Devis et marché des réparations à effectuer à l'orgue de Saint-Jacques-de-l'Hôpital par Valeran de Héman.
http://data.archives-nationales.culture.gouv.fr/recordResource/041346-c1p6u40v5mln--1gsf6r6ib26h5 an entity of type: RecordResource
Devis et marché des réparations à effectuer à l'orgue de Saint-Jacques-de-l'Hôpital par Valeran de Héman.
xsd:date
1610-10-27
27 octobre 1610
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Memoire de ce qu'il fault faire pour l'orgue de l'eglise Sainct-Jacques-de-l'hospital.
Premierement,.
La monstre de huict piedz d'estain polly et bruny.
Item, ung bourdon de quatre piedz sonnant huict piedz à l'unisson de la monstre de plomb.
Item, ung prestan de quatre piedz d'estain à l'octave de la monstre.
Item, ung jeu de deux piedz d'estain.
Item, une fourniture de quatre thuyaux d'estain sur chaque marche.
Item, une cimballe d'estain de trois thuyaux sur chaque marche.
Item, ung bazard de deux thuyaux sur chaque marche de plomb.
Item, une fluste de deux piedz sonnant quatre de plomb.
Item, ung cornet de cinq thuyaux sur marche commenceant à C sol fa ut au lieu du clavier et continuant jusques au hault qui contiendra vingt-quatre marches.
Item, une trompette de huict piedz d'estain.
Item, ung cleron à l'octave de la trompette en hault d'estain.
Item, une regalle, nommée voix humainne, d'estain ou ung cromorne au choix des maistres de ladicte chapelle.
Item, ung clavier d'ebeyne et les fenctes d'ivoire avec quarente-huict marches commenceant en C sol fa ut au dessoubz de la game et continuant jusques à C sol fa ré au dessus de ladicte game.
Item, trois souffletz de cinq piedz et demy de long et trois piedz de large environ.
Item, ung sommier bon et suffisant pour porter les jeux cy-dessus.
Item, ung tremblant.
Item, ung rossignol.
Item, les ferrures pour tirer les mouvemens dudict jeu.
'Valleran de Heman, faiseur d'orgues, demourant à Rouen, estant de present en ceste dicte ville de Paris, logé au cloistre de Nostre-Dame, confesse avoir faict marché et convenance, promis et promect à honnorable homme Augustin Camuset, Anthoine Mignollet, bourgeois de Paris, ou nom et comme à present maistres et gouverneurs de l'eglise et hospital Sainct-Jacques, fondez à Paris grande-rue Sainct Denis, à ce presentz et acceptans, de faire et parfaire, bien et deuement, comme il appartient au dire d'ouvriers et gens à ce congnoissans le jeu d'orgue ainsy qu'il est cy-dessus - speciffié - et icelluy aplicquer faict et parfaict au feust d'orgue estant en ladicte eglise Sainct-Jacques-de-l'hospital, à Paris - au jour de Nostre-Dame de septembre - et fournir tout ce qui est cy-dessus speciffié et les estoffes qu'il conviendra pour ce faire et peyne d'ouvriers hors mis la menuiserie.
Cest marché et promesse faictz moiennant la somme de treize cens livres tournois que lesdictz maistres audict non prometent bailler et paier audict de Heman ou au porteur, scavoir trois cens livres tournois en faisant ladicte besongne et le reste quand il avoit satisfaict à sondict marché, et ce oultre le vil jeu qu'il a pris et emporté et qu'il a dict avoir vendu quarente-deux livres tournois pour en faire ainsy que bon luy semblera. Et pour l'execution des presentes ledict de Heman a esleu son domicille en la maison où il est demourant audict Rouen au bour de la rue Averiere, devant Sainct-André, auquel lieu il veult, consent et accorde que les exploictz, commandemens et actes de justice qui y seront faictz soient de pareil effect, force et vertu que sy faictz estoient à sa propre personne et vray domicille. Promectant etc, obligeant chacun en droict soy lesdictz maistres audict nom, renonceant etc.
Faict et passé à Paris en l'estudde desdictz notaires l'an mil six cens dix, le mercredi vingt-septiesme jour d'octobre après midi, en la presence de honnorable homme Nicollas Le Secq, bourgeois de Paris, antien maistre de ladicte chapelle, par l'advis de honnorable homme Jehan Le Secq, aussy bourgeois et organiste à Paris pour ce present et ont signé :
HEMEN J. LE SECQ HAGUENYER (notaire) N. LE SECQ A. CAMUSET A. MIGNOLLET HUART (notaire).
'Ledict Valleran de Heman confesse en la presence et du consentement de honnorables hommes Jehan Ollivier, Francois le Maistre et Laurens Giraudier, bourgeois de Paris, ou nom et comme à present maistres et gouverneurs de ladicte eglise et hospital Sainct-Jacques avoir eu et receu de honnorable homme Maistre Anthoine Jullien, receveur du revenu temporel de ladicte eglise et hospital, à ce present la somme de treize cens livres tournois, assavoir par cy-devant trois cens livres tournoiz dont il auroict faict quictance audict Jullien le quatriesme avril dernier - laquelle ledict Jullien luy a presentement rendue moiennant la presente - et ce jour d'huy mil livres tournoiz par ledict Jullien, paiées, comptées, nombrées et delivrées audict de heman en la presence des maistres susdictz en doubles pistolletz, jacobus, francs et monnoye, le tout bon etc, et laquelle somme de treize cens livres auroict esté promise audict de Heman pour les orgues de ladicte eglise, comme il est porté par le marché cy-dessus escript, de laquelle somme de treize cens livres ledict de Heman s'est tenu pour contant et en quicte lesdictz gouverneurs, le dict receveur et tous autres, le tout sans prejudice ausdictz gouverneurs de ce qui peult rester à faire ausdicte orgues, comme ledict de Heman en est tenu par ledict marché pour estre lesdictes orgues veues, visitées et receues par gens à ce congnoissans et rendues bien accordées par ledict de Heman lorsqu'il aura livré et mis en place le jeu de pedalles qu'il est tenu faireet fournir suivant autre et nouveau marché de ce faict et passé par devant les notaires soubzsignez le (en blanc) jour de (en blanc) dernier, et oultre a ledict Jullien baillé du consentement desdictz gouverneurs la somme de six livres - quatre solz tournoiz en testons - à Crespin du Bois et Charles Labroue, serviteurs dudict de Heman, presens, pour leur vin, dont etc, quictant etc. Promectant etc, obligeant etc, renonceant etc.
Faict et passé à Paris au bureau de ladicte eglise, l'an mil six cens treize, le vingt-deuxiesme jour de juing avant midi et ont signé excepté ledict Crespin du Bois qui a declaré ne scavoir escripre ne signer :
De HEMEN Charles de LA BROU J. OLIVIER A. JULLIEN LEMAISTRE Laurant GIRAUDIER HUART HAGUENYER
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 798VI (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Devis et marché des réparations à effectuer à l'orgue de Saint-Jacques-de-l'Hôpital par Valeran de Héman.