"\n \n \n Extrait du contenu :\n \n 'Pierre Richard, aveugle, maistre organiste, demourant à Paris rue du Cocq, parroisse Sainct-Germain-de-l'Auxerrois, confesse avoir promis et promect à Martin de Lenne, filz de Guillaume de Lenne, maistre imprimeur en taille doulce, demourant à Paris rue Sainct-Jacques, à ce present et ce acceptant pour sondict filz, de monstrer et enseigner audict Martin de Lenne l'art et industrie de jouer tant d'orgues, espinette, musique que autres instrumens et le rendre parfaict èsdictz artz à son possible.\n Lequel Martin sera tenu aller chez ledict Richard pour aprendre ledict art ou icelluy Richard aller chez ledict de Lenne à la commodité de l'un de l'autre.\n Et a esté accordé que ledict Richard pourra le temps d'un an et non plus disposer d'icelluy Martin de Lenne et l'envoyer jouer desdictes orgues et et autres instrumens où bon luy semblera, soict ès esglises ou autres lieux, le prouffict en provenant demeurant du tout audict Richard, sans que iceulx de Lenne pere et filz en puissent pretendre ne demander aulcune chose pendant ledict temps d'un an; que ledict de Lenne pere a promis, sera tenu et promect pendant icelluy le nourrir et entretenir à ses propres coustz et despense.\n Ceste promesse faicte moyennant la somme de dix escuz soleil sur laquelle ledict Richard confesse avoir receu dudict de Lenne la somme de deux escuz trente solz tournoiz dont etc quictant etc, et le surplus montant six escuz et deux solz ledict de Lenne a promis, sera tenu, promect de gaige bailler et payer audict Richard ou au porteur, scavoir pareille somme de deux escuz trente solz tournoiz au jour de Pasques prochain venant et pareille somme au jour de Pasques ensuivant et les deux escuz et demy restant au jour et feste Sainct-Jehan-Baptiste aussy ensuivant, le tout prochain venant, promectant etc, obligeant chacun en droict soy, renonceant etc.\n Faict et passé, ès estudes des notaires soubzsignez, l'an mil six cens le second jour d'octobre, après midy, et a ledict declaré ne scavoir escripre ne signer à cause de la perte de sa veue, et ledict de Lenne pere a signé la presente minutte avec les dictz notaires soubzsignez :\n Guillaume DE LENNE BERTHOU (notaire) GOGUIER (notaire)\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 443 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . . "Promesse de leçons d'orgues, d'épinette et autres instruments."@fr . . "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.\n \n \n "^^ . . "Promesse de leçons d'orgues, d'épinette et autres instruments."@fr . . . . . "1600-10-02"^^ . . . "2 octobre 1600"@fr .