. . . . "1616-03-26"^^ . . . "Association de cinq joueurs d'instruments pour jouer à des festins et banquets pendant quinze ans."@fr . "\n \n \n Extrait du contenu :\n \n 'Furent presens Guillaume Brouart, Denis Dangereux, Thomas Garset, Achilles Garset et Robert Verdier, tous maistres joueurs d'instrumens à Paris, y demourans, ledict Brouart rue Sainct-Denis, parroisse Sainct-Leu-Sainct-Gilles, ledict Dangereux rue Sainct Honnoré, parroisse Sainct-Eustache, ledict Thomas Garset rue de Montmartre, susdicte parroisse Sainct-Eustache, ledict Achille Garset rue Cocquilliere en ladicte parroisse Sainct-Eustache et ledict Verdier rue Porte Bordelle, parroisse Sainct-Estienne-du-Mont. Lesquelz de leurs bons grez recogneurent et confesserent eulx estre associez et par ces presentes s'associent ensemblement en tous les gains qu'ilz feront du jour de Pasques prochain jusques à quinze ans ensuivans finiz et accompliz à jouer de leurs instrumens à tous festins, bancquetz et aultres lieux où ilz seront mandez et appellez, èsquelz lieux lesdictz comparans seront tenuz jouer scavoir ledict Brouart de la taille de violon et taille de cornet et basse, quand il sera besoing, ledict Dangereux de dessus de violon et taille de cornet et de dessus de cornet, s'il le peult faire, ledict Thomas Garset de toutes basses, tant de violon que de haultbois, ledict Achilles Garset de haulte contre de violon et de dessus de cornet. Et seront tenuz et promettent lesdictes parties respectivement rapporter fidelement les ungs avec les aultres - par chacun jour de vendredy durant le dict temps - tous les derniers qui seront par eulx receuz de personnes pour lesquelles ilz auront joué durant ledict temps - pour estre iceulx deniers partiz entre eulx esgallement - sans qu'ilz se puissent desister et despartir de la presente association pour quelque cause et occasion que ce soit sinon en baillant et payant par celluy qui s'en vouldroit despartir à chacun des aultres ses associez la somme de trente livres tournoiz.\n Et, sy lesdictz associez vont jouer en quelque lieu de la cognoissance de l'ung d'iceulx dont ilz ne puissent estre payez, les aultres ne luy en pourront demander aulcune chose mais pourront tous ensemblement faire poursuitte et diligence allencontre des debiteurs à leur commung fraiz et despens.\n Et, où il se trouveroit l'ung d'eulx n'avoir rapporté entierement et fidelement les deniers qu'il recepvra pour leur societé, il sera tenu bailler et payer aux aultres soixante solz tournoiz oultre ce qu'il aura receu pour estre party entre les aultres seulement et non avec celluy qui aura faict la fraude, lequel ne pourra avoir et pretendre aulcune chose.\n Et ne pourront lesdictz associez prendre et mettre avec eulx aulcune personne que jusques au nombre de huict, et ce du voulloir et du consentement des ungs des aultres.\n Et lesdictz associez seront tenuz de se trouver pendant lesdictes quinze années par chacun desdictz jours de vendredy en la maison de l'ung d'eulx à tour [de rosle], ascavoir, depuis Pasques jusques à la Sainct-Remy à l'heure de cinq heures après midy precize, et, depuis ledict jour Sainct-Remy jusques à Pasques à l'heure de trois heures precize après midy tant pour partir lesdictz deniers que pour censerter entre eulx de leursdictz instrumens à peyne de bailler et payer par chacun des deffaillans seize solz qui demeureront au profit des aultres, pourveu et au cas toustesfois qu'il n'y ait excuse legitime de la part des deffaillans.\n Et, où aulcun desdictz associez estoient malades au lict de maladie non venue par sa faulte ne laissera neantmoings de partir et avoir sa part desdictz deniers qui proviendront de ladicte societé pendant laquelle lesdictz associez ne pourront aller jouer avec aultres maistres de leur estat sans avoir au prealable demandé congé à ung aultre de ses dictz associez.\n Et sy trois ou quatre d'eulx vont aux champs chacun d'eulx prendra sur les marchez qu'il aura faictz quinze solz pour chacune nuict qu'il coucheroit auxdictz champs et seront tenuz rapporter le surplus en ladicte societé; et s'il n'y en alloit que deux, ilz auroient seulz leur gain sans que les aultres y puissent avoir et pretendre aulcune chose. Aussy appartiend à ceulx qui seront demeurez en ceste ville ce qu'ilz y auront gagné pendant l'absence des aultres, dont ne leur feront aulcun rapport.\n Et sy ung ou deux vont jouer en quelques fiançailles ou lendemain de nopces sera pris pour chacun d'eulx trente solz par jour sur les deniers dont aura esté faict marché pour lesdictes nopces, fiançailles ou lendemain, pour lesquelz recepvoir celluy qui aura faict le marché sera tenu de mener avec luy ung de sesdictz associez, tel qu'il vouldra, à peyne de trente solz pour chacune fois.\n Aussy seront tenuz lesditz associez et chacun d'eulx d'aller aux aubades à l'heure que le porteur les fera appeller à peyne de bailler et payer par le deffaillant soixante solz aux aultres ; et aussy seront tenuz d'aller aux nopces, et festins aux heures accoustumées qui sont pour les dinez à midy et pour les souppez à une heure precizement, à peine de bailler par le deffaillant aux aultres quinze solz le tout pour chacune fois, et, où il n'y avoit qu'un ou deux desdictz associez employé en quelques jours, durant ledict temps ilz ne seront tenuz rapporter aulcune chose de leur gain aux aultres, d'aultant qu'il n'y aura que le troisiesme qui sera employé avec deux des aultres qui fera rapporter tout le gain d'eulx tous en ladicte societé.\n Car ainsy, promectant etc, obligeant chacun en droict soy corps et biens, renonceant, etc.\n Faict et passé à Paris, ès estudes des notaires soubzsignez, l'an mil six cent seize le vingt-sixiesme jour de mars après midy et ont signé :\n DANGEREUX GARCET GARSET G. BROUART VERDIER HAGUENYER (notaire) HUART (notaire)\n \n Informations concernant le classement et la cotation du document :\n \n La cote donnée par l'instrument de recherche imprimé (MC/ET/X/29) a été mise à jour ; la cote est MC/ET/X/29/A.\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 367, notice n° XVII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "Association de cinq joueurs d'instruments pour jouer à des festins et banquets pendant quinze ans."@fr . . "26 mars 1616"@fr . . "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.\n \n \n "^^ . .