Prolongation d'apprentissage au profit de Pierre Gaigne, domestique de Pierre de Ronsard.
http://data.archives-nationales.culture.gouv.fr/recordResource/041363-c1p6u9kyiun7--1e3p0xu26108n an entity of type: RecordResource
Prolongation d'apprentissage au profit de Pierre Gaigne, domestique de Pierre de Ronsard.
xsd:date
1585-07-31
31 juillet 1585
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Noble et discrette personne Maistre Jehan Galland, principal du college de Boncourt, fondé en l'université de Paris, ou nom et comme soy disant avoir charge de noble et discrette personne Maistre Pierre de Ronsart, aulmosnier ordinaire du roy, de faire le contenu en ces presentes, confesse, pour le proffict faire de Pierre Gaigne, serviteur domestique dud. sieur de Ronsard, filz de Pierre Gaigne, tixerant en toilles, demourant au village de Coustures, pays de Vendosmois, que, de là ung an a, il bailla et mist en service et comme apprentilz led. Pierre Gaigne avec Baltazard Croyer, maistre sellier, lormier à Paris, demourant rue de la Herpe, à ce present, qui a confessé et confesse que dès led. temps d'ung an led. Pierre Gaigne est à son service et si encores l'a prins et retenu, prend et retient led. Pierre Gaigne comme son serviteur et apprentilz d'aujourd'huy jusques à trois ans prochains venans, finiz et accompliz, pendant lequel temps, il luy promect monstrer et enseigner sond. mestier de sellier-lormier, la marchandise et tout ce dont il se mesle et entremect à cause d'icelluy, luy querir, fournir et livrer ses vivres de boire, manger, feu, lict, logis et lumiere et le traicter humainement comme il apartient et lequel apprentil s'entretiendra pendant led. temps de tous ses habitz, linges, chaussures et autres ses necessitez quelconques ainsi qu'il advisera. Et ce moyennant la somme de dix escus d'or soleil, qui luy a lad. somme payée, presens les notaires soubzsignez, en trente francs d'argent le tout bon, dont etc, quictant etc, et le reste montant pareille somme de dix escuz led. Galland en son propre et privé nom promect et gaige bailler et payer aud. Croyer ou au porteur etc, d'huy en ung an prochains venant. A ce faire, present led. aprentilz, aagé de vingt ans ou environ, qui a eu le present bail pour agreable promect apprendre led. estat, servir sond. maistre en icelluy et en toutes ses autres affaires licittes et honnestes sans s'en deffuyr ne aillieurs servir pendant led. temps et en cas de fuitte led. apprentilz consent estre pris et apprehendé au corps partout où trouvé sera et estre ramené à sond. maistre pour parfaire le temps de sond. apprentissage et, si, l'a led. Galland pleny et plenist de toute loyaulté et preudhomme. Car ainsi, etc; promectant etc, obligeant chascun en droict soy et l'un envers l'autre, led. apprentilz corps et biens etc, renonçant etc.
Faict et passé ès estudes des notaires soubszignez avant midy, l'an mil Vc quatre-vingtz-cinq, le mercredy trente-ungiesme et dernier jour de juillet et ont tous signé :
GALLAND Baltazart CROYER Pierre GAINYE.
CHARLES [notaire] PERIER [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 119, notice n° 30 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Prolongation d'apprentissage au profit de Pierre Gaigne, domestique de Pierre de Ronsard.