Formation de l'Assemblée des Honnêtes curieux.
http://data.archives-nationales.culture.gouv.fr/recordResource/041331-c1p6u0tzvnxf-zdyubd90a8px an entity of type: RecordResource
Formation de l'Assemblée des Honnêtes curieux.
xsd:date
1641-10-17
17 octobre 1641
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Par devant les notaires et gardes notes du roy nostre sire en son Chastellet de Paris, soubzsignez, sont personnellement comparuz Jehan Delin, maistre et compositeur de musique à Paris, demeurant au faulxbourg Sainct-Germain, rue de Grenelle, Allain Floch, musicien, estudiant en Sorbonne à Paris, y demeurant rue Sainct-Jacques, chez le sieur Ruette relieur de livres, parroisse Sainct-Benoist, François Fleuret, musicien, demeurant à Paris, rue Sainct-Victor, en la maison de l'Image Sainct-Jehan, Denis Le Febvre, musicien, demeurant à Paris, rue Sainct-Jacques, en la maison du Croissant, parroisse Sainct-Benoist, Claude Legendre, musicien, demeurant à Paris, place Maubert, près le sieur Saulnier, notaire, chez ung tapissier, Guillaume Courier, joueur de violle, demeurant à Paris, culture Saincte-Catherine, chez le sieur Bontemps, tapissier, Gabriel Le Febvre, musicien, demeurant à Paris, rue de la Tacherye, à la Feuille de persy, chez le sieur Fouquet.
Lesquelz ont recongneu et confessé et confessent avoir promis, se sont obligez et obligent à Messire Jacques de Champion, chevallier, seigneur de Chambonniere, gentilhomme ordinaire de la chambre du roy, demeurant à Paris, rue Greneta, en la maison du Chariot d'or, parroisse Sainct-Laurent, à ce present et acceptant, de se rendre et trouver ponctuellement à l'heure de midy deux fois la sepmaine, ès jours de mercredy et samedy pendant un an seullement, en la salle et lieu qu'il plaira audict sieur de Chambonniere en cette ville de Paris, pour, là, tous ensemble avecq aultres personnes qui s'y rencontreront faire concert de musique et soy tenir en ladicte salle et assemblée jusques à ce que ledict concert soit finy à chacune foys, sans pouvoir par lesdictz Delin, Floch et consors, ny l'un d'iceulx s'exempter dudict service et subjection ny quicter, ny distraire dudict concert que du consentement par escript dudict sieur de Chambonnieres ou qu'il n'ayt mis et receu au lieu de celuy qui vouldra sortir un autre homme en sa place, pour jouer et chanter sa partie, ou bien que pour ladicte sortie ledict sieur de Chambonniere en eust esté adverty trois moys auparavant.
Plus, lesdictz Delin, Floch et consors seront tenuz et s'obligent audict sieur de Chambonnieres, toutesfoys et quantes qu'il les advertira d'aller et se trouver où il trouvera bon pour donner la musique hors ladicte salle par la ville, en autres jours que ceulx cy-dessus designez. Et, pour ce, il leur payera à chacun d'eulx, à ceulx qui s'y trouveront - quarante-cinq solz tournoiz - à chacune foys, sans diminution des appointements cy-après mentionnez.
Cette presente promesse, convention et obligation ainsy faicte moyennant et à la charge que ledict sieur de Chambonnieres a promis et s'est obligé de donner et payer ausdictz Delin, Floch, Fleuret, Le Febvre, Legendre Courier et Gabriel Le Febvre, ce acceptans et à chacun d'eulx, la somme de cent cinquante livres tournoiz par an de gaiges et appointementz à quatre termes esgaulx de quartier en quartier, dont le premier commencera à courrir du premier jour que ledict concert se fera et donnera en public, sans pouvoir avoir ne pretendre autre chose synon lesdictz quarante-cinq solz au cas susdict.
Car ainsy, a esté accordé entre les partyes, promettans etc, obligeans chacun en droit soy tous leurs biens, mesmes lesdictz Delin, Floch et consors leurs corps, renonceans etc.
Faict et passé à Paris, en ladicte maison du Charriot, l'an mil six cens quarante-un le dix-septiesme jour d'octobre avant midy et ont les partyes signé, adverty du scel.
Jacques CHAMPION DELIN A. FLOCH F. FLEURET Denis LE FEBVRE LEGENDRE Guillaume COURRIER Gabriel LE FEBVRE GUENICHOT (notaire) GAULTIER (notaire).
Est comparue par devant les notaires Françoise Le Febvre, aagée de vingt ans, usante et joissante de ses droictz, demeurante à Paris, en la maison et avecq Genevieve Dumesnil, sa mere, veufve en premieres nopces de feu Thomas Vence, marchant de vins à Paris, et à present femme de François Marsault, bourgeois de Paris, scize cloistre et parroisse Sainct-Germain-l'Auxerrois, laquelle assistée par ladvis et du consentement de sadicte mere pour ces presentes et après lecture à elle faicte de poinct à autre par l'un desdictz notaires des conventions et promesse cy-dessus faictes et arrestées, s'est vollontairement ladicte fille obligée pendant un an et à envers ledict sieur Champion de se rendre audict concert aux temps et lieux moyennant le mesme prix et raison, charges, clauses et conditions contenues audict acord et conventions faictes pour raison dudict concert et de chanter et tenir sa partye au mieux qu'elle pourra, selon qu'il luy sera ordonné à la charge expresse que ladicte Françoise Le Febvre ne poura aller ne estre audict concert que sadicte mere ne soict avecq elle, à quoy ladicte (veufve) mere, en tant que faire le peult, s'oblige de satisfaire de sa part; promectant etc, obligeant etc, renonceant etc.
Faict et passé à Paris, ès estudes des notaires soubzsignez l'an mil six cent quarante-ung le vingt-sixiesme dudict moys d'octobre après midy et ont signé :
Françoise LE FEBVRE Geneviefve DUMENY GUENICHOT GAULTIER.
'Et le trentiesme desdicts mois et an, après midy est comparue par devant lesdictz notaires Michelle Blanchet,(...) Faict et passé à Paris en l'estude de Gaultier, l'un des notaires soubzsignez ledict jour et an, et a ladicte Blanchet declaré ne scavoir signer, adverty du scel.
HANOT GUENICHOT GAULTIER.
'Et le vingt-ungniesme novembre audict an mil six cent quarante-un avant midy, est comparu par devant lesdictz notaires soubzsignez Jacques Potenot, maistre de musique à Paris, y demeurant rue de Grenelle, parroisse Sainct-Sulpice (...)- Faict et passé à Paris, en l'estude de Gaultier, l'un des notaires les an et jour derniers dictz et ont signé - le scel declaré - :
J. POTENOT GUENICHOT GAULTIER
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 435XVII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Formation de l'Assemblée des Honnêtes curieux.