Marché pour la confection d'un fût d'orgues pour l'église Saint-Médard par Germain Pillon.
http://data.archives-nationales.culture.gouv.fr/recordResource/041366-c1p6uc93vr63-1sq0fwxg3bwlo an entity of type: RecordResource
Marché pour la confection d'un fût d'orgues pour l'église Saint-Médard par Germain Pillon.
xsd:date
1644-11-11
11 novembre 1644
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes honorables hommes Jacques Lefebvre, marchant de vins, Jean Guyenet, marchant megissier, Vincent Graffart, aussy marchant megissier, et Benigne Charles, maistre couvreur de maisons à Paris, tous demeurans ès fauxbourgs Saint-Marcel et à present marguilliers de l'oeuvre et fabricque Saint-Medard èsdictz faulxbourgs, d'une part, et honorable homme Germain Pillon, maistre menuisier à Paris, demeurant rue de Bievre, parroisse Saint Estienne-du-Mont, d'autre part, lesquelles partyes, en la presence et du consentement de venerable et discrete personne Messire Henry de Cuigy, prieur et curé de ladicte eglize et suivant la resolution faicte en l'assemblée des anciens marguilliers d'icelle, le deuxiesme jour de ce present mois, escrite sur le livre des deliberations et resolutions l'extraict duquel demeurera annexé avecq la minute des presentes, après qu'il a esté paraphé par lesdictz sieurs marguilliers à present en charge, dudict Pillon et des notaires soubzsignez, ont faict et accordé ce qui ensuict. C'est assavoir que ledict Pillon a promis, sera tenu, promet et s'oblige par ces presentes de faire et parfaire bien et deuement, comme il appartient et au dire d'ouvriers et gens à ce cognoissans, ung grand futs d'orgues de bois de chesne sain, sec, net, loyal et marchant, suivant les longueurs, largeurs et haulteurs et diapasonz qu'il a cy-devant fourny pour y mettre et poser un orgue de huict piedz en monstre qui sera fermé, les costez de lambris à compartimens et au derriere du corps d'embas sera mis six grandz panneaux avecq quatre traverses, deux grandz voletz pour fermer le devant dudict orgue, avecq les corniches, enrichissemens et figures, le tout suivant et conformement au dessein qu'il a presentement baillé ausdictz sieurs marguilliers qui a esté paraphé par eulx, ledict Pillon et desdictz notaires soubzsignez, à la reserve toutesfois du positif, gallerye, platfondz, coulonnes et devanture du jubé ou gallerye, lesquelles ledict Pillon ne sera tenu fournir.
Lesquelz sieurs marguilliers fourniront le bois de charpenterye necessaire pour poser en place ledict fust d'orgues et payeront ce qu'il conviendra pour la façon - dudict bois de charpenterye -.
Et ledict Pillon sera tenu rendre le tout faict et parfaict et posé en place dans le premier jour de mars prochain, à peine de tous despens, dommages et interests, auquel lesdictz sieurs marguilliers rendront ledict dessein lorsque - ledict fust d'orgues - aura esté, comme dict est, placé et receu.
Ce marché faict auxdictes charges cy-dessus et oultre moyennant le prix et somme de douze cens livres tournoiz sur laquelle somme a esté presentement par lesdictz sieurs marguilliers payé, compté, nombré et dellivré en presence des notaires soubzsignez la somme de trois cens livres tournoiz et, pour le surplus montant à la somme de neuf cens livres tournoiz, lesdictz sieurs marguilliers seront tenus, promettent et s'obligent la bailler et payer audict Pillon lorsqu'icelluy Pillon aura faict, parfaict et posé en place ledict fust d'orgues et qu'il aura esté, comme dict est, receu, et oultre - ladicte somme de douze cens livres tournoiz -, pourra ledict Pillon prendre et emporter l'ancien fust d'orgues qui est à present en ladicte eglise, pour en faire et disposer par luy ainsy que bon luy semblera, à la reserve des quatre barres de fer qui tiennent ledict fust d'orgues.
Car ainsy, etc., promectans etc, obligeans lesdictz sieurs marguilliers èsdictz noms et ledict Pillon corps et biens, renonceans etc.
Faict et passé en ladicte chambre d'assemblée de ladicte fabricque Sainct-Medard le unziesme jour de novembre, avant midy mil six cent quarante-quatre, ledict Benigne Charles a declaré ne scavoir escrire ne signer et les aultres dessus dictz ont signé :
LEFEBVRE GUYENET GRAFFART CUIGY PILON CARTIER (notaire) HERVY (notaire).
Pièce jointe :
'Extraict du livre des deliberations et resolutions des anciens marguilliers de l'oeuvre et fabricque Sainct-Medard.
'Du deuxiesme jour de novembre mil six cent quarante-quatre.
'Sur ce qui a esté proposé par Messieurs les marguilliers de ceste fabricque qu'il est à propos et seroit neccessaire de faire faire des orgues, attendu que ceulx qui y sont ne peuvent plus servir, et, ayant monstré un dessein qui leur a esté baillé par un nommé Pillon, menuisier, et suivant aussy ledict marché qu'ilz ont cy-devant faict avecq Christophle du Boys, facteur d'orgues, la compagnye a esté d'advis que lesdictz sieurs marguilliers puissent faire continuer le travail encommencé par ledict du Boys, facteur d'orgues, et que ledict buffet soit faict suivant ledict dessein à eulx presenté, le tout en telle somme qu'il se puisse monter et à ceste fin faire tel marché qu'ilz adviseront bon estre.
Ainsy signé : Jehan Laudigeois, Millochin, Hugues Langloys. Darton, Françoys Aymé, Froment, Courde, Aubin Hugueville, Turpin, Louis Lambert, Meriel et Joseph Prevost.
Ce fut ainsy faict, pris et collationné sur ledict livres, ce faict, icelluy rendu à honorables hommes Jacques Lefebvre, Jehan Guyenet, Vincent Graffart et Benigne Charles, marguilliers à present en charge en ladicte oeuvre et fabricque par les notaires garde-nottes du roy nostre sire au Chastelet de Paris soubzsignez le unziesme jour de novembre mil six cent quarante-quatre et ont signé à la reserve dudict Charles qui a declaré ne scavoir escrire ne signer de ce interpellé :
LEFEBVRE GUYENET GRAFFART CARTIER HERVY.
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 813 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la confection d'un fût d'orgues pour l'église Saint-Médard par Germain Pillon.