Transaction entre Pierre de Ronsard et Florentin Regnar au sujet des revenus du prieuré de Croix-Val.
http://data.archives-nationales.culture.gouv.fr/recordResource/041363-c1p6u9kojlrv--128t7aoc5syhj an entity of type: RecordResource
Transaction entre Pierre de Ronsard et Florentin Regnar au sujet des revenus du prieuré de Croix-Val.
xsd:date
1570-10-22
22 octobre 1570
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Furent presens en leurs personnes nobles hommes Maistre Florentin Regnar, conseiller du roy en sa court de parlement et president ès enquestes d'icelle, prieur du prieuré de Croyval, diocese du Mans, membre deppendant de l'abbaye de Tiron, ordre de sainct Benoist, diocese de Chartres, en son nom d'une part, et Maistre Pierre Ronsart, conseiller et aumosnyer ordinaire du roy, aussi en son nom, d'autre part, disans lesd. parties mesmement led. Maistre Florentin Regnar que dès le moys d'apvril dernier passé permutation auroit esté faicte et accordée entre lesd. de Ronsart et Regnar du prieuré du Chasteau-du-Loir que tenoit lors icelluy Regnar, dud. prieuré de Croyval, chanoinye et prebende de l'église Sainct-Martin de Tours, que tenoit lors led. de Ronsard, et pour ce que ledict Regnar n'estoit autrement informé de la valleur et revenu dudict prieuré de Croyval, led. de Ronsart luy auroit, par promesse signée de sa main, promis bailler et adresser ung fermier resseant solvable et bien cautionné pour prendre à tiltre de ferme d'icelluy Regnar ledict prieuré de Croyval, dont le bail se passeroit soubz scel roial, au pris et à la raison de six cens livres tournois par an rendables et paiables par tiers en ceste ville de Paris en la maison dud. Regnar, toutes charges desduictes et pour le temps de deux ans à commencer du jour d'icelle promesse ou pour tel temps qui restoit du bail dud. prieuré faict par led. Ronsard à Lois Lemaire, ou bien feroit led. Ronsard prendre par led. Lemere icelluy prieuré à ferme dud. Regnar pour led. temps et ausd. charges cy dessus declarées, et lequel fermier, soit led. Lemere ou aultre, en prenant lad. ferme dud. Regnar, seroit tenu luy avancer sur icelle la somme de deux cens livres tournois, qui se rabatroit et deduiroit sur icelle ferme par egalles portions sur lesd. deux années et les cinq cents livres qui resteroient par chascune d'icelles deux années se paieront à trois termes par chascune d'icelles, assavoir cent soixante six livres treize solz quatre deniers tournois le dernier jour de juillet lors prochain ensuivant, et pareille somme de cent soixante-six livres treize solz quatre deniers tournois le dernier jour de novembre après ensuivant, et autre pareille somme le dernier jour de mars aussi après ensuivant et ainsi continuer l'année subsequente. Laquelle promesse auroit esté faicte par led. Ronsard et signée en la presence de Amadis Jamyn, son serviteur; de satisfaire à laquelle led. Regnar auroit, le vingtiesme jour de septembre dernier passé, faict sommer et interpeller led. Ronsard pardevant notaires, protestant par led. Regnar, à faulte de ce faire par led. Ronsart, de pouvoir bailler sondict prieuré à ferme à telle personne et pour tel temps et à tel pris et charges qu'il pourroit et de repeter sur led. Ronsard, s'il le bailloit à moindre pris que de six cens livres tournois, ce qui se deffauldroit de lad. somme.
A laquelle sommation, denonciation et protestation led. Ronsard auroit, entre autres choses, respondu qu'il se rapportoit audict Regnard de bailler sondict prieuré de Croyval à ferme à qui bon luy sembleroit et neantmoings que dès un an auparavant que de le resigner par luy audict Regnard, il l'avoit resigné aud. Amadis Jamyn, dont il disoit ne luy estre souvenu lorsqu'il l'accorda avec led. Regnar de le luy bailler à cause de lad. permutation. Quoy voyant led. Regnar et aiant entendu lad. response, il auroit prié et donné pouvoir à Monsieur Maistre Jehan Froger, son cousin, conseiller du roy en sa court de parlement, de affermer led. prieuré de Croyval ou nom dud. Regnar à telle personne et pour tel temps et pris qu'il pourroit.
Et auroit faict donner assignation et adjournement aud. Ronsard, pardevant Messieurs des requestes du Pallais, ad ce qu'il eust à faire cedder par ledit Amadis led. prieuré de Croyval aud. Regnart, et que, à ceste fin, il luy feist passer procuration ou procurations telles que besoing seroit, de sorte que led. Regnart en peust estre pourveu actuellement, plainement et paisiblement joist; autrement feust ledict Ronsard tenu et condenné retroceder aud. Regnart led. prieuré du Chasteau-du-Loir quoy que soyt, le remettre en ses droictz et possessions qu'il avoit d'icelluy prieuré du Chasteau-du-Loyr lors de la permutation entre eulx accordée et des procurations passées à l'effet d'icelle permutation, ainsi que de lad. sommation appert par acte dudit vingtiesme septembre, signé Perier et Corneillau, et dud. adjournement par exploict de Guillaume Daurigny, sergent, en datte du seiziesme jour du present mois d'octobre.
Et par ledict Ronsart auroit esté dict que quant à lad. permutation et promesse par luy faicte telle que cy-dessus est contenue et recitée, il en estoit d'accord et aussi qu'elle avoit par luy esté faicte et signée en presence dud. Jamyn et selon son pouvoir, et quant à lad. resignation par luy faicte dud. prieuré de Croyval aud. Jamyn avant que le resigner aud. Regnart, il ne luy en souvenoit lorsqu'il le bailla à icelluy Regnart. Et offroit faire cedder par led. Jamyn tout le droict qu'il pouvoit et peult pretendre aud. prieuré de Croyval, soit pour raison du tiltre ou en quelque aultre sorte et maniere que ce soit et luy faire à ceste fin passer procurations pour faire telles declarations et en telz lieux que besoing sera et bon semblera aud. Regnar, mais n'auroit peu, pour aucuns affaires et empeschemens à luy survenus, trouver fermier pour prendre dud. Regnar led. prieuré de Croyval ne le faire prendre par led. Lemere. Et au surplus que pour l'affection qu'il avoit tousjours eue et avoit encores aud. prieuré de Croyval, tant pour la bienseance que pour le revenu qui est de plus de huict cens livres voire mil livres par an, il auroit stipullé dud. Regnar (...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 97, notice n° 18 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Transaction entre Pierre de Ronsard et Florentin Regnar au sujet des revenus du prieuré de Croix-Val.
blank nodes
Ronsard, Pierre de
Regnar, Florentin