requis par ladicte compagnie toutesfoys et quantes qu'il en sera adverty, sans pretendre aucune part ne droit sy ce n'est pour lesdictz festins et occasions où il sera mandé et payé pour pareille portion qu'un des compagnons de ladicte compagnie au deffault des deux basses ou aultres du nombre des huit de ladicte compagnie.\n S'il arrive des nopces ou aultres occasions de la congnoissance dudict Le Vasseur qui pourront s'adresser à luy, ne pourra dans l'entreprise qu'il fera pour jouer prendre aultres que les compagnons de la susdicte compagnie le tout ou partye, selon le marché qu'il en pourra faire au pied d'icelluy.\n Et où il se trouveroit cy-après fraulde de la part dudict Le Vasseur ou de l'un desdictz Dangereux et ses compagnons qui vouldroient entreprendre nopces et aultres rencontres soubz le nom dudict Le Vasseur en ce cas le contrevenant sera tenu de payer à chacque foys de peyne commise et arbitrée entre les partyes la somme de cinquante livres tournoiz, incontinant ledict cas advenu, au proffit des aultres qui n'auront contrevenu.\n Car ainsy a esté [accordé] entre lesdictes partyes, et que ledict Le Vasseur sera tenu de payer la mesme peyne au proffict des dessusdictz en cas qu'il se retirast dudict service et subjection auparavant ladicte année passée et expirée, nonobstant tout ce qu'il pourroit dire et alleguer pour son excuse.\n Promettant etc, obligeant chacun en droict soy etc, renonceant etc.\n Faict et passé à Paris en l'estude de Gaultier, l'un des notaires soubzsignez, l'an mil six cent trente-neuf, le vingt-huitiesme jour de septembre après midy et ont signé excepté lesdictz Aman et Aubert qui ont declaré ne scavoir escripre ne signer :\n DANGEREUX VERDIER E. PICART Anthoine BARI LE VASSEUR JOUBERT Jehan ROUSSEL POURCEL (notaire)GAULTIER (notaire).\n 'Et le quatriesme jour d'octobre mil six cens trente-neuf, est comparu par devant lesdictz nottaires soubzsignez Jacques Aubert, dit la Chapelle, maistre joueur d'instrumens à Paris, y demeurant, rue de la Savonnerie, parroisse Sainct-Jacques-de-la-Boucherie, lequel après lecture à luy faicte du traicté cy-dessus et de l'aultre part escript par l'un des notaires soubzsignez, l'aultre present, a icelluy ratiffié et eu pour agreable, veult qu'il sorte son effect et à l'entretenement de tout ce qui est porté a promis l'entretenir et accomplir, et oultre a retenu et retient Jehan Le Vasseur, aussy maistre joueur d'instrument à Paris pareillement nommé au susdict traicté, à ce present et acceptant, pour son compagnon pendant le temps et espace de vingt années (sic) à commencer de ce jourd'huy datte des presentes, pour jouer de basse de violon et de basse de haultbois suivant ledict traité.\n Promettant etc, obligeant etc, renonceant etc.\n Faict et passé ès estudes ledict jour et an et a ledict Aubert declaré ne scavoir escripre ne signer et ledict Le Vasseur a signé :\n POURCEL Jehan LE VASSEUR GAULTIER\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 407L (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "1639-09-28"^^ . "Entrée de Jean Le Vasseur dans une association de huit joueurs d'instruments pour un an."@fr . _:Bb909419411fd2209dda22c32cc786f3c . "28 septembre 1639"@fr . . . . "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.\n \n \n "^^ . . . . "Entrée de Jean Le Vasseur dans une association de huit joueurs d'instruments pour un an."@fr . . . . _:Bb909419411fd2209dda22c32cc786f3c _:Be706f200f5b497bf290bf2fcdea6b955 . _:Bb909419411fd2209dda22c32cc786f3c "Le Vasseur, Jean"@fr . _:Bb909419411fd2209dda22c32cc786f3c . _:Bb909419411fd2209dda22c32cc786f3c .