Bail de l'Écu de France par Jean Dorat à François Ory.
http://data.archives-nationales.culture.gouv.fr/recordResource/041363-c1p6u9kuiesr-173w09hxrn4ji an entity of type: RecordResource
Bail de l'Écu de France par Jean Dorat à François Ory.
xsd:date
1579-06-06
6 juin 1579
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Noble homme Maistre Jehan Dorat, lecteur du roy ès lectres grecques et latines en l'université de Paris, confesse avoir baillé et par ces presentes baille à tiltre de loyer d'argent, du jour Sainct-Jehan Baptiste prochainement venant jusques à six ans après ensuyvans, finiz et accompliz, et promect garentir etc à François Orry, marchant mercier, demourant à Paris, à ce present preneur aud. tiltre pour luy led. temps durant, ung corps d'hostel estant sur le devant contenant deux ouvrouers, une sallette, deux chambres estans au dessus avec leurs bouges et le grenier estant sur lesd. chambres, commun entre lesd. parties avec une cave estant soubz le corps d'hostel de derrière, le tout faisant partie et portion et estans des apartenances de l'hostel de l'Escu de France assize à Paris, rue de la Harpe, aud. sieur bailleur apartenant, pour desd. choses baillées joir par led. preneur aud. tiltre, durant led. temps.
Ces bail et prinse faictz oud. tiltre et outre moyennant quatre vingtz escuz d'or soleil que de loyer pour et par chacune desd. années, pour lesd. choses baillées et sans y comprendre une petite cuysine estant en la court de lad. maison joignant lad. sallette led. preneur en a promis, sera tenu, promect et gage bailler et payer aud. bailleur ou au porteur etc, aux quatre termes etc, premier terme de payement escheant au jour Sainct-Remy prochainement venant et continuer et si sera led. premier terme, et garnir lad. maison de biens meubles exploitables pour seureté dud. loyer et de la nature d'icellui, l'entretenir de toutes menues reparations pendant led. temps et en la fin d'icelluy la rendre en bon et suffisant estat desd. menues reparations et outre à la charge de payer les deniers à quoy lad. maison baillée sera taxée pour les fortiffications de ceste ville de Paris et en acquicter led. bailleur et de faire repaver au devant de lad. maison quand il y conviendra repaver et de payer la cottisation à quoy icelle maison sera cottisée pour les boues, lanternes et gardes de portes, le tout sans diminution dud. loyer.
Et ne pourra led. preneur bailler ne transporter son droict du present bail sans le voulloir et consentement dud. bailleur qui, au surplus, tiendra led. preneur cloz et couvert, le tout aux us et coustumes de Paris et lequel bailleur confesse que led. preneur luy a advancé, en faveur du present bail cent escuz soleil sur et tantmoings des loyers qui escherront cy après, dont et de laquelle somme à luy payée, presens les notaires, en soixante escuz soleil, vingt escuz pistolletz et soixante deux francz d'argent, le tout bon, led. bailleur s'en est tenu et tient pour content et en a quicté et quicte led. preneur dès maintenant à tousjours, lesquelz cent escuz led. bailleur, promect desduire aud. preneur en ceste manière, assavoir quatre escuz dix solz tournoiz par chacun terme, premier terme de desduction escheant aud. jour Sainct Remy prochain, et continuer jusques à ce que toute lad. somme de cent escuz soleil soict desduicte.
Et a encores esté accordé entre lesd. partyes que si pendant led. temps, il convient bastir en lad. maison et lieux, led. preneur sera tenu souffrir et endurer ce faire pourveu que il ne soict incommodé que par l'espase d'un mois. Car ainsy etc, promectant etc, obligeant chacun en droict soy et l'un envers l'autre etc, renonçant etc.
Faict et passé l'an MVc LXXIX, le samedy sixiesme jour de juing.
Francoys ORY Jean DORAT.
FARDEAU [notaire] PERIER [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 296, notice n° 166 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Bail de l'Écu de France par Jean Dorat à François Ory.
blank nodes
Dorat, Jean
Ory, François