. "Obligation par Claude Tournet et Catherine Champin envers Amadis Jamyn."@fr . . . . "\n \n \n Extrait du contenu :\n \n Honnorables personnes Maistre Claude Tournet, bourgeois de Paris, et Catherine Champin, sa femme, de luy auctorisée, demeurant à Paris rue des Lavandières, parroisse Sainct-Estienne-au-Mont de Paris, confessent debvoir et gagent chascun pour le tout sans division ne discussion, à noble homme Maictre Amadis Jamyn, secretaire de la chambre du roy, absent ou au porteur etc, la somme de deux cens escuz d'or soleil pour la vente par led. Jamin faicte aud. Tournet du greffe des presentations de Crecy-en-Brie, place de clerc au greffe des eaulx et forests dud. Crecy, place de clercs des greffes des presentations de Crevecueur et Montbrieul et du greffe des presentations desd. prevostez qui apartenoient aud. Jamin au moyen des adjudications à luy faicte desd. greffes et places de clercs dès le vingt-septiesme jour d'avril dernier passé par les commissaires depputez par le roy pour l'execution de son eedict de la revuyon, vente et revente des greffes, clercs d'iceulx, sceaulx, tabbellionnages et gardes nottes de ce royaulme, pour en jouyr en engagement de domaine à faulte de rachapt perpetuel, suyvant led. eedict sur ce etc, dont etc, à payer et rendre lad. somme de deux cens escuz soleil dedans le jour et feste Sainct-Remy prochainement venant. Et, où faulte y auroyt de payement de lad. somme de deux cens escuz soleil, led. jour Sainct-Remy prochainement venant, de la part desd. debteurs, ont iceulx debteurs dès à present comme pour lors et dès lors comme pour maintenant vendu, constitué, assis et assigné et par ces presentes vendent, constituent, assient et assoient du tout dès maintenant à tousjours et promectent garentyr aud. Jamyn, absent comme dict est, les notaires soubzsignez stipullans et acceptans pour luy, ses hoirs etc, seize escuz deux tiers d'escu soleil de rente annuelle et perpetuelle à les avoir et prendre, gager, lever, recevoir et percepvoir et lesquelz ilz promectent pour eulx, leurs hoirs et ayans cause bailler et payer aud. Jamyn, ses hoirs ou au porteur etc, doresenavant par chacun an aux quatre termes en l'an à Paris accoustumez, dont le premier terme de payement escherra au jour de Noël prochain venant et continuer etc, tant en et sur lesd. greffes et places de clercs susd. comme generallement etc à fournir et faire valloir etc, nonobstant etc et sans que la generalle obligation deroge à l'especialle ne l'especialle à la generalle, pour oud. cas en joyr etc. Et ce moyennant lesd. deux cens escuz susd., dessaisissant oud. cas jusques à la valleur etc, voullant etc, procureur le porteur etc, donnant pouvoir etc, et combien que lesd. seize escuz deux tiers d'escuz soient declarez annuelz et perpetuelz, ce neantmoings, seront et demoureront racheptables à tousjours en rendant, baillant et payant par led. racheptant ou racheptans, à une foys et ung seul payement pareille somme de deux cens escuz soleil sans les arrerages lors deubz et escheuz pour portion de temps, frais et tous loyaulx coustemens; promectant etc, obligeant l'un pour l'autre et chascun pour le tout sans division ne discution, renonceant ausd. benefices de division, ordre de droict et de discution et encores lad. femme aux droictz et benefices de Velleyen et Authentique si qua mulies à celle declaré et donné à entendre par l'un des notaires soubzsignez, l'autre present, estre telz que femme ne se peult obliger, respondre ne intercedder pour aultruy sans renoncer à sesd. droitz et qu'elle en pourroit estre relevée sy au prealable elle n'avoyt renoncé ausd. droictz.\n Faict et passé ès estudes des notaires soubzsignez après midy, l'an mil Vc IIIIxx II, le jeudy vingt-sixiesme jour de juillet. A esté notiffié le contenu des presentes aux partyes.\n TOURNET Catherine CHAMPIN.\n CHARLES [notaire] PERIER [notaire]\n \n Origine de l'information :\n \n Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 374, notice n° 255 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "Obligation par Claude Tournet et Catherine Champin envers Amadis Jamyn."@fr . . . "1582-07-26"^^ . . . . "\n \n Autre(s) instrument(s) de recherche\n \n Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.\n \n \n "^^ . "26 juillet 1582"@fr .