Marché entre Pierre Pescheur, maître facteur d'orgues, et les religieux de Saint-Victor pour l'augmentation des orgues de leur couvent.
http://data.archives-nationales.culture.gouv.fr/recordResource/041364-c1p6uakyv623--wbpta4e64iry an entity of type: RecordResource
Marché entre Pierre Pescheur, maître facteur d'orgues, et les religieux de Saint-Victor pour l'augmentation des orgues de leur couvent.
xsd:date
1618-01-15
15 janvier 1618
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Fut present en sa personne Pierre Pecheux, maistre facteur d'orgues, demeurant à Paris, rue Judas, parroisse Sainct-Estienne-du-Mont, lequel a promis et promect à Messieurs les venerables religieux, prieur et couvent de l'abaye Sainct-Victor-lez-Paris, ce acceptant par frere Nicolas Bollart, secretaire de ladicte abaye à ce present, de faire et parfaire, entierement au dire des gens à ce congnoissans, le contenu en certain memoire signé et paraphé des notaires soubzsignez et partyes pour raison de ce que lesdictz sieurs de Sainct-Victor desirent augmenter leurs orgues estans en l'eglise d'icelle abaye pour le ravallement d'icelles orgues qui seront à quarante huict marches et grand clarines, et, pour ce faire, fournir tous les tuyaux qu'il conviendra pour ledict ravallement tant d'estain pour les fournitures et les cimbales que de plomb pour les aultres signés, c'est assavoir des aultres jeulx, fors toutesfoys les quatre gros tuyaulx de boys - de huict piedz de long - sonnans en ton de seize, tous lesdictz tuyaulx revenans en nombre de cent huict pour ledict ravallement. Plus (sera) tenu ledict Pecheux de faire les jeux de trompette et clairon de neuf et y mettre cornetz d'estain neuf au lieu des vieux de fer blanc qui sont de present.
Commencera ledict Pecheux dans quinze jours prochains et cy-après continuera sans discontinuer.
Le tout moyennant la somme de cinq cens livres qui est pareille somme à laquelle le marché verbal avoit esté cy-devant faict avec deffunct Noel Pecheux pere et ledict Pierre Pecheux, sur laquelle somme auroit esté cy-devant baillé et advancé audict deffunct la somme de cent quarante-quatre livres tournoiz, ce que ledict Pierre Pescheux recognoist, dont il tiendra compte cy-après sur ladicte somme principalle, et sur le surplus, montant trois cent cinquante-six livres tournoiz a esté payé audict Pescheux, la somme de cent livres, presens les notaires soubzsignez, en pieces de douze solz et monnoye, le tout bon etc, dont quictance etc, et le reste sera payé audict Pecheux au fur qu'il travaillera.
Et sur ce que ledict Pecheux a remonstré auxdictz sieurs, prieur et couvent ne pouvoir faire les cornetz d'estain de trompettes et clairon pour le prix susdict et qu'il demandoit soixante livres de recompense pour le moins a esté accordé que, ayant ledict Pecheux faict ledictz jeux en la forme susdicte, en cas qu'il affirme y avoir perdu, luy sera baillé et payé la somme de trente livres, oultre lesdictes cinq cens livres et mesme quelque pris et chose davantage, selon que lesdictz sieurs jugeront et qu'ilz auront esté bien serviz, pour le tout rendre faict et parfaict bien et deuement comme dict est dans le jour de Pasques prochain ou le jour après, sans prejudice par lesdictz sieurs de Sainct-Victor au marché et accord faict avec lesdictz Pecheux, pere et filz, sur lequel marché ne reste plus à payer que la somme de quarante livres et dont la besongne dudict marché n'est encores receu.
Car ainsy etc, promectant etc, obligeant chascun en droict soy - ledict Pecheux corps et biens - ; renonceant etc.
Faict et passé en ladicte abaye, après midy, l'an mil six cent dix-huict le quinziesme jour de janvyer et ont signé :
Pierre PESCHEUR BOLLART COTHEREAU (notaire) PERIER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 788 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché entre Pierre Pescheur, maître facteur d'orgues, et les religieux de Saint-Victor pour l'augmentation des orgues de leur couvent.
blank nodes
Pescheur, Pierre