Association entre Jean Dorat et Nicole Lescot pour le gouvernement du collège de Coqueret.
http://data.archives-nationales.culture.gouv.fr/recordResource/041362-c1p6u94dj0mj-dxj27egtb9wf an entity of type: RecordResource
Association entre Jean Dorat et Nicole Lescot pour le gouvernement du collège de Coqueret.
xsd:date
1556-12-13
13 décembre 1556
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Bibliographie
Analysé par M. Connat, Documents inédits du Minutier central, dans Bibl. d'Humanisme et Renaissance, XII (1950), p. 98
rdf:XMLLiteral
Extrait du contenu :
Honorable homme Maistre Jehan Dorat, lecteur du roy en lectre grecque, gouverneur du colleige de Cocquerel fondé en l'université de Paris, soubz la charge de noble et scientifique personne Maistre Robert du Gaz, principal dudict colleige, confesse avoir associé et par ces presentes associe avec luy honneste personne Maistre Nicolle Lescot, licencier ès loix, de present demourant en la ville de Troyes, à ce present, et ce du premier jour du moys de février prochainement venant jusques à quatre ans huit mois après ensuivans, qui est le temps que ledict Maistre Jehan Dorat a à tenir dudict du Gaz ledict colleige, fruictz, prouffictz, revenuz et esmolumens d'icelluy, honneurs et preeminances charges, conditions, au pris mentionnés et declairez au bail faict par ledict du Gaz audict Maistre Jehan Dorat, que ledict Lescot dict scavoir et estre d'icelles deuement informez pour l'avoir veu, leu et entendu.
Ceste association faicte à la moictyé du proffict, charges et conditions mencionnées aud. bail que lesd. Dorat et Lescot seront tenuz et promectent chacun par moictyé faire fournir, paier et compter à moictyé perte et gaigne pendant ledict temps et tout ainsi que tenu et obligé y est led. Dorat envers ledict du Gaz aux reservations et conditions, honneurs et preeminances y declairées, que led. Lescot sera tenu faire et acomplir pour ladicte moictyé envers ledict du Gaz.
En oultre, a esté accordé entre lesdictes partyes que où ledict Dorat se vouloit departir de lad. communaulté auparavant led. temps finy ou pendant icelluy, en ce cas il ne sera tenu de paier aulcune chose aud. Lescot ne du Gaz du logis et lieulx qu'il sera demourant aud. colleige au jour de lad. associette et se ainsi est que led. Dorat face leçon en l'université de Paris oultre la leçon ordinaire qu'il est tenu de faire pour le roy comme lecteur il n'en pourra faire aulcunes que ce ne soit dedans la salle dud. colleige, lequel Dorat prendra le prouffict de ceulx qui viendront hors dud. coleige à sa leçon et ceulx demourans aud. colleige ne paieront aulcune chose, aussi les enffans et escolliers dudict Dorat qu'il aura en ses chambres ne paieront aulcune chose des leçons et cameristaige dud. coleige.
Item, a esté accordé entre lesdictes partyes que s'il advenoit, que Dieu ne vueille, que pendant led. temps de lad. associeté, l'un d'eulx allast de vye à trespas, en ce cas le survivant sera tenu tenir comme auparavant de l'associeté et prouffictz d'icelles provenans, de la femme et famille du deceddé jusques à six mois après sond. decedz, affin que durant ce temps, elle eust loisir donner ordre à ses affaires et rendre compte l'ung à l'aultre jusques à la fin desdictz six moys après sond. decedz. Et les dictes partyes pendant leurd. associeté et vivant rendront compte l'un à l'autre de troys moys en troys moys pendant ledict temps. Et où faulte y auroict led. Lescot de venir demeurer aud. coleige et estre en icelluy, faire et acomplir les choses dessus dictes dedans le jour Sainct-Mathias prochain, en ce cas il sera tenu, promect et gaige bailler et paier aud. Dorat ou au porteur de ces presentes la somme de cent escuz d'or soleil pour les dommaiges et interestz dudict Dorat et à quoy ilz ont estimé iceulx. Et oultre ont accordé lesdictes partyes que Maistre Blaize Coffinet, maistre ès arts, demeurant à Paris, à ce present, joïsse d'une chambre telle qui leur plaira bailler aud. colleige sans en paier aulcune chose pendant ledict temps de lad. associetté, sans que ledict Coffinet en puisse bailler ne transporter à aultres. Car ainsy etc, promectant etc, obligeant chacun en droict soy et l'un envers l'autre, renonçant etc.
Faict l'an mil cinq cens cinquante-six le dimanche treiziesme jour de decembre doubles.
PERIER [notaire] CARTAULT [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 257, notice n° 135 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association entre Jean Dorat et Nicole Lescot pour le gouvernement du collège de Coqueret.