Mise en apprentissage d'Antoine Jarset, serviteur de Lazare de Baïf.
http://data.archives-nationales.culture.gouv.fr/recordResource/041362-c1p6u93v5h1f-q0i7d5sson96 an entity of type: RecordResource
Mise en apprentissage d'Antoine Jarset, serviteur de Lazare de Baïf.
xsd:date
1546-04-12
12 avril 1546
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Venerable et discrette personne Maistre Pierre Couret, prebstre, curé de la Ferté-Bernard, diocese du Mans, demourant au college de Notre-Dame de Paris, dict des Dix-huict, fondé en l'université dud. lieu, confesse avoir mis et baillé en serviteur et apprentilz du jour d'huy jusques à quatre ans après ensuyvans finiz et acompliz Anthoine Jarset, serviteur de noble homme et saige Maistre Lazare de Bayf, conseiller et maistre des requestes ordinaire du roy nostre sire, avec honnorable homme Girard Chassebras, marchant appothicaire et espicier, bourgeoys de Paris, demourant à Paris, place Maubert, à ce present, le prenant et retenant en son serviteur et apprentilz, auquel, pendant led. temps, il promect monstrer et enseigner led. mestier d'apothicaire et espicier et tout ce dont il se mesle et entremect en icelluy, luy querir et livrer ses vivres de boire, menger, feu, lict, hostel et lumière et luy bailler l'entretien de tous ses habillemens et autres necessitez quelzconques bien et honnestement selon son estat.
Et pour lequel apprentissage led. bailleur promect et gage bailler et payer aud. Chassebras preneur ou au porteur la somme de vingt escuz d'or soleil en ceste maniere assavoir presentement dix escuz d'or soleil que led. preneur a euz et receuz dud. bailleur presens les notaires soubzscriptz en or et monnoye, le tout bon ayant de present cours, dont etc, quictant etc, et les autres dix escuz soleil d'huy à ung an prochain venant.
A ce present led. apprentilz, aagé de XVIII ans ou environ qui, moyennant les choses dessusd. a eu et a ce present bail pour bien agreable, promect servir sond. maistre aud. mestier et en toutes autres choses licites et honnestes, faire son proffict etc, sans soy desfuyr ne servir ailleurs pendant led. temps, et en cas de desfuycte led. bailleur le promect sercher et querir par la ville et banlieue de Paris et le ramener. Et si le plenist de loyaulté et preudhommye. Promectant etc, obligeant chacun en droict soy et l'un envers l'autre, led. apprentilz corps et biens, renonçant etc.
Faict et passé l'an mil Vc XLV, le lundi douzeiesme jour d'avril avant Pasques.
FARDEAU [notaire] CARTAULT [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 132, notice n° 39 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Mise en apprentissage d'Antoine Jarset, serviteur de Lazare de Baïf.