Association de trois trompettes pour l'exercice de leur charge.
http://data.archives-nationales.culture.gouv.fr/recordResource/041382-c1p6ug6jcuv7--en99b1ihf81z an entity of type: RecordResource
Association de trois trompettes pour l'exercice de leur charge.
xsd:date
1600-06-04
4 juin 1600
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes Claude Pouteau, Pierre Gillebert et Mathurin Noiret, tous trompetes jurez en ceste ville, prevosté et viconté de Paris, demeurans scavoir ledict Gillebert rue Regnault-Le-Fevre, parroisse Sainct-Jehan-en-Greve, ledict Pouteau rue Garnier-sur-l'eau, parroisse Sainct-Gervais, ledict Noiret rue Sainct-Martin, parroisse Sainct-Nicolas-des-Champs, lesquelz de leurs bons grez et voullontez pour eviter aux contestations et diverses procès et differendz qui interviendront entre eulx en l'exercice de leursdictz offices et aux abuz qui se peuvent commetre, recongneurent et confesserent avoir sur ce compromis et accordé ce qui ensuict : c'est assavoir qu'ilz feront l'un après l'aultre ou ensemblement, selon qu'il sera necessaire, ainsy qu'ilz ont accoustumé faire, les publications et seront recherchez faire tant et par le decret, arrestz des courtz souveraines, sentences et mandement de Messieurs les lieutenant civil et criminel police et particulier que commandement de superieurs en ladicte prevosté et vicomté de Paris; pour quoy faire, ne pourront convenir ne faire marché ny mesmes pour les publications qui se peuvent faire aux champs sans y estre deux au moings et la femme de celuy qui sera absent presente ou advertye.
Et quant aux deniers qui proviendront desdictes publications comme aussy de ce qu'ilz recepveront pour sonner au feu de la Sainct-Jehan et monstre du lieutenant du guet, il sera partye entre eulx trois, et tous les loyers des chevaulx mesmes des hommes qu'il conviendroit emprunter pour sonner prealablement desduictz et rabattuz sur le total.
Et pour le regard des publications qui se feront, comme dict est, aux champs en quelque lieu que ce soit, ilz se feront aux mesmes conditions et proffict que dessus excepté que chacun sera tenu à son tour de vaquer et voyager jusques et pendant le temps de deux mois en ung ou plusieurs voiages, et advenant que le cheval ou chevaulx de ceulx qui seront aux champs meurent ou deviennent mallades ce sera aux despens commungs desdictz trompettes en rapportant toutesfois certificat vallable de bourliers et mareschaulx.
Et où iceulx trompettes soit par malladie ou absence par quelque temps que ce soit ne peussent faire leursdictz voiages ou assister ausdictes publications, en ce cas, sera permis au present ou presens d'y aller sy bon leur semble ou y mectre d'autres en la place dudict absent ou absens ou mallades aux despens de la communautél fors lequel conviendra payer pour le sallaire de celluy ou ceulx qui y seront commis qui sera desduict sur la part dudict absent ou deffaillant.
Et où il se trouve qu'ilz ou l'un d'eulx par malice et pour frustrer l'un d'eulx l'autre n'employent par les marchez qu'ilz feront tant verballement que autrement tout ce qu'ilz auront convenu et en facent quelque reserve à leur proffict particulier soit par forme de pot de vin ou autrement, mesmes qu'ilz facent quelques voiages sans en advertir sesdictz compagnons sans rapporter à leur communaulté, en ce cas justifiant la recepte par deux tesmoings, gens de bien et d'honneur, l'accusé demoura privé de ses droictz de la publication et voiage à ce qu'il auroit racheté et sera tenu payer aux autres ses compagnons la somme de trente-trois escuz et ung tiers incontinant le cas advenu et sans delay, et ce de peine commise entre eulx le tout sans aulcune autre forme ne figure de procès. Car ainsy, promectant etc., obligeant chacun en droict soy, renonceant, etc.
Faict et passé triple ès estudes des notaires, avant midy, l'an mil six le quatriesme jour de juing.
C. POUTEAU M. NOYRET CONTESSE (notaire) GILBART LE VOYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 354 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de trois trompettes pour l'exercice de leur charge.