Association de onze joueurs d'instruments pour jouer ensemble pendant treize années et entrée d'un douzième joueur dans l'association.
http://data.archives-nationales.culture.gouv.fr/recordResource/041346-c1p6u415fgn7--1emyb4rtnmcco an entity of type: RecordResource
Association de onze joueurs d'instruments pour jouer ensemble pendant treize années et entrée d'un douzième joueur dans l'association.
xsd:date
1618-11-07
7 novembre 1618
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Extrait du contenu :
'Furent presens Guillaume Brouart, Denis Dangereux, Thomas Garset, Achilles Garset, Robert Verdier, Louis Vernyer, Michel Masuel, Nisolas Rousselet, Noel Mony, Claude Langlois, et Claude Godard, tous maistres joueurs d'instrumens à Paris, y demeurans, ledict Brouart rue au Maire, parroisse Sainct-Nicolas, ledict Dangereux, rue Sainct-Honoré, parroisse Sainct-Eustache, ledict Thomas Garset, rue de la Plastriere, susdicte parroisse Sainct-Eustache, ledict Achilles Garset, rue Cocquilliere en ladicte parroisse, ledict Verdier rue Porte Bordelle, parroisse Sainct-Estienne, ledict Vernier rue du Temple, susdicte parroisse Sainct-Nicolas, ledict Langlois sur le pont Nostre-Dame, parroisse Saincte-Croix-en-la-Cité, ledict Masuel rue de la Tannerie, parroisse Sainct-Gervais, ledict Rousselet rue Sainct-Martin, parroisse Sainct-Laurens, ledict Mony rue de Montmartre, susdicte parroisse Sainct-Eustache, et ledict Godard rue Sainct-Jacques, parroisse Sainct-Benoist-le-bien-Tourné, lesquelz recognurent et confesserent eulx estre associez et par ces presentes s'associent ensemblement en tous les gains qu'ilz feront du jour d'huy jusques à treize ans finiz à jouer de leurs instrumens en tous festins, bancquetz et autres lieux où ilz seront mandez et appellez esquelz lieux lesdictz comparans seront tenuz jouer, scavoir lesdictz Brouart de la basse de viollon et de la cinquiesme de cornet, lesdictz Dangereux et Langlois des taille de cornet et taille de viollon, lesdictz Thomas Garset et Rousselet des basses de haultbois et de viollon, ledict Achilles Garset des dessus de cornet et de la haulte conte de viollon, lesdictz Verdier et Masuel des dessus de cornet et dessus de viollon, ledict Vernier de cinquiesme de viollon et haulte conte de cornet, ledict Mony des haultes contes de cornet et de viollon et ledict Godard des cinquiesmes de viollon et du dessus de haultbois qu'il sera tenu d'apprendre de telle façon qu'il joue aux nopces dans le jour de Noel et s'il ne scait jouer dans ledict temps desdictes deux parties sera mis un homme à sa place par lesdictz associez jusqu'à ce qu'il scache jouer desdictes deux parties - lequel homme sera payé aux despens dudict Godard - et seront tenuz et promettent respectivement lesdictes parties rapporter fidelement les unes avec les autres par chacun jour de vendredy durant ledict temps tous les deniers qui seront par elles receuz des personnes pour lesquelles elles auront joué pour estre iceulx deniers partiz entre elles esgallement sans qu'elles se puissent desister et despartir de la presente association pour quelque cause et occasion que ce soit sinon en baillant et payant par celluy qui se vouldroit despartir à chacun des autres associez la somme de trente livres tournoiz et sy lesdictz associez vont jouer en quelque lieu de la cognoissance de l'un d'eulx dont ilz ne puissent estre payéz les autres ne luy en pourront demander aucune chose, mais pourront tous ensemblement faire poursuitte et diligence allencontre des debiteurs à leurs communs fraiz et despens et où il se trouveroit l'un d'eulx n'avoir rapporté entierement et fidelement les deniers qu'il recepvra pour leur societé il sera tenu bailler et payer aux autres - trente livres tournoiz - oultre ce qu'il aura receu pour estre party entre les aultres seulement et non avec celluy qui aura faict la fraulde, lequel n'y pourra avoir et pretendre aucune chose.
Et lesquelz associez seront tenuz de se trouver pendant lesdictes treze années par chacun desdictz jours de vendredy en la maison de l'un d'eulx à tour ascavoir depuis Pasques jusques à la Saint-Remy à l'heure de cinq heures après midy precise et depuis le jour Sainct-Remy jusques à Pasques à l'heure de trois heures precises après midy, tant pour partir lesdictz deniers que pour conserter entre eulx de leurs dictz instrumens, à peyne de bailler et payer par chacun des deffaillans seize solz tournoiz qui demeureront au profit des aultres, pourveu et au cas toutefois qu'il n'y ait excuse legitime de la part des deffaillans.
Et où aulcuns desdictz associez estoient mallades, au lict, de maladie non venue par sa faulte, ne laissera neantmoins departir et avoir sa part desdictz deniers qui proviendront de ladicte societé pendant laquelle lesdictz associez ne pourront aller jouer avec aultres maistres de leur estat sans en avoir au prealable demandé congé à un aultre desdictz associez à peyne de bailler et payer par le deffaillant soixante solz tournoiz qui seront mis avec les aultres deniers qui proviendront de leur gain en commung pour estre party entre eulx esgallement, et sy trois ou quatre d'eulx vont aux champs chacun d'eulx prendra sur les marchez qu'il aura faict quinze solz tournoiz pour chacune nuict qu'il couchera ausdictz champs et seront tenuz rapporter le surplus en ladicte societé, et s'il n'y en alloit que deux ilz auroient seulz leur gain sans que les aultres y puissent avoir et pretendre aucune chose; aussy apartiendra à ceulx qui seront demeurez en ceste ville ce qu'ilz y auront gaigné pendant l'absence des aultres, dont ilz ne leur feront aucun rapport.
Et sy quelqu'un desdictz associez est mandé pour aller jouer aux champs, il pourra prendre telz desdictz associez que bon luy semblera, (...) et aussy seront tenuz d'aller aux nopces et festins aux heures accoustumées qui sont pour les disnez à midy precisement et pour les souppez à une heure precisement à peyne de bailler par le deffaillant aux aultres quinze solz tournoiz, le tout pour chacune fois( ...).
Et moyennant la presente association, un aultre contract d'association faict et passé par devant les notaires soubzsignez le vingt-sixiesme mars mil six cent seize entre lesdictz Brouart, Dangereux, Thomas et Achilles Garset et Verdier demeure nul.
Car ainsy etc, (...).
Faict ( mil six-cent dix-huict, le septiesme novembre après midy et ont signé :
GARSET Noel MONY Nicolas ROUSSELET R. VERDIER HAGUENYER (notaire) BROUART GARCET LANGLOIS MAZUET DANGEREUX Loys VERNIER Claude GODAR HUART (notaire).
'(...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 374XXII (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de onze joueurs d'instruments pour jouer ensemble pendant treize années et entrée d'un douzième joueur dans l'association.