Association pour dix-huit années entre treize violons de la chambre du roi afin de donner des concerts au Louvre ou dans la salle du Petit-Bourbon.
http://data.archives-nationales.culture.gouv.fr/recordResource/041347-c1p6u474108r--1vq3qlo98s2ht an entity of type: RecordResource
Association pour dix-huit années entre treize violons de la chambre du roi afin de donner des concerts au Louvre ou dans la salle du Petit-Bourbon.
xsd:date
1642-12-26
26 décembre 1642
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.
rdf:XMLLiteral
Informations complémentaires :
' Par devant les notaires garde-notes du roy nostre sire au Chastelet de Paris, soubzsignez, furent presens en leurs personnes Pierre Dugap, Baltazard Duburet, Claude Duperon, Nicolas Francisque, Claude Charlot, Louis Beauchamp, Jehan Coustancien, Jacques Favier, Pierre Dupin, Vincent Brulart, Guillaume Dumanoir, Henry Ballu et Vincent Bonnart, tous joueurs de violon ordinaires de la chambre du roy, demeurant à Paris, savoir ledict sieur Dugap rue des Trois Mores, parroisse Sainct-Jacques-de-la-Boucherye, ledict Duburet rue Quinquempoix, parroisse susdicte - ledict Duperon rue de la Huchette, parroisse Sainct-Severin - ledict Francisque rue de la Lanterne, parroisse Sainct-Mederic, ledit Charlot rue Sainct-Vincent, parroisse Sainct-Roch, ledict Bauchamp rue et parroisse Sainct-Germain-de-l'Auxerrois, ledict Coustancien rue des Sainctz-Diamens (sic), parroisse dudict Sainct-Jacques, ledict Faviere rue Betizy, parroisse dudict Sainct-Germain, ledict Dupin rue Grande-Truanderye, parroisse Sainct-Eustache, ledict Brulart rue du Plastre, parroisse dudict Sainct-Mederic, ledict Dumanoir rue de la Huchette, parroisse Sainct-Severin, ledict Ballu rue Parcheminerye, parroisse Sainct-Severin, et ledict Bonnart rue Sainct-Denis, parroisse Sainct-Leu et Sainct-Gilles.
Lesquelz, volontairement ont recognu et confessé eulx estre associez et associent l'un avec l'autre et avoir promis et promettent, se sont obligez et obligent l'un envers l'autre de se trouver tous les samedis de chacune sepmaine depuis quatre heures jusques à cinq sonnées, à compter du jour de Pasques jusques au jour Sainct-Remy ensuivant, et, depuis le jour Sainct-Remy jusques audict jour de Pasques aussi ensuivant, à l'heure de deux heures jusques à trois aussi sonnées, et ce dans le chasteau du Louvre, Petit-Bourbon ou autre lieu le plus commode qu'ilz trouveront pour faire le concert roial, et, pour ce faire, seront tenus les dessusdictz de faire porter tous leurs instrumens necessaires à ladicte heure et aux lieux et jour susdictz ou en tel autre lieu qui sera designé, et en cas qu'il y aye quelqu'un qui soit deffaillant de se trouver aux susdictes heures, il sera tenu et promect payer vingt solz tournoiz de peyne commise pourveu qu'il ne soit malade, lesquelz vingt solz tourneront au proffict des comparans et en cas que aucuns des dessusdictz soient mandez pour jouer deux ensemble, ilz ne seront tenus de raporter aucune chose de ce qui leur sera donné pour leur peyne à la compagnie, et, où ils seront mandez trois ou plus en ung autre lieu à mesme jour, ilz raporteront concurament avec tous ceulx qui auront joué ledict jour audict nombre de deux ce qui leur sera dellivré à ladicte compagnie pour estre partager esgallement entre eulx tous à l'exception de ceulx qui auront joué qui prendront le tiers pour leur peyne et partageront esgallement avec les autres à ce qui restera et à condition que chacun jouera sa partye - bien et deuement, et, à faulte de ce et qu'il soit jugé qu'il y en ayt quelqu'un qui ne soit capable de ce faire, il sera interdit de partager au gaing jusques à ce qu'il ayt faict paroistre sa capacité aux autres affin que chacun s'efforce à bien servir Sa Majesté -. Et, arrivant que aucuns d'eulx manquast à rapporter fidellement ce qui leur aura esté ainsi donné à la masse, il sera tenu et promect payer pour la premiere fois trente livres tournoiz qui tournera au proffict des autres et pour justifier de ce qu'il aura touché de mener avec luy ung ou deulx de ses compagnons parler à celuy qui les aura emploiez et ne pourront aucuns des dessusdictz aller jouer avec leurs autres compagnons qui ne sont cy-dessus compris en la ville ny aux champs à peyne de rapporter par celuy qui auroit prevaricqué ce qu'il aura gaigné avec aultant pour la peyne qu'il sera tenu payer aus dessusdictz qui partageront le tout entre eulx concurament. Et, advenant que l'un des dessusdictz allast à la campagne pour se promener et qu'il y feist giste, il ne pourra partir au gaing qui sera faict par les autres le jour qu'il sera party ni celuy qu'il reviendra. Comme aussi, advenant que l'un d'eulx tombast malade, ce que Dieu ne vueille, sa part luy sera raportée fidellement tout ainsi que s'il estoit en santé et avoit joué, et s'il convenoit en prendre un pour jouer à sa place sera payé à frais commungs et sans que les dessus nommez puissent prendre autre que leurs compagnons pour aller jouer avec eulx à peyne de payer par le contrevenant la somme de trente livres tournoiz aux autres. Celuy des dessusdictz qui sera mandé par aucuns d'eulx d'aller jouer, en cas qu'il soit refuzant, paiera trois livres comme dessus et ne partira poinct au gaing dudict jour à l'exception dudict Ballu qui n'aura aucun droict à ce qui proviendra des nopces faictes en salles publiques et tous les autres qui n'i voudront jouer.
La presente convention et societé ainsy faicte entre les dessusdictz pour le temps et espaces de dix-huict années prochaines finies et accomplies à commencer du jour d'huy, et de laquelle societté nul ne se pourra desister et despartir - sinon en vendant sa charge - à peyne pareillement de payer aux acquiessans à icelle la somme de cent cinquante livres de peyne commise et arbitrée. Car ainsy etc, promectant etc, obligeant chacun en droict soy, renonceant etc.
Faict et passé ès estudes des notaires soubzsignez, le vingt-sixiesme jour de decembre mil six cens quarante-deux après midi et ont signé, notiffié le sel :
DUBURET CHARLOT FAVIER DUPAIN Henry BALLU BEAUCHAMPS FRANCISQUE DUPRON BRUSLARD DUGAP DUMANOIR V. BONART [paraphe du notaire]
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 123, notice n° III (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association pour dix-huit années entre treize violons de la chambre du roi afin de donner des concerts au Louvre ou dans la salle du Petit-Bourbon.