Accord entre Pierre de Ronsard et Jacques Guilloré relatif à leurs droits sur les revenus du prieuré du Château-du-Loir.
http://data.archives-nationales.culture.gouv.fr/recordResource/041363-c1p6u9ky430b-11dglpmvg1ldl an entity of type: RecordResource
Accord entre Pierre de Ronsard et Jacques Guilloré relatif à leurs droits sur les revenus du prieuré du Château-du-Loir.
xsd:date
1585-06-05
5 juin 1585
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Par devant les notaires du roy nostre sire au Chastelet de Paris, furent presens en leurs personnes, noble homme Maistre Pierre de Ronsard, escuier, conseillier et aulmosnier du roy et pentyonnaire de Sa Majesté, prieur du prieuré convantuel de Saint-Guingallois du Chasteau-du-Loir, diocèse du Mans, membre deppendant de l'abbaye de Marmostier, estant de present en ceste ville de Paris, au collaige de Boncourt, d'une part, et Pierre Guilloré, sieur de la Perraye, archer des gardes du corps du roy, demourant à présent en ceste ville rue du Foing, en l'hostel du deffunct Maistre Jacques Guilloré, vivant procureur en la court de parlement, son frere, au nom et comme ayant les droictz et actions ceddez de Philipes de La Follye et demoiselle Anne Texier, sa femme, naguières fermiers dud. prieuré de Sainct-Guingallois du Chasteau-du-Loir, d'autre part.
Disans lesdictes parties que pour passifier et accorder entre eulx certains procès et differendz à présent meuz et pendantz pardevant Messieurs des requestes du Palais à Paris, sur ce que ledict Guilloré aud. nom de cessionnaire dud. de La Follye faysoict demande aud. sieur de Ronsard de plusieurs sommes de deniers, grains, vins et aultres choses mentionnez par leur demande inserée en certaine sentence de deffault par luy obtenue èsdictes requestes le huictiesme jour d'apvril dernier passé pour les causes contenues en icelle.
A quoy ledict sieur de Ronsard auroict insisté et soubztenu n'estre tenu desdictz droictz, et obtenu de sa part sentence desdictes requestes donnée sur un deffault contre led. Guilloré, en datte du seiziesme jour d'apvril aussy dernier passé. Sur quoy lesdictes partyes estoient en voye d'entrer en grande involution de procès, pour à quoy obvier, nourrir paix et amityé entre eulx, ont icelles parties de leurs bons grez, pures et franches volontez composé, transigé et accordé desd. procès et differendz meuz et à mouvoir, circonstances et deppendances d'iceulx en la forme et maniere qui s'ensuict.
C'est assavoir que ledict sieur de Ronsard a promis et promect pour demourer quicte de touttes lesdictes demandes et conclusions contre luy prinses par icelluy Guilloré, de luy bailler et paier dedans le jour et feste de Toussaintz prochainement venant, la somme de trente escuz d'or soleil, à icelle somme avoir et prendre par les mains Jacques Duchesne, à present fermier dud. prieuré, sur le terme de la ferme d'icelluy prieuré qui eschairra à paier audict jour de Toussaintz et lequel Lechesne s'obligera à ceste fin au payement d'icelle somme de trente escuz qui a esté presentement acceptée par led. Guilloré et moyennant laquelle il s'est dès à présent desisté et departy desd. demandes et conclusions ensemble de lad. poursuitte et tout ce qui pourroict despendre d'icelle, remettant par led. Guilloré le surplus du contenu de sad. cession audit de la Follye pour s'en pourvoir ainsi qu'il verra et jugera.
En ce faisant se sont lesdictes parties quictées et quictent de l'un l'autre de tous et chacuns les despens, dommaiges et interestz qu'elles se pouroient respectivement demander pour raison de ce que dict est, sauf et reservé toutesfois par led. sieur de Ronsard son recours de garrandye tant contre lesd. de la Follye et Le Texier, sa femme, que contre la veufve et heritiers feu Mathurin Jubans et tous autres qu'il appartiendra suyvant les protestations cy devant faictes par led. sieur de Ronsard oud. procès. Car ainsy a esté permis entre eulx, voulant etc, accordant etc, promectant etc, obligeant chacun en droict soy et l'un envers l'autre, renonçant etc.
Faict et passé en la chambre dud. sieur de Ronsard des apartenances du college de Boncourt fondé en l'université de Paris, après midi l'an mil cinq cens quatre-vingtz-cinq le mercredi cinquiesme jour de juing et ont signé la presente minute.
RONSARD GUILLORÉ.
CHARLES [notaire] PERIER [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 117, notice n° 29 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Accord entre Pierre de Ronsard et Jacques Guilloré relatif à leurs droits sur les revenus du prieuré du Château-du-Loir.