Marché pour la confection par Philippe Millot d'une machine destinée à Pierre Datelin dit Brioché.
http://data.archives-nationales.culture.gouv.fr/recordResource/041366-c1p6uc96f4ir--15kz7c6ht5ewt an entity of type: RecordResource
Marché pour la confection par Philippe Millot d'une machine destinée à Pierre Datelin dit Brioché.
xsd:date
1647-01-08
8 janvier 1647
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Fut present en sa personne Philipes Millot, maistre graveur de Dijon, demeurant à Paris rue et parroisse Sainct-Marcial, en la maison du sieur Belon, orlogeur de la royne, lequel a recogneu et confessé avoir vendu et vend par ces presentes et promet garantir de toutes revendications à Pierre Dastelin dict Brioché, maistre joueur d'instrumens et de figures artificielles pour les menus plaisirs du roy, demeurant sur le quay des Ormes, devant le pont Marie, parroisse Sainct-Paul, à ce present et acceptant, une machine representant divers changemens de bois, d'allées et d'elipces, de rivieres, de pons, de salles et aultres architectures, le mouvement des flux et reflux de la mer, laquelle machine ledict acceptant a dict avoir veue et auquel acceptant ledict Millot a promis aprendre le secret de la faire jouer sans en rien cacher, pour par luy en faire et disposer à sa vollonté.
Ceste vente faicte moyennant la somme de trois cens livres tournoiz laquelle ledict acceptant a promis payer ausdict vendeur ou au porteur scavoir moityé montant à cent cinquante livres tournoiz dans jeudy prochain dixiesme du present mois, dans lequel jour ledict Millot a promis bailler et mettre ès mains dudict acceptant ladicte machine avecq tous les ustancilles necessaires pour en jouer et l'autre moityé montant à pareille somme de cent cinquante livres dans le jour de mi-caresme prochain venant. Car ainsy etc, promettant etc, obligeant chacun en droit soy, renonceant etc.
Faict et passé, en l'estude des notaires soubzsignez, l'an mil six cent quarante-sept, le huictiesme jour de janvier, après midy, et a ledict Brioché declaré ne scavoir escripre ne signer et ledict vendeur a signé :
Ph. MILLOT CARTIER (notaire) HERVY (notaire).
Ledit Philipes Millot, susnommé au contract de vente cy-devant escript, confesse avoir receu dudict Brioché à ce present qui luy a baillé et payé presentement ez presences des notaires soubzsignez en especes de louys d'or, d'argent et monnoye le tout bon la somme de cent cinquante livres tournoiz qu'il estoit obligée luy payer par ledict contract devant escript, dont et de laquelle somme de cent cinquante livres tournoiz ledict Millot s'est contenté en quitte ledict Brioché et tous aultres, comme aussy ledict Brioché recognoist que ledict Millot luy a baillé et mis en sa possession la machine mentionnée audict contract avec tous les ustancilles et instrumens necessaires pour faire jouer icelle ainsy que ledict Millot y estoit aussy obligé par icelluy contract dont ledict Brioché s'est pareillement contenté, en quittant ledict Millot et tous aultres.
Fait et passé à Paris, ès estudes, l'an mil six cent quarante-sept le douziesme janvier, ledict Brioché a declaré ne scavoir escripre ne signer et ledict Millot a signé :
Ph. MILLOT CARTIER HERVY.
En marge :
Par quittance ce jour d'huy passée par devant les notaires soubzsignez, dont n'a esté gardé minutte, appert les cent cinquante livres tournoiz restans à payer de la somme de trois cens livres tournoiz mentionnée au contract cy-endroit escript, a esté payée par ledict Brioché audict Millot, ainsy que le contient ladicte quittance portant pouvoir de faire la présente descharge qui ne serviront ensemble que d'une mesme chose.
Faict le vingt-quatriesme mars mil six cent quarante-sept.
CARTIER HERVY
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 441 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la confection par Philippe Millot d'une machine destinée à Pierre Datelin dit Brioché.