Résiliation par Marguerite de Laval au nom de Jean Dorat, son mari, de bail d'une portion de maison rue Bordelle.
http://data.archives-nationales.culture.gouv.fr/recordResource/041363-c1p6u9knccob-10qelqs49krpp an entity of type: RecordResource
Résiliation par Marguerite de Laval au nom de Jean Dorat, son mari, de bail d'une portion de maison rue Bordelle.
xsd:date
1570-02-13
13 février 1570
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Marguerite de Laval, femme de Maistre Jehan Dorat, lecteur et poete du roy, demourant à present ès faulxbourgs de la porte Sainct-Victor de ceste ville de Paris, soy disant de luy auctorisée et avoir charge expresse de faire et passer le contenu cy-après, confesse avoir renoncé et par ces presentes renonce au prouffict de Jacques Maçon, marchant et bourgeois de Paris, à ce present et acceptant du temps et espace de trois ans qui resteront à parachever au jour de Pasques prochainement venant du bail qui, dès le sixiesme jour d'apvril mil Vc soixante neuf fut par led. Macon faict aud. Dorat du jour de Pasques lors prochain venant jusques à quatre ans après ensuyvans de huict chambres avec les estudes desd. chambres et aultres aisances et apartenances, le tout faisant portion de l'hostel du Fer à cheval sciz rue Bordelle où led. Macon est demourant, consentant que icelluy Maçon face et dispose desd. choses qui ainsi avoient esté baillées aud. tiltre de louage aud. Dorat, dès led. jour de Pasques prochainement venant ainsy que bon luy semblera et que icelluy Macon preigne et recoipve tous et chascuns les louages qui sont et seront deubz et escherront aud. jour de Pasques prochainement venant des locatifz demourans èsd. huict chambres et aultres appartenances de lad. maison hors mys le louage qui est et sera deu aud. jour de Pasques prochainement venant à cause de l'une des chambres par Jehan Rousset que occuppe et tiendra lad. chambre jusques aud. jour.
Et si a lad. de Laval delaissé et delaisse aud. Maçon une couche de bois de chesne telle qu'elle est en l'une desd. chambres et qui apartenoict aud. Dorat, pour en faire par icelluy Maçon aussi ce que bon luy semblera.
Et lequel Maçon, pour ce present et acceptant comme dict est, a confessé et confesse avoir eu et receu dud. Dorat par les mains de lad. de Laval, sad. femme, qui luy a payé trente livres tournois en douze pieces de XXXVI solz tournoiz chascuns testons et douzains, le tout bon etc, et qui est assavoyr vingtz livres tournoiz pour le terme qui sera deu par led. Dorat et escherra aud. jour de Pasques prochainement venant à cause du louage desd. chambres, estudes et aultres apartenances de lad. maison et dix livres tournoiz avec lesd. louages qui seront deubz par lesd. locatifz de present demourans èsd. chambres aud. jour de Pasques prochainement venant pour les dommaiges et interestz que led. Maçon pretendoit et eust peu pretendre contre led. Dorat pour ne voulloir tenir lesd. lieulx qui ainsy luy auroient esté baillez aud. et pour led. temps, ensemble pour les reparations et aultres choses qui pourroient estre necessaires à faire aud. jour de Pasques prochain èsd. chambres et estudes et dont led. Macon pourroit faire demande et action aud. Dorat, et sy demeure nul le proces qu'ilz avoient l'un contre l'autre pour raison de ce, sans despens, dommages ne interestz tant d'une part que d'autre.
Et oultre, a led. Macon quicté et deschargé, quicte et descharge Toussainctz Boulan, maistre chandelier de suif à Paris, de la promesse et obligation qu'il avoit faicte aud. Maçon pour led. Dorat de payer à icelluy Maçon le pris dud. bail qui estoit de IIIIxx livres tournois par an au deffault de paier led. pris par led. Dorat dont etc, quictant etc, promectant etc, obligeant chascun en droict soy et l'un envers l'aultre, renonçant etc.
Faict et passé double l'an mil Vc soixante-dix le lundi treizeiesme jour de febvrier.
FARDEAU [notaire] PÉRIER [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 292, notice n° 161 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Résiliation par Marguerite de Laval au nom de Jean Dorat, son mari, de bail d'une portion de maison rue Bordelle.
blank nodes
Laval, Marguerite de
Dorat, Jean