Marché d'orgues pour Saint-Médard par Christophe du Bois.
http://data.archives-nationales.culture.gouv.fr/recordResource/041366-c1p6uc95kio3--c28ey6llh9ap an entity of type: RecordResource
Marché d'orgues pour Saint-Médard par Christophe du Bois.
xsd:date
1644-11-25
25 novembre 1644
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Devis pour l'orgue qu'il convient faire et faconner pour l'eglize paroisialle Sainct-Medart ès faulxbourgs Sainct-Marcel, par Cristophe du Bois, facteur d'orgue.
Premierement, la montre de huict piedz suivant le fus et buffect duquel a esté faict marché avec Germain Pillon, maistre menuisier; ladicte monstre sera d'estain fin, poly et bruny.
Le bourdon : la premiere octave sera de bon bois et le reste à l'unisson de la monstre.
Le prestan de quatre piedz à l'octave de la monstre, les thuiaulx seront l'estoffe.
La doublette de deux piedz à l'octave du prestan, les thuiaulx seront d'estoffe.
La fourniture de cinq thuiaulx sur chacune marche; le premier thuiau de deux piedz à l'unission de la doublette; les thuaux d'estoffe.
La sainballe de quatre thuiautx sur chacune marche, les premiers thuiaulx seront à l'octave du premier thuiau, la fourniture sera d'estoffe.
Tous les susdictz jeux serviront pour le plain jeu.
Le nazart de pareille estoffe.
Le cornet de cinq thuiaux de pareille estoffe, commenceant en C 1 au milieu du clavier et finissant en C 1 tout en hault.
La tierse sera de grose taille qui fera la tierce contre; la doublette de pareille estoffe.
La trompette de huict piedz à l'unisson de la monstre; les corps d'estain, les piedz d'estoffe, les anches de cuivre, le registre coupé.
Le clairon de quatre piedz à l'octave de la trompette, le corps d'estain les piedz d'estoffe, les anches de cuivre, le registre coupé.
La voix humaine sonnant huict piedz, les corps d'estain, les piedz d'estoffe les hanches de cuivre, le registre coupé.
Plus une fluste bouché de deux piedz sonnant quatre piedz de gros taille faicte d'estoffe.
Ung cornet contenant vingt-cinq touches sur son clavier et somier à part de cinq thuiaux sur chacune marche faict d'estoffe commenceant en C 1 millieu du clavier, lequel sera mis desoubz le sommier.
Douze grands thuiaux de bois de grose taille ouvers de pedalle qui parlera à unison de la monstre avec le clavier par en bas et sommier à part.
Douze thuiaux en basse trompette à l'unisson desdictes pedalles de bois, les corps seront d'estain.
Pour faire jouer tous les susdictz jeux il convient raccommoder les deux souffletz qui sont ès mains dudict du Bois.
Plus faire les porte-ventz convenables et mettre un tremblant avant restrain et un autre avant perdu, lesquelz seront proche le sommier.
Un sommier neuf en deux partyes pour faire jouer l'orgue de bon bois bien secq.
L'abrégé convenable au sommier.
Les mouvemens tirant devant à la main de l'organiste.
Le grand clavier de quarante-huict thouches, les touches d'ivoire et les feintes d'esbeyne.
Le clavier du cornet à part de vingt-cinq touches, les touches d'ivoire et les feintes d'esbeyne.
'Fut present en èa personne ledict Christophle du Bois, facteur d'orgues demeurant ès faulxbourgs Sainct-Marcel, parroisse Sainct-Medart, lequel a promis, s'est obligé et promect par ces presentes à honnorable homme Jacques Lefebvre, marchant de vin, Jean Guinet, Vincent Graffart, marchands mesgisiers, et Benigne Charles, maistre couvreur de maisons à Paris, demeurant ès faulxbourgs Sainct-Marcel, tous marguilliers de l'oeuvre et fabricque Sainct-Medart, à ce presens et acceptans, de faire et parfaire, bien et deuement, comme il appartient au dire d'ouvriers et gens à ce congnoissans, l'orgue qu'il convient faire pour ladicte eglise Sainct-Medart suivant et conformement au devis cy-devant escript, et, à ceste fin, sera tenu, ledict du Bois de fournir tous les matereaux à ce necessaires pour la façon dudict orgue, à la reserve toutesfois de l'estain qu'il conviendra pour ce faire qui sera fourny par lesdictz sieurs marguilliers, et rendre le tout faict parfaict, posé en place, jouant le tout bien en accord dans le plus bref temps que faire ce pourra après que le buffect dudict orgue sera faict, parfaict et en place et au plus tard quatre mois après que ledict buffect sera en place.
Ce marché faict à la charge de par lesdictz sieurs marguilliers fournir ledict estain et oultre et moyennant la somme de douze cens livres tournoiz à laquelle ilz ont convenuz ensemble pour tout la fourniture des matereaulx et facon dudict orgue. Sur laquelle somme ledict sieur du Bois a confessé et confesse avoir eu et receu à plusieurs et diverses fois desdictz sieurs marguilliers par les mains dudict Guignet la somme de quatre cens livres tournoiz dont il se tient contant, et le surplus, montant à huict cens livres tournoiz, lesdictz sieurs marguilliers s'obligent et promect[ent] de le bailler et payer audict du Bois ou au porteur etc, scavoir quatre cens livres tournoiz à vingt livres tournoiz par chacunes sepmaines à commencer de ce jour d'huy jusques en fin de payement desdictes quatre cens livres tournoiz, et sur les quatre cens livres tournoiz de restant, lesdictz sieurs marguilliers seront tenuz de bailler audict du Bois ce qu'il sera necessaire pour acheter les matereaux qu'il conviendra pour ledict orgue jusqu'à la concurence desdictes quatre cens livres tournoiz; où il seroit moins que ladicte somme ausdictz matereaux ce qui restera d'icelle sera payé par lesdictz marguilliers audict du Bois après la reception dudict orgue jouant et en accord, bien et deuement comme dit est.
Promettant etc, obligeant chacun en droict soy ledict du Bois corps et biens, renonceant etc.
Faict et passé à Paris ès estudes des notaires soubzsignez, l'an mil six cent quarante-quatre, le vingt-cinquiesme jour de novembre avant midy, ledict Charles a declaré ne scavoir escripre ne signer et les autres ont signé :
GUYENET Christophe DU BOIS Vincent GRAFFART J. LEFEBVRE CARTIER (notaire) HERVY (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 815 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché d'orgues pour Saint-Médard par Christophe du Bois.