Association de six joueurs d'instruments pour six ans.
http://data.archives-nationales.culture.gouv.fr/recordResource/041383-c1p6uggm5pgb--icadhdgf3en4 an entity of type: RecordResource
Association de six joueurs d'instruments pour six ans.
xsd:date
1620-03-13
13 mars 1620
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes Jacques de Boully, Baptiste Jolicoeur, Guillaume Duneaux, Vincent Verdier, Guillaume de Sacq et Nicolas Bigot, tous maistres joueurs d'instrumens à Paris, y demeurans savoir ledict de Boully place Royale, parroisse Sainct-Paul, ledict Jolicueur rue Guerin Boisseau, parroisse Sainct-Laurent, ledict Duneaux rue de la Mortellerie, parroisse Sainct-Gervais, ledict Verdier rue de la Plastrière, parroisse Sainct-Eustache, ledict de Sacq ès faulxbourgs Sainct-Marcel, grande rue Moufetard, parroisse Saint-Medart, et ledict Bigot rue Sainct-Martin, paroisse Sainct-Nicolas-des-Champs. Lesquelz se sont voluntairement associez et associent ensemblement du jourd'huy jusques à six ans prochains venans pour jouer des instrumens la part où ilz seront pendant ledict temps mandez, savoir ledict de Boully de la taille de violon et de cornet, ledict Jollicoeur de basse de viollon et de haultboys, ledict Duneaux de taille de violon et de cornet, ledict Verdier de dessus de violon et dessus de cornet, ledict Le Sacq aussy de dessus de violon et de dessus de cornet et ledict Bigot de haute conte de cornet et de violon, sans que lesdictz associez puissent entreprendre sur la partye l'un de l'autre, à peyne de payer par le contrevenant à ses compagnons soixante solz pour chacune foys durant ledict temps, à lacharge que lesdicts associez seront tenuz de se trouver par chacun vendredi de la sepmaine pendant ledict temps au logis de l'un ou de l'autre desdictz associez ainsy qu'ils adviseront pour concerter ensemble entre eux pour le regard de cest entretien à quatre heures de relevée depuis Pasques jusques à la Sainct-Remy et en hiver depuis ledict jour Sainct-Remy jusques audict jour de Pasques, entre deux et trois heures de relevée sur peyne de payer par le deffaillant ung quart d'escu pour chacune foys.
Seront tenuz lesdictz associez de dire et advertir leurs compagnons ledict jour de vendredy des marchez qu'ilz pourroient avoir faictz à peyne de payer soixante solz pour chacune foys.
Seront aussy tenuz lesdictz associez de se trouver ensemblement aux aubades aux heures qu'il aura esté dict à peyne de vingt solz pour chacune foys, et le gaing faict ensemblement se partagera egallement; et trois jouans ensemble le rapporteront à la communaulté et ceux qui yront aux champs ne seront tenuz de rapporter à leurs compagnons ; à la charge que celluy qui fraudera son compagnon en fasson quelconque sera tenu de payer la somme de six livres pour chacyne foys.
Ne pourront lesdictz associez prendre pendant ledict temps aucuns autres joueurs pour jouer avec eulx desdictz instruments sur peyne de soixante solz tournoiz sy les compagnons ne sont empeschez d'ailleurs.
Ne pourront lesdictz associez jouer avec autres le jour de l'An ou d'Estraynes à peyne de soixante solz tournoiz et de rapporter le gaing qu'il fera ledict jour.
Arrivant maladie de l'un ou de l'autre desdictz associez seront tenuz les autres en santé luy faire part du gaing lorsque l'on jouera trois ensemble.
A esté accordé entre eulx qu'ilz pourront quand bon leur semblera prendre avec eulx deux autres joueurs d'instrumens maistres pour faire le nombre de huict.
Et laquelle presente association ne se pourra resouldre sans le consentement l'un de l'aultre sur peyne de trente livres de pure perte qui seront payée par le contrevenant aux acquiessans incontinant le cas advenu à volunté; et en ce faisant et moyennant le present contract d'association sont et demeurent tous autres constractz, par eulx cy-devant faictz pour raison de ce, nulz et revoquez, voullans et accordans respectivement qu'il puisse sortir son effect. Car ainsy etc, promettant etc, obligeant chacun en droict soy et l'un envers l'autre corps et biens, renonceant d'une part et de l'autre.
Faict et passé à Paris ès estudes des notaires soubzsignez, l'an mil six cens vingt, le treiziesme jour de mars, après midy, et ont signé (ledict Sacq a déclaré ne avoir escrire ne signer) :
B. JOLLYCOEUR G. DUNEAU HAGUENYER (notaire) Vincent VERDIER Jacques DE BOILLY GOGUYER (notaire) BIGOT
Informations concernant le classement et la cotation du document :
La cote donnée par l'instrument de recherche imprimé (MC/ET/XII/22) a été mise à jour ; la cote est MC/ET/XII/22/A.
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 379 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de six joueurs d'instruments pour six ans.