Association de quatre joueurs d'instruments pour quatre ans
http://data.archives-nationales.culture.gouv.fr/recordResource/041383-c1p6uggl89qz-x9agzg6dngqs an entity of type: RecordResource
Association de quatre joueurs d'instruments pour quatre ans
xsd:date
1619-02-25
25 février 1619
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Jean Amand, Martin Thoussainctz, François Joubert, et Pierre Amand, tous maistres joueurs d'instrumens à Paris, y demeurans, savoir lesdictz Amand pere et filz rue des Vertuz, parroisse Sainct-Nicolas-des-Champs, ledict Thoussainctz rue Sainct-Denys, parroisse Sainct-Laurent et ledict Joubert rue au Maire parroisse dudict Sainct-Nicolas-des-Champs, confesent eulx estre associé et se associent ensemblement ce jour d'huy jusques à quatre ans prochains venans en tous proffictz et esmolumens qui proviendront pour raison de leur exercice de jouer des instrumens la part où ilz seront mandez tant en ceste ville que faulxbourgs d'icelle, dont ledict Amand pere tiendra les basses de violon, ledict Thoussainctz les haulte conte de violon, ledict Joubert le dessus de violon et ledict Amand filz les tailles de violon sans qu'ilz puissent entreprendre sur la partye des ungs et des autres sy ce n'est de leur commung consentement sur peyne de six livres en pure perte qui sera payé par le contrevenant aux autres de leurs compagnons incontinent le cas advenu. Et ou cas que l'un desdictz associez ne peult jouer sa partie comme il fault, en ce cas il sera tenu d'en metre ing autre cappable en sa place et à ses despens.
A la charge que tous les deniers qui proviendront de leur exercice se partiront egallement par quart sans aucune fraulde sur la peyne susdicte; comme aussy les trois jouans ensemble rapporteront au quatriesme lequel se trouvera aux aubaddes s'il s'en faict.
Seront tenuz lesdictz associez se trouver ensemble au logis l'un de l'autre tour à tour tous les vendredis de la sepmaine pendant ledict temps pour concerter sur les troys heures en attendant quatre de relevée sur peyne de dix solz tournoiz qui seront payés par le deffaillant ausdictz autres ses compagnons s'il n'y a excuse legitime.
Laquelle presente association ne se pourra resouldre sans le consentement de tous sur peyne de dix-huict livres tournoiz de pure perte qui sera payé et en depost par le contrevenant aux acquiessans incontinent le cas advenu à leur volonté. Comme aussy a esté accordé que nul autre ne pourra entrer en la presente association sans le consentement de tous ensemble. Promectant etc, obligeant chacun en droict soy corps et biens, renonceant etc.
Faict et passé ès estudes des notaires soubzsignez l'an mil six cent dix-neuf le vingt-cinquiesme jour de febvrier, avant midy, et ont signé :
AMAND François JOUBART THEVENYN (notaire) Pierre AMAND Martin TOUSSAINCT GOGUYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 378 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de quatre joueurs d'instruments pour quatre ans