Association de quatre joueurs d'instruments pour deux années.

http://data.archives-nationales.culture.gouv.fr/recordResource/041349-c1p6u4jia22b--1jjpg6rrxqz21 an entity of type: RecordResource

Association de quatre joueurs d'instruments pour deux années. 
xsd:date 1644-10-07 
7 octobre 1644 
rdf:XMLLiteral Autre(s) instrument(s) de recherche Documents du Minutier central concernant l'histoire de la musique (1600-1650), par Madeleine Jurgens, tome I, Paris, Archives nationales, 1967, XVI-1054 p.  
rdf:XMLLiteral Extrait du contenu : ' Furent presens Jean Rozier, dict Lespine, demeurant rue Neufve de Sainct-Honnoré, parroisse de Sainct-Roch, vis à vis le logis de Monsieur Martineau, Jean Levasseur demeurant rue des Prescheurs, parroisse Sainct-Eustache, Jean David, demeurant rue des Fossez et parroisse de Sainct-Germain d'Auxerrois, et Pierre Cuillereau, demeurant rue des Rempartz Sainct-Victor, parroisse Sainct-Estienne-du-Mont, tous maistres joueurs d'instrumens de musique à Paris, lesquelz se sont ensemblement associez et associent par les presentes au faict et exercice de leur vacation pendant deux années de ce jour d'huy, pour jouer en tous lieux où chacun d'eulx sera appellé et en donner advis aux aultres en tous temps qu'ilz ou l'un d'eulx en seront requis. A quoy faire ont accordé que ledict Lespine tiendra la partie de dessus au violon, ledict Levasseur la basse, ledict David la taille et ledict Cuillereau la haulte contre. Et se sont promis fidellement rapporter tous les esmolumens qu'ilz auront acquis pendant ledict temps lorsque tous quatre ou trois d'entre eulx auront joué, pour estre le tout esgallement party entre tous quatre le premier vendredy suivant la recepte qui en sera faicte quoyqu'il puisse arriver qu'il n'y en ayt eu que troys qui ayent esté employez. Cette convention et association faicte à condition qu'en cas qu'aucun d'entre les dessusdictz se retire de la compagnie, il sera tenu payer à chacun de ceulx qui resteront vingt livres tournoiz pour une foys payer, incontinant après qu'il se sera departy par effect de la presente association. Et pour se rendre plus recordz en leur exercice lesdictz associez seront tenuz de s'assembler tous les vendredys desdictes deux années ès maisons de chacun d'eulx et en chacune d'icelle trois moys durant pour faire concertz de leursdictz instrumens de violons, et ont accordé que les premiers trois moys seront employez en la maison dudict Le Vasseur, les secondz trois moys en la maison dudict David, les trois moys suivans en celle dudict Lespine et les aultres restans en celle dudict Cuillereau et ce, comme dict est, tous les vendredys entre une et deux heures de relevé, à peine de vingt solz tournoiz payables par le deffaillant aux aultres, soubz laquelle peyne ilz seront aussy tenuz de se trouver à touttes aubades, balz, baletz et aultres convocations, et des emolumensdes quelles convocations lesdictz deffaillans seront privez au proffict des aultres, hormi que le deffaillant feust malade dont il sera tenu advertir les aultres. Car ainsy etc, promectant etc, obligeant chacun en droict soy, renonceant etc. Faict et passé à Paris ès estudes etc, l'an mil six cent quarante-quatre le septiesme jour de octobre après midy et ont signé, fors ledict Lespine qui a declaré ne savoir escripre ny signer : Jean LEVASSEUR J. DAVID GAULTIER (notaire) Pierre CUILLEREAU MANCHON (notaire) Origine de l'information : Documents du Minutier central concernant l'histoire de la musique (1600-1650), par Madeleine Jurgens, tome I [études I à X, 1763 actes], Paris, Archives nationales, 1967, p. 415LV (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier). Date de révision :2011 Date de création de la notice :2009  
Association de quatre joueurs d'instruments pour deux années. 

data from the linked data cloud